Barcha yosh tadqiqotchilar uchun “Yangi O‘zbekistonning iste’dodli yoshlari” ilmiy-innovatsion ishlanmalar respublika tanlovi. Bosh sovrin - 30,000,000 so'm
  • 24/01/2022 Qabul boshlanishi
  • Mukofot Moliyalash turi
  • Oʻzbekiston Davlat
  • 01.03.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Rus tili, O'zbek tili
  • Yosh chegarasi
    40 yoshgacha

Doʻstlar bilan ulashing

Umumiy maʻlumotlar

Oʻzbekiston Respublikasi Oliy va oʻrta maxsus taʼlim vazirligi va Isteʼdodli yoshlarni qoʻllab-quvvatlash “Ulugʻbek” jamgʻarmasi tomonidan talabalar (bakalavriat, magistratura), doktorantlar va yosh tadqiqotchilarni ilm-fan sohasidagi innovatsion tashabbuslarini qoʻllab-quvvatlash maqsadida “Yangi Oʻzbekistonning isteʼdodli yoshlari” ilmiy-innovatsion ishlanmalar Respublika tanlovi eʼlon qilinadi.

Tanlovga quyidagi yoʻnalishlar boʻyicha ilmiy-innovatsion ishlanmalar (qurilma, asbob-uskunalar va boshqalar) 2022-yilning 24-yanvar kunidan 1-mart kuniga qadar qabul qilinadi:

– texnika va texnologiya;

– axborot texnologiyalari;

– tibbiyot;

– qishloq va suv xoʻjaligi;

– arxitektura va qurilish.

Tanlovda irqi va millatidan qatʼi nazar 40 yoshgacha boʻlgan barcha tadqiqotchilar (talaba, magistrant, doktorant, professor va tadqiqotchilar) ishtirok etishlari mumkin. Gʻoliblar tegishli miqdorda pul mukofoti va diplom bilan taqdirlanadilar.

Tanlov haqida batafsil rasmiy havolada oʻqish mumkin.

Maqbullik shartlari

  • Tanlovga 40 yoshgacha boʻlgan tadqiqotchilar (talaba, magistrant, doktorant, professor va tadqiqotchilar) ishtirok etishlari mumkin;
  • Tanlovga taqdim etilayotgan ishlanmalarning ilmiy yangiligi (qiyosiy tahlil), dolzarbligi boʻlishi va qoʻllanish sohasi aniq aks etishi; texnik iqtisodiy tavsifi; ishlanmaga oid ilmiy ishlar roʻyxati (mavjud boʻlsa); ishlanmaning namuna nusxasi yoki innovatsion qurilma chizmalari boʻlishi lozim (Hujjat topshirishda shular taqdim tiladi);
  • Oʻzbek va rus tillarida ariza berish mumkin.

Tanlov nizomi bilan bu yerda batafsil tanishish mumkin.

Foydali tomonlari

Tanlov g‘oliblari:

  • 1-o‘rin uchun 30 000 000 (o‘ttiz million) so‘m;
  • 2-o‘rin uchun 20 000 000 (yigirma million) so‘m;
  • 3-o‘rin uchun 10 000 000 (o‘n million) so‘m pul mukofoti va maxsus diplom bilan taqdirlanadi.

Hujjat topshirish

Ilmiy-innovatsion ishlanmalar Oliy va o‘rta maxsus ta’lim vazirligining Ilmiy-tadqiqot va innovatsion faoliyatni rivojlantirish boshqarmasiga (nauka@edu.uz elektron manzili, telegram: 97-746-37-21) taqdim etiladi.

Qoʻshimcha maʻlumotlar

Taqdim etilgan hujjatlar (ishlanmalar) yetakchi olimlardan iborat ekspertlar guruhi tomonidan mart-aprel oylari mobaynida ko‘rib chiqiladi va tanlov g‘oliblarni joriy yilning may oyida e’lon qilinadi.

Tanlovning baholanish tartibi bilan nizomda batafsil tanishish mumkin.

Qoʻshimcha maʼlumotlar uchun:

Telegram: 97-746-37-21

Oʻzbekiston
Barcha yosh tadqiqotchilar uchun “Yangi O‘zbekistonning iste’dodli yoshlari” ilmiy-innovatsion ishlanmalar respublika tanlovi. Bosh sovrin - 30,000,000 so'm

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar