Barqaror hududiy rivojlanish boʻyicha xalqaro qoʻshma magistrlik dasturlarida grant asosida oʻqish imkoniyati; 1-semestr Italiyada oʻqib, yoʻnalishga qarab boshqa davlatda oʻqishni davom ettirish mumkin
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr)
  • Dastur tili
    Ingliz tili, Fransuz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

“Climate Change and Diversity: Sustainable Territorial Development” (CCD-STeDe) — iqlim oʻzgarishi boʻyicha barqaror hududiy rivojlanish sohasida mutaxassislarni tayyorlashga qaratilgan xalqaro qoʻshma magistrlik dasturi. Dastur hududlarda faoliyat yuritayotgan tashkilotlarga (korxonalar, mahalliy hamjamiyatlar, fuqarolik jamiyati tashkilotlari, davlat boshqaruvi organlari) iqtisodiy, ijtimoiy, ekologik, xalqaro va madaniyatlararo jihatlarni oʻzida mujassam etgan barqaror rivojlanish siyosatini ishlab chiqishda yordam berish uchun mutaxassislarni tayyorlaydi.

Dasturda faqat toʻliq vaqtda oʻqish mumkin(full-time). Shuningdek, dasturning birinchi semestr Italiyada, keyingi semestrlar esa tanlangan akademik yoʻnalishga qarab boshqa davlatda davom ettiriladi.

Dastur uchun ingliz tili birinchi oʻqitish tili hisoblanadi hamda ispan, portugal yoki fransuz tillaridan biri yoʻnalishlarga qarab ikkinchi til sifatida tanlanadi.

Quyidagi 4 xil akademik yoʻnalishlardan birni tanlash mumkin:

  • Iqlim oʻzgarishi, barqarorlik, rivojlanish (Padova universiteti va Universidad Andina Simón Bolivar oliygohi(Kito, Ekvador); oʻqitish tillari: ingliz va ispan tillari); (maksimal 15 ta talaba)
  • Mintaqaviy va mahalliy tadqiqotlar (Padova va Universidade da Madeyra universiteti(Portugaliya); oʻqitish tillari: ingliz va portugal); (maksimal 10 ta talaba)
  • Hududiy boshqaruv (Padova universiteti va Jozef Ki Zerbo universiteti(Ougadougou, Burkina-Faso); oʻqitish tillari: ingliz va fransuz (maksimal 15 ta talaba)
  • Atrof-muhitni boshqarish (Padova universiteti va Yoxannesburg universiteti(Janubiy Afrika); oʻqitish tillari: ingliz va fransuz tillari); (maksimal 15 ta talaba).

Dastur haqida batafsil maʼlumot bilan ushbu havola orqali tanishib chiqish mumkin.

Maqbullik shartlari

Dastur talablari:

  • Magistratura dasturlariga ijtimoiy fanlar (iqtisod, geografiya, sotsiologiya, rivojlanish, menejment, huquq va boshqalar) yoki aniq fanlar (qishloq xoʻjaligi, atrof-muhit fanlari, muhandislik, arxitektura, oʻrmon xoʻjaligi va h.k.) boʻyicha maʼlumotga (bakalavr) ega boʻlgan nomzodlar qabul qilinadi;
  • Nomzodlardan 2022-yil 30-iyunga qadar bakalavr darajasiga ega boʻlishi talab etiladi;
  • Ingliz tilini va ikkinchi til sifatida (tanlagan yoʻnalishga qarab) ispan, portugal yoki fransuz tillaridan birini ogʻzaki va yozma ravishda yaxshi bilish talab qilinadi.

Dastur talablari haqida batafsil ushbu havola orqali maʼlumot olish mumkin.

