Barcha sohadagi talabalarga moʻljallangan yoshlar, tinchlik va xavfsizlik mavzusidagi Ozarbayjon xalqaro forumi
  • 01/10/2022 Qabul boshlanishi
  • Toʻliq Moliyalash turi
  • Ozarbayjon Davlat
  • 12/10/2022 22:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    20 yoshdan 29 yoshgacha

Doʻstlar bilan ulashing

Umumiy maʻlumotlar

The International Student Forum “Bir Könüllü — One volunteer” talabalar jamoat birlashmasi tomonidan tashkillashtirilgan. Ozarbayjon Yoshlar jamgʻarmasi hamkorlik qilayotgan ushbu forumda xalqaro miqyosdagi yosh olimlar va talabalar, ozarbayjon hamda boshqa ekspertlar ishtirok etishadi. Dasturdan koʻzlangan maqsad tinchlik va xavfsizlik muammolarini muhokama qilish, tahlillar va seminarlar oʻtkazish, ehtimoliy yechimlarni ishlab chiqish hamda fikr almashishdir.

Dasturda 20-29 yosh oraligʻidagi barcha yoʻnalishda bakalavriatning oxirgi bosqichida oʻqiyotgan talabalar, magistrantlar va doktorantlar ishtirok etishlari mumkin. Dasturga roʻyxatdan oʻtish jarayoni 2022-yilning 12-oktyabrigacha davom etadi. Forum ushbu yilning 23-28-noyabr kunlari boʻlib oʻtadi. 3 kun davom etadigan muhokamalar va munozarali seminarlardan keyin ishtirokchilar oʻzlari bildirgan fikr va takliflarini qisqa akademik maqola yoki tezislar orqali taqdim etishadi. Eng yaxshi maqola va tezislar dastur maʼmuriyatiga qarashli manbalarda chop etiladi. Forum uchun turar-joy va oziq-ovqat xarajatlari 100%, yoʻl xarajatlari esa 70% gacha toʻlab beriladi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Dasturda 20-29 yosh oraligʻidagi barcha fuqarolar ishtirok etishlari mumkin;
  • Forumda bakalavr bosqichining oxirgi kurs talabalari, magistrantlar, doktorantlar ishtirok etishlari mumkin boʻladi;
  • Dasturda barcha soha vakillari ishtirok etishlari mumkin, ammo xalqaro aloqalar, siyosatshunoslik, tinchlik va nizolar, inson huquqlari, xalqaro diplomatiya, xalqaro huquq, ijtimoiy fanlar, davlat siyosati va boshqaruvi, jurnalistika, kommunikatsiyalar va media sohasiga tegishli nomzodlarga saralash jarayonida ustunlik beriladi;
  • Saralash jarayonida nomzodlarning akademik yozish koʻnikmalari ham inobatga olinadi. Bu ishtirokchilarning yozgan motivatsion xatlari orqali aniqlanadi;
  • Dastur ishtirokchilari ingliz tilini bilishlari kerak boʻladi. Chunki forum ingliz tilida boʻlib oʻtadi. Ammo hech qanday sertifikat soʻralmaydi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

  • Ishtirokchilar 100% tekin oziq-ovqat bilan ta'minlanadi;
  • Dasturda qatnashadigan ishtirokchilarning Ozarbayjonga borib-kelish  yo'l xarajatlari 70% qoplab beriladi;
  • Forum davomida bo'lib o'tadigan seminarlar va muhokamalar natijasida, ishtirokchilar ozarbayjon hamda boshqa millat vakillari bilan fikr almashish imkoniyatini qo'lga kiritishadi;
  • Eng yaxshi ishtirokchilar va ularning maqolalari mukofotlanadi;
  • Dasturda g'olib bo'lgan ishtirokchilarning maqola yoki tezislari forum ma'muriyatining tegishli manbalarida chop etiladi;

Dasturning foydai jihatlari haqida ushbu havola orqali batafsil ma'lumot olish mumkin.

Hujjat topshirish

Dasturda qatnashish jarayoni quyidagicha:

  • Dasturga qabul jarayoni Oʻzbekiston vaqti bilan 2022-yil 12-oktyabr soat 22:59 gacha davom etadi;
  • Saralash jarayonida ariza shaklining toʻldirilishi inobatga olinadi, shuning uchun ariza toʻldirilishiga alohida eʼtibor berish hamda soʻralgan barcha maʼlumotlarni kiritish lozim;
  • Ariza shaklini toʻldirish davomida nomzodning ingliz tilini bilish darajasi ham soʻraladi;
  • Nomzod ariza shaklini toʻldirish davomida 300 soʻzdan kam boʻlmagan motivation xat yozishi soʻraladi va saralash jarayonida ushbu xat alohida inobatga olinadi;
  • Ishtirokchilar oʻzlarining rezyumelarini yuklashlari kerak boʻladi;
  • Ariza shaklida nomzodlardan quyidagi savollarga javob beruvchi 3-5 daqiqalik tanishtiruv video joylash soʻraladi:

-Oʻzingizni qisqacha tanishtiring;

-Tinchlikni saqlash deganda nimani tushunasiz?

-Tinchlikni saqlash boʻyicha masʼul inson qanday xarakter va xususiyatlarga ega boʻlishi kerak deb oʻylaysiz? 

Ushbu havola orqali dasturga roʻyxatdan oʻtish mumkin.

Qoʻshimcha maʻlumotlar

Dastur haqida qoʻshimcha maʼlumotlarni ushbu havola orqali topish mumkin.

Ozarbayjon
Barcha sohadagi talabalarga moʻljallangan yoshlar, tinchlik va xavfsizlik mavzusidagi Ozarbayjon xalqaro forumi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar