Barcha talaba-oʻquvchilar uchun “Vatan taraqqiyotiga mening hissam” shiori ostidagi umumiy mukofot jamgʻarmasi 64 million soʻmni tashkil etuvchi ilmiy-ommabop maqolalar tanlovi
  • 07/01/2022 Qabul boshlanishi
  • Mukofot Moliyalash turi
  • Oʻzbekiston Davlat
  • 20.01.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Magistr talabasi
  • Dastur tili
    Rus tili, O'zbek tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

“Vatan taraqqiyotiga mening hissam” shiori ostidagi maqolalar tanlovi Oʻzbekiston Respublikasi Oliy va oʻrta maxsus taʼlim vazirligi tizimida maʼnaviy-maʼrifiy ishlarning yangi tizimini yaratishda talaba-oʻquvchilarning ishtirokini taʼminlash, ularning ilmiy-ijodiy ishlarini ilmiy-nazariy jihatdan tahlil qilgan holda amaliyotga tatbiq qilish hamda Oʻzbekiston Respublikasi Prezidentining 2021-yil 26-martdagi “Maʼnaviy-maʼrifiy ishlar tizimini tubdan takomillashtirish chora-tadbirlari toʻgʻrisida”gi 5040-sonli qarori ijrosini taʼminlash maqsadida tashkil etilgan.

Ushbu maqolalar tanlovida oliy, oʻrta maxsus va professional taʼlim muassasalarida tahsil olayotgan talaba-oʻquvchilar oʻzlarining ilmiy-ijodiy ish (maqola)lari bilan ishtirok etadilar.

Tanlovning asosiy maqsadi Oʻzbekiston Respublikasida yoshlarga oid davlat siyosatini izchil amalga oshirish, yoshlarni milliy va umuminsoniy qadriyatlar ruhida tarbiyalash, isteʼdodli yoshlarni aniqlash va ularni qoʻllab-quvvatlash, maʼnaviy-maʼrifiy ishlarning yangi tizimini yaratishda hamda oliy maqsadlarimizdan biri boʻlgan Uchinchi Renessans poydevorini qurishda yoshlarning ishtirokini taʼminlash va ularda daxldorlik fazilatlarini qaror toptirish, milliy va diniy qadriyatlarni tiklashdan iborat.

Tanlov vazifalari quyidagilardan iborat:

  • Yoshlar ongida Vatanimiz tarixi, milliy va umuminsoniy qadriyatlar, ijtimoiy hayot haqidagi tushuncha va bilim koʻnikmalarini yanada yuksaltirish;
  • Yoshlar oʻrtasida ilmiy, ilmiy-ommabop, ijodiy, publitsistik maqolalar, insholar yozish koʻnikmalarini shakllantirish;
  • Yoshlarning oʻz iqtidorlarini namoyish etishlari uchun shart-sharoitlar yaratish hamda mustaqil va erkin fikrga ega isteʼdodli yoshlarni har tomonlama qoʻllab-quvvatlash;
  • Uchinchi Renessans bunyodkorlari boʻladigan yuksak maʼnaviyatli avlodni tarbiyalash;
  • Yangi Oʻzbekistonda maʼrifatli jamiyatni barpo etishda yoshlarning rolini oshirish.

Tanlovga taqdim etiladigan ilmiy-ijodiy ish (maqola)lar quyidagi shoʻbalarda qabul qilinadi:

  1. Yuksak maʼnaviyatli avlod – Uchinchi Renessans bunyodkorlari;
  2. Millatlararo totuvlik va diniy bagʻrikenglik oʻzbek xalqining yuksak qadriyatidir;
  3. Yangi Oʻzbekiston maʼrifatli jamiyatini yaratishda yoshlarning oʻrni;
  4. Yoshlar hayotida virtuallashuv sabablari va omillari.

Maqbullik shartlari

  • Maqolalar tanlovida oliy, oʻrta maxsus, kasb-hunar taʼlimi muassasalarida tahsil olayotgan talaba-oʻquvchilar oʻz ilmiy-ijodiy ishlari (maqolalari) bilan qatnashishlari mumkin.

