Koreyaning Seul shahrida barcha soha vakillari uchun 4 kunlik xalqaro sammit — Korea Youth Summit 2025

Youth Break the Boundaries tashkiloti tomonidan tashkil qilingan Korea Youth Summit 2025 dasturi Janubiy Koreyaning Seul shahrida 2025-yil 30-iyundan 3-iyulgacha bo‘lib o‘tadi.

Dunyoning turli burchaklaridan turli yoshlarni jalb qilishga mo‘ljallangan ushbu dastur “Madaniy yodgorliklarni asrash loyihasi” (Cultural Heritage Preservation Project) mavzusi ostida bo‘lib o‘tadi. Delegatlar Koreya Yoshlar Sammitida global muammolar bo‘yicha muhokamalarda ishtirok etish, madaniyatlararo tushunishni rivojlantirish va dunyo bo‘ylab yosh yetkakchilar bilan hamkorlik qilish orqali ijobiy o‘zgarishlar yaratish imkoniyatiga ega bo‘lishadi. Ushbu sammit, yetakchilik qobiliyatini rivojlantirish, qimmatli ma’lumotlar olish va barqaror kelajakni shakllantirishga hissa qo‘shish uchun noyob imkoniyat taqdim etadi. 

Nomzodlar 15-40 yosh oralig‘idagi barcha soha va millat vakillari ariza topshirishlari mumkin. Ariza topshirishdan oldin ba’zi ijtimoiy tarmoqlarga a’zo bo‘lish kabi topshiriqlar beriladi, shundan so‘ng ariza topshirish va dasturda ishtirok etish mumkin.

Dasturda ishtirok etish uchun quyidagi talablar mavjud: 

• Nomzodlar 15-40 yosh oralig‘ida bo‘lishlari lozim;
• Barcha millat vakillari ariza topshirish huquqiga ega;
• Barcha soha vakillari qatnashishlari mumkin;
• Nomzod hech qachon jinoyat sodir etmagan va hech qanday jinoiy guruhlarga aralashib qolmagan bo‘lishi kerak;
• Dastur tomonidan so‘ralgan ijtimoiy tarmoqlarga a’zo bo‘lish kerak. 

Dastur talablari haqida ushbu havola orqali batafsil ma’lumot olish mumkin.

Dasturda to'liq grant asosida (Fully funded) va o'z hisobidan (Self funded) qatnashish mumkin va ular quyidagi imtiyozlarni taqdim etadi:

• Dasturga qatnashish ruxsatnomasi;
• Bepul turar-joy va ovqatlanish (nonushta, tushlik va kechki ovqat);
• Seminar qutisi (sumkasi);
• Sertifikat;
• Aeroportda kutib olish va kuzatish uchun yordam;
• Konferensiya davomida ichki transport ta’minoti. 

Eslatma! To'liq grant ham, o'z hisobidan qatnashish uchun dasturga qilingan to'lov ham Koreyaga borish/kelish xarajatlarini qoplamaydi.

Dasturga ariza topshirish jarayoni quyidagi bosqichlarda amalga oshiriladi: 

1. Dasturning ijtimoiy tarmoqlardagi sahifalariga obuna bo‘lish va belgilangan ko‘rsatmalarni bajarish kerak (batafsil ariza topshirish qismida aytib o‘tilgan);
2.  Ushbu sahifaga tashrif buyuring;
3. “Sign in” tugmasini bosing va ko‘rsatmalarni bajargan holda kerakli ma’lumotlarni taqdim eting va saytga obuna bo‘ling;
4. Keyingi bosqichda saytga maxsus to‘ldirgan ma’lumotlaringizni to‘ldirgan holda kiring, ariza shaklini aytilgan shaklda to‘ldiring va so‘ralgan ma’lumotlarni taqdim eting. 

Muhim! Dasturga iloji boricha ertaroq ro‘yxatdan o‘tish lozim, chunki kechroq ariza topshirgan nomzodlar uchun ariza topshirish to‘lovi biroz ko‘proq qilib belgilangan. 

Ariza topshirish jarayonida quyidagilar so‘raladi:

• Ma’lumotlar (ism-familiya, tug‘ilgan sana, manzil va b.)
• Qo‘shimcha ma’lumotlar (tajriba, qobiliyat va b.);
• Insho;
• Dasturga aloqador ma’lumotlar (ijtimoiy tarmoqlarga a’zo bo‘lganlik va postlarni isbotlovchi ma’lumotlar);
• Shaxsiy foto. 

Eslatma! Insho namunasini dastur broshyurasidan topish mumkin. Dasturga ariza topshirish uchun $10 ariza to‘lovi mavjud. 

Shuningdek, dasturda o‘z hisobidan ham qatnashish mumkin va bu $660 hisoblanadi. Ushbu to‘lov ikkiga bo‘lib to‘lanishi mumkin.

Ma’lumot uchun: 

Tel: +6285173386622;

Email: koreayouthsummit@gmail.com.

Dastur haqida quyidagi ijtimoiy tarmoqlar orqali ham ma’lumot olish mumkin:

-TikTok;

-Instagram;

-YouTube;

-Telegram.