Barcha talabalar hamda tadqiqotchilar uchun Latviyada qisman moliyalashtiriluvchi yozgi maktab dasturilari. Stipendiya miqdori - €711
-
01/02/2022 Qabul boshlanishi
-
Qisman Moliyalash turi
-
Latviya Davlat
-
01/04/2022 23:59 Oxirgi muddat
Umumiy maʻlumotlar
Latviyaning taʼlimni rivojlantirish davlat agentligi tomonidan Latvian scholarship – Latviya stipendiyasi dasturi eʼlon qilinadi.
Dastur xalqaro xorijiy talabalar, tadqiqotchilar va oliy oʻquv yurtlari oʻqituvchilariga 2022-yilda Latviyaning bir qator yozgi maktablariga qatnashish va tajriba almashish imkonini yaratadi.
Dastur ingliz tilida boʻlib oʻtadi va ushbu havolada nomlari berilgan davlat fuqarolari qatnasha oladilar. Dasturga qabul qilingan ishtirokchilarning yozgi maktab davomida boʻladigan xarajatlari uchun €711 miqdorda stipendiya ajratiladi.
Yozgi maktab amaliyot dasturlari quyidagi yo'nalishlar doirasida oʻtkaziladi:
- Soviet Military History Traces in the Territory of Latvia;
- Phenomenology of the Border Area: Eastern Latvia;
- Summer School of Latvian language and culture 2022;
- Introduction in Deep Learning for Cybersecurity;
- Urban, Indoor Gardening and Design;
- Waste Management. Clearwater Technologies;
- Fracture Structures: Material Stress Resistance;
Eslatma: Maktablar haqidagi toʻliq maʼlumotlarni ushbu havola orqali olish mumkin.
Maqbullik shartlari
Dasturda ishtirok etish uchun nomzodlar quyidagi talablarga javob berishlari lozim:
- Yozgi amaliyot maktabida bakalavr, magistratura, doktorantura talabalari, tadqiqotchilar hamda oliy oʻquv yurtlari oʻqitish sohasi xodimlari (oʻqituvchilar) qatnashishi mumkin;
- Dasturda ro'yxatda berilgan davlat fuqarolari qatnasha oladi. Ro'yxatda O'zbekiston ham berilgan. Ro'yxat bilan batafsil ushbu havola orqali tanishish mumkin;
- Ishtirokchidan ingliz tilini yaxshi bilishi soʻraladi. Til sertifikatlari (IELTS, TOEFL) talab qilinmaydi;
- Muayyan yo'nalish doirasidagi yozgi maktabga yozilish uchun uning qabul talablariga mos kelish lozim.
Maqbullik shartlari haqida batafsil ushbu havola orqali tanishish mumkin.
Foydali tomonlari
Dasturga qabul qilingan ishtirokchilar quyidagi imtiyozlarga ega boʻladilar:
- Ishtirokchiga bir martalik €711 pul miqdori ajratiladi. Stipendiya nomzodning oʻziga berilmaydi, balki yozgi maktab davomidagi xarajatlari uchun toʻgʻridan toʻgʻri tanlangan maktab tashkilotchilariga oʻtkaziladi;
- Ishtirokchilarga dastur soʻngida sertifikatlar beriladi.
Muhim: Ishtirokchilar borish kelish yoʻl, viza va sugʻurta xarajatlarini oʻzlari qoplashlari lozim.
Qoʻshimcha maʻlumotlar
Qabul natijalari ishtirokchilarga tanlangan maktab tashkilotchilari tomonidan eʼlon qilinadi. Dastur davomiyligi maktablar tomonidan yoz oylarining turli sanalarida belgilanadi. Bu haqida batafsil ushbu havola orqali tanishish mumkin.
Mutaxassis:
Marika Pīra