Foydali tomonlari

Tanlovning har bir shoʼbasi boʼyicha yuqori – 1-2-3-oʼrinni olgan tanlov qatnashchilari quyidagi miqdordagi pul mukofotlari va Oliy va oʼrta maxsus taʼlim vazirligining darajali diplomlari bilan taqdirlanadilar:

  • 1-oʼrin – 8 000 000 (sakkiz million) soʼm;
  • 2-oʼrin – 5 000 000 (besh million) soʼm;
  • 3-oʼrin – 3 000 000 (uch million) soʼm. 

Jami mukofot miqdori  64 million soʼm.

Hujjat topshirish

Tanlov bir bosqichda oʻtkaziladi. Tanlovda ishtirok etish istagini bildirgan talaba-oʻquvchilarning ilmiy ijodiy ishlari 2022-yilning 20-yanvar kuniga qadar @manaviyat_edu_tanlov (+99894 602-86-03) telegram manziliga oʻzbek yoki rus tillarida yuboradilar.

Tanlovga taqdim etiladigan ilmiy-ijodiy ish (maqola)lar quyidagi shoʻbalarda qabul qilinadi:

  1. Yuksak maʼnaviyatli avlod – Uchinchi Renessans bunyodkorlari;
  2. Millatlararo totuvlik va diniy bagʻrikenglik oʻzbek xalqining yuksak qadriyatidir;
  3. Yangi Oʻzbekiston maʼrifatli jamiyatini yaratishda yoshlarning oʻrni;
  4. Yoshlar hayotida virtuallashuv sabablari va omillari.

Tanlovga taqdim etiladigan ilmiy-ijodiy ish (maqola)lar kompьyuter Microsoft Word dasturida, satr oraligʻi 1,5 intervalda, 14 kegl bilan Times New Roman shriftida, matn formati yuqori va pastdan – 2,5 sm, chapdan – 3 sm, oʻngdan – 1,5 sm joy qoldirilgan holda yozilishi shart.
Yuqoridagi talablarga javob bermaydigan ilmiy-ijodiy ish (maqola)lar qabul qilinmaydi.

Qoʻshimcha maʻlumotlar

Tanlovga taqdim etiladigan ilmi-ijodiy ish (maqola)lar quyidagi mezonlarda baholanadi:

  • Mavzuning mazmun-mohiyati toʼlaqonli ochib berilganligi;
  • Ilmiy-ijodiy ish (maqola)ning stilistik va grammatik jihatdan toʼgʼri yozilganligi;
  • Mavzuni yoritishda adabiyotlardan foydalanilganlik darajasi va tahliliy yondashuvlar;
  • Yuqori ilmiy, badiiy saviyada yozilganligi;
  • Mavjud muammo va uni bartaraf etish boʼyicha yechimlarning mavjudligi.

Har bir mezon 10 ballik tizim asosida baholanadi (jami 50 ball)

Tanlovda gʼolib boʼlgan talabalarni ragʼbatlantirish Oliy va oʼrta maxsus taʼlim vazirligining Oliy taʼlim muassasalarini rivojlantirish jamgʼarmasi hisobidan moliyalashtiriladi.

Tanlov ishtirokchisining huquqlari quyidagilardan iborat:

  • Tanlovni oʼtkazish shartlari va tartibi toʼgʼrisida maʼlumot olish;
  • Tanlov gʼolibi deb eʼlon qilinganida sovrin(lar)ni oʼzi yoki ishonchli vakili orqali qabul qilib olish.

Tanlov ishtirokchisining majburiyatlari quyidagilardan iborat:

  • Ilmiy-ijodiy ish (maqola)ni topshirishdan oldin tanlov Nizomi bilan toʼliq tanishish;
  • Nizomda koʼrsatilgan talablarga qatʼiy rioya qilish.

Qo'shimcha savol va murojaatlar uchun maxsus guruh ochilgan.

Oʻzbekiston
Barcha talaba-oʻquvchilar uchun “Vatan taraqqiyotiga mening hissam” shiori ostidagi umumiy mukofot jamgʻarmasi 64 million soʻmni tashkil etuvchi ilmiy-ommabop maqolalar tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar