Belfastdagi One Young World 2023 xalqaro sammitida qatnashish uchun sog'liqni salqash yo'nalishi bo'yicha grant

Buyuk Britaniyaning Novartis granti bu insonlarning hayotini rivojlantirish va jiddiy kasalliklarga zamonaviy texnologiyalar orqali daʼvo topish maqsadida tashkillashtirilgan grant hisoblanadi. Dastur butun dunyo miqyosida yoshlarning innovatsion gʻoyalarini ragʻbatlantirib, shu orqali tibbiyotdagi global muammolariga yechim topishni moʻljallagan. Dasturda 18 yoshdan 30 yoshgacha boʻlgan barcha davlat fuqarolari ishtirok etishlari mumkin. Gʻoliblar loyihaning sogʻliqni saqlash tizimida qanchalik innovativligi, ahamiyatga egaligi va foydasi tegish darajasiga qarab saralab olinadi. Dastur doirasida 10 dan ortiq grant ajratilgan.

Grant gʻoliblari Buyuk Britaniyaning Belfast shahrida 2023-yil 2-5-oktyabr kunlari boʻlib oʻtadigan “One Young World 2023” xalqaro sammitida ishtirok etish imkoniyatini qoʻlga kiritishadi. Bundan tashqari ishtirokchilarning yoʻl, oziq-ovqat hamda turar-joy xarajatlari ham qoplab beriladi. Dasturga roʻyxatdan oʻtish jarayoni 2023-yil 15-maygacha davom etadi.

Dastur haqida ushbu havola orqali batafsil maʼlumot olish mumkin. 

Dasturda ishtirok etish uchun quyidagi talablar mavjud:

• Nomzodlar 18-30 yosh oraligʻida boʻlishlari lozim;
• Dasturda barcha davlat fuqarolari ishtirok etishlari mumkin. Ammo  One Young World Summitda avval qatnashmagan yoki kam qatnashgan davlat fuqarolarining ishtiroki ragʻbatlantiriladi.

Nomzodlarni saralash davomida quyidagilarga ahamiyat beriladi:

• Yetakchilik qobiliyatini namoyish qila olish;
• Ishtirokchilar loyihaning sogʻliqni saqlash tizimida qanchalik ahamiyatga egaligi va foyda koʻrsata olishini isbotlab berishi lozim;
• Global muammolarni tushunish darajasi;
• Nomzodlarning bundan oldingi loyihalari va innovatsion gʻoyalari (mavjud boʻlsa);
• Loyihada sogʻliqni saqlashga doir mahalliy va global muammolarning hal qilinish darajasi;
• Ishtirokchilarning yetakchilik, ijodkorlik, hamkorlik, tadbirkorlik, jamoada ishlay olish, murakkab vaziyatdan chiqib ketish hamda natijaga erisha olish qobiliyati.

Dastur talablari haqida ushbu havola orqali batafsil maʼlumot olish mumkin. 

Dasturning quyidagi foydali jihatlari mavjud:

• Grant gʻoliblari Shimoliy Irlandiyaning Belfast shahrida 2023-yil 2-5-oktyabr kunlari boʻlib oʻtadigan “One Young World 2023” xalqaro sammitida ishtirok etish imkoniyatini qoʻlga kiritishadi;
• Ishtirokchilarning 1-6-oktyabr kunlari mehmonxonada yashash xarajatlari qoplab beriladi;
• Belfast shahriga kelish va ketish aviachiptalari (ekonom klassda) puli dastur tomonidan toʻlanadi;
• Sammit boʻlib oʻtadigan kunlardagi barcha oziq-ovqat xarajatlari (nonushta, tushlik, kechki ovqat) dastur maʼmuriyati tomonidan qoplanadi;
• Mehmonxonadan konferensiyaga kelish transport xarajatlari ham dastur tomonidan toʻlanadi.

Dasturda ishtirok etish uchun nomzodlar roʻyxatdan oʻtish sahifasiga kirib soʻrovnomalarni toʻldirishi va berilgan savollarga javob berishi kerak boʻladi. 

Dasturga qabul jarayoni 2023-yil 15-maygacha davom etadi. 

Eslatma! Roʻyxatdan oʻtish jarayonida ariza shaklini diqqat bilan toʻldirish soʻraladi, chunki saralash jarayonida soʻrovnomadagi javoblar ham inobatga olinadi.

Dastur qoʻshimcha talablari haqida ushbu havola orqali maʼlumot olish mumkin.

Dastur boʻyicha eng koʻp soʻralgan savollar va ularga berilgan javoblar bilan ushbu havola orqali tanishish mumkin. 

Dastur haqida quyidagi ijtimoiy tarmoqlar orqali ham maʼlumot olish mumkin:

• facebook;
• twitter;
• instagram;
• linkedIn;
• you tube;
• tiktok.