Foydali tomonlari

Dasturga hujjat topshirishning ikkinchi mavsumi ochiq. Grant faqat ikkinchi va toʻrtinchi akademik yoʻnalishdagi eng iqtidorli talabalarga taqdim etiladi:

  • Faqat “Mintaqaviy va mahalliy tadqiqotlar” yoʻnalishi uchun:
    • boshqa davlatda oʻqiyotgan vaqtida 6 oy davomida €500;
    • sayohat xarajatlarini qoplash uchun umumiy miqdorda €275 ajratiladi.
  • Faqat “Atrof-muhitni boshqarish” yoʻnalishi uchun:
    • boshqa davlatda oʻqiyotgan vaqtida 6 oy davomida €750 mablagʻ
    • sayohat xarajatlarini qoplash uchun umumiy miqdorda €800 ajratiladi.

Dastur taqdim etadigan imtiyozlar:

  • Talabalar magistratura dasturi davomida 2 ta turli davlatlarda tahsil oladi;
  • Yozgi maktabda ishtirok etib, oʻz sohasida tadqiqot qilish imkoniga ega boʻladi (field-work);
  • Ikkinchi yildan amaliyot oʻtash imkoniyati beriladi;

Magistratura dasturi tuzilishi va imtiyozlari haqida ushbu havola orqali batafsil maʼlumot olish mumkin.

Hujjat topshirish

Qabul jarayoni quyidagicha:

  1. Arizalarni qabul qilish;
  2. Saralangan nomzodlar xabardor qilinadi va Zoom orqali onlayn suhbatga taklif qilinadi;
  3. Elektron pochta manzili orqali tanlov natijalari haqida xabar beriladi.

Kerakli hujjatlar (barcha hujjatlar PDF formatda topshirilishi kerak):

  • Pasport/shaxsni tasdiqlovchi ID nusxasi;
  • Yashash joyini tasdiqlovchi hujjat;
  • Bakalavr diplomi(ilovasi bilan) va boshqa sertifikatlari nusxalari;
  • Universitet baholari(transkript) nusxasi;
  • 2 ta tavsiyanoma: tavsiyanomani beruvchi shaxslar tegishli boʻlgan/ishlaydigan tashkilot belgisi tushirilgan qogʻozda boʻlishi va imzolanishi lozim;
  • CV: faqat EUROPASS formatida qabul qilinadi.(namuna);
  • Motivatsion xat. Berilgan shakldan foydalanish lozim;
  • Til bilish sertifikatlari (agar boʻlsa).

Nomzodlar quyidagi mezonlarga asosan saralanadi:

  • Akademik salohiyati (25 yoshdan katta boʻlsa x3; 25 yosh yoki undan kichik boʻlsa x4);
  • Professional salohiyati (x3);
  • Barqaror hududiy rivojlanish mavzusiga qiziqishi (x3);
  • Ingliz tilini bilish darajasi (x1);
  • Ikkinchi tilni bilish darajasi (fransuz, portugal yoki ispan tillaridan biri) (x1) (Tanlangan yoʻnalishning ikkinchi tilini yaxshi bilish talab qilinadi. Tanlov uchun buni hisobga olish tavsiya etiladi);
  • Tavsiyanomalar (x1).

Arizalar maʼlum baholash shkalasi boʻyicha baholanadi. Har bir ball yuqorida koʻrsatilgan multiplikatorlarga koʻpaytiriladi.

Muhim: til bilish darajasini koʻrsatuvchi sertifikatlar talab qilinmaydi. Nomzodning til bilish darajasi Zoom orqali onlayn suhbat jarayonida tekshiriladi.

Hujjat topshirish jarayoni va talablari haqida batafsil ushbu havola orqali maʼlumot olish mumkin.

Qoʻshimcha maʻlumotlar

Maʼlumot uchun: info@em-stede.eu

Italiya
Barqaror hududiy rivojlanish boʻyicha xalqaro qoʻshma magistrlik dasturlarida grant asosida oʻqish imkoniyati; 1-semestr Italiyada oʻqib, yoʻnalishga qarab boshqa davlatda oʻqishni davom ettirish mumkin

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar