Amerikaga (Xarrikens oroliga) bepul sayohat qilish imkonini beruvchi UPG Sustainability Leadership dasturi

United People Global (UPG) - bu dunyo bo‘ylab insonlarni ezgu ishlar qilishga rag‘batlantiruvchi va g‘oyalarini amalga oshirishda amaliy yordam beruvchi jamiyatdir. Jamiyat doirasida har yili Barqaror rivojlanish maqsadlariga qaratilgan dastur - Sustainable Development Goals- amalga oshirilib, millati, o‘qimishlilik va salomatlik darajasidan qat’i nazar, 500 dan ziyod yoshni yo‘nalish bo‘yicha o‘qitib kelmoqda. 

Darslar onlayn tarzda bo'lib o'tadi.

2026-yil iyuldagi kurs yakunida har bir ishtirokchiga maxsus sertifikat taqdim etiladi. Ular orasida eng kuchli deb topilgan yetakchilar Xarrikens Oroliga (AQShda) 1 haftalik bepul sayohatni qo‘lga kiritadilar. 

Dastur haqida batafsil bu yerda o‘qish mumkin. 

• Jinsi, irqi va salomatlik darajasidan qat’i nazar, istalgan mamlakat fuqarolari qatnashishi mumkin;
• Ishtirokchilarning yoshi 2026-yil, 1-martdan 31-iyulga qadar 18-35 yosh oralig‘ida bo‘lishi kerak;
• Ingliz tilidan yetarli darajada yaxshi xabardor bo‘lishlari lozim;
• Keng fikrli, ishtiyoqmand va muammolarni yechishda zukko, UPG yetakchilari qatoridan joy olishga intiluvchan bo‘lishlari darkor.

Ariza topshiruvchilarga qo‘yilgan talablar bilan batafsil bu yerda tanishish mumkin. 

• Dasturda qatnashish bepul;
• Dastur yakuniga yetgach, maxsus sertifikat beriladi;
• Eng kuchli deb topilgan yetakchilarga Xarrikens Oroliga (AQSh) 1 haftalik sayohat uyushtiriladi. (Barcha xarajatlar qoplanadi)

Nomzodlardan quyidagilar talab qilinadi:

• Online ariza shaklini to‘ldirish;

Ariza bilan birgalikda:

• Nomzodning shaxsiy rasmi (ixtiyoriy; maksimal hajm: 314 Mb);
• Ishtirokchining o‘zi haqidagi yoki arizada keltirilgan savollardan biriga javob berganligi haqidagi ingliz tilidagi 2 daqiqalik video (ixtiyoriy, ammo qat’iy tavsiya qilinadi. Videolarni ushbu havola orqali yuborish mumkin).

MUHIM:

 Bir ishtirokchi faqat bir marta ariza berish huquqiga ega. Ikki va undan ko’p marta turli akkauntlardan ariza berishga uringan ishtirokchilar tanlovdan chetlashtiriladilar.

Ariza topshirish badali: 5 CHF

• Arizalarni qabul qilishning birinchi to‘lqini 2025-yilning 31-dekabrida o‘z nihoyasiga yetadi;

Arizalarni baholashda quyidagi to‘rt jihat e'tiborga olinadi:

1. Profil.
2. Motivatsiya (nima uchun dastur yetakchisi sifatida aynan u tanlanishi kerakligi bo‘yicha arizada bergan javoblaridan kelib chiqib, xulosa qilinadi).
3. Qobiliyat (Nomzod o‘zining rejasini amalga oshirishga qanchalik qobiliyatli ekanligiga qaraladi).
4. Ta’sir qilish ehtimoli (g‘oyaning potensial darajasiga bog‘liq).

Qo‘shimcha ma’lumotlarni:

• Ushbu saytdagi onlayn arizani to‘ldirish orqali;
• tezkor savol-javoblar bo‘limidan olish mumkin.

Dastur haqida qo'shimcha savollarni ushbu havola orqali berish mumkin.