Barcha talabalar uchun Fransiyada oylik €1000 haq toʻlanuvchi xalqaro amaliyot dasturi — The OECD Internship Programme

OECD — Iqtisodiy hamkorlik va rivojlanish tashkilotining amaliyot dasturi iqtisodiy-ijtimoiy sohadagi loyihalar ustida ishlash va ushbu tashkilotning korporativ vazifalarini qoʻllab-quvvatlash uchun yuqori malakali va gʻayratli talabalarni jalb qilish maqsadida tashkil etilgan. Uning asosiy maqsadi — muvaffaqiyatli nomzodlarga xalqaro muhitda tahliliy va texnik koʻnikmalarini oshirish imkoniyatini berish.

Tashkilotning asosiy vazifasi butun dunyodagi odamlarning iqtisodiy va ijtimoiy farovonligini yaxshilashdan iborat. OECD global muammolarga yechim izlash, tajriba almashish va oqilona siyosat yoʻlida hukumat, parlament aʼzolari, korxonalar, jamoatchilik rahbarlari, fuqarolik tashkilotlari va akademiklarni birlashtiradi.

Dasturga arizalar yil davоmida qabul qilinadi. Quyidagi yo‘nalishlarda amaliyot o‘tish mumkin: 

• Qishloq xo‘jaligi va baliqchilik

• Sun’iy intellekt

• Korrupsiyaga qarshi kurash

• Korporativ boshqaruv

• Raqamlashtirish

• Iqtisodiyot

• Ta’lim

• Bandlik

• Energiya

• Atrof-muhit muhofozasi

• Moliya

• Gender tenglik va xilma -xillik

• Salomatlik

• Sanoat, innovatsiya va tadbirkorlik

• Sug‘urta va nafaqa

• Xalqaro migratsiya

• Sarmoyadorlik

• Yadro quvvati

• Davlat boshqaruvi

• Mintaqaviy rivojlanish

• Normativ islohotlar

• Fan va texnologiya

• Statistika

• Soliq

• Turizm

• Savdo va qishloq xo‘jaligi

• Transport

Dastur haqida batafsil ma’lumotni ushbu havоla оrqali topish mumkin.

• Bakalavr, magistratura yoki doktorantura bosqichida oʻqiyotgan boʻlishi;

• IT sohasida yaxshi bilimga ega boʻlishi va Microsoft Office dasturlarida bemalol ishlay olishi;

• Kamida bir oy toʻliq amaliyot oʻtay olishi;

• Ingliz yoki fransuz tilida erkin muloqot qila olishi;

• Bilimli va tez kirishimli boʻlishi va boshqalar.

• Har oy shaxsiy xarajatlar uchun 1000 yevrogacha stipendiya bilan taʼminlanadi;

• 1 oydan 6 oygacha OECD bilan ishlash imkoniyatini qoʻlga kiritadi;

• Oʻz sohasida yuqori malakaga ega boʻladi.

1. Onlayn ariza topshiriladi va maʼlumotlar toʻldiriladi;

2. Kerakli hujjatlar:

   • Pasport nusxasi;

   • Cover letter;

   • Oʻqiyotgan oliygohdan maʼlumotnoma;

   • Tibbiy sugʻurta;

   • Viza;

   • Fransiya bank hisob raqami (OECD ga rasman qabul qilingandan soʻng soʻraladi).

      3. Ariza koʻrib chiqilgan soʻng intervyu olinadi.

• Ariza topshirilgandan keyin 5 oy davomida saralanganlar bilan aloqaga chiqiladi.

• Agar aloqaga chiqilmasa, demak, nomzod qabul qilinmagan boʻladi va ulardan yana qayta urinib koʻrishlari soʻraladi.

• Arizalar koʻrib chiqilgandan soʻng saralanganlar uchun intervyu belgilanadi va ularga sohasiga oid topshiriq beriladi. Yakuniy natijaga koʻra qabul qilinganlarga rasmiy xat yuboriladi.

Qoʻshimcha maʼlumot uchun HRM.InternshipOffice@oecd.org ga murojaat qilish mumkin.

Koʻp beriladigan savollar bilan ushbu havola orqali tanishish mumkin.