Barcha yoshlar uchun IT sohasida bepul taʼlim va mukofot jamgʻarmasi 200 million soʻmlik xakaton — MohirFest festivalida ishtirok etish imkoniyati

Yoshlar ishlari agentligi va Mohirdev.uz onlayn taʼlim platformasi hamkorligida MohirFest 2022 festivaliga start berilmoqda.

Festival davomida siz bepul onlayn taʼlim olasiz. Shuningdek, eng yaxshi bitiruvchilar qatorida xakatonda ishtirok etishingiz, final bosqichda esa yaxshigina mukofot gʻolibi boʻlishingiz mumkin.

Festival 2 bosqichda boʻlib oʻtadi:

1-bosqich: Raqamli oromgoh.

Ishtirokchilar 1 oy davomida dasturlash va zamonaviy texnologiyalarni bepul onlayn oʻrganadilar.

2-bosqich: Xakaton.

Darslarni muvaffaqiyatli tugatgan ishtirokchilar sovrin jamgʻarmasi 200 million soʻmlik xakatonda ishtirok etish imkoniyatiga ega boʻlishadilar.

Xakatonda ishtirokchilar quyidagi mavzulardan birini tanlab, oʻz loyihalarini namoyish qilishlari kerak boʻladi:

• Taʼlim
• Ayollar huquqlari
• Ekologiya
• Turizm

Har bir yoʻnalish boʻyicha birinchi uch oʻrinlarni egallagan jamoalarning har bir aʼzosi quyidagi sovgʻalar bilan taqdirlanadi:

1-oʻrin: Noutbuk

2-oʻrin: Planshet

3-oʻrin: eReader

Bundan tashqari, xakaton qatnashuvchilariga Mohirdev kurslari uchun turli xil chegirma va kuponlar taqdim etiladi

Festival 12-noyabr kuni start oladi.

To'liq ma'lumot bilan ushbu havolada tanishishingiz mumkin.

30 yoshgacha bo'lgan barcha ishtirok etishi mumkin.

Ta'lim ikki xil guruhda tashkil etiladi:

1. Maktab o'quvchilari uchun.
2. Barcha yoshlar uchun (30 yoshgacha).

• Mohirdev platformasidagi kuchli mutaxasislardan ta'lim olish.
• Qimmatbaho sovg'alarga (noutbuk, planshet, eReader) ega bo'lga xakatonda ishtirok etish.

Ishtirok etish uchun quyidagi sayt formasida ro'yxatdan o'tish talab etiladi.

Darslar 12-noyabr kuni boshlanadi.