Belgiyada magistratura bosqichini toʻliq moliyalashtirilgan holda oʻqish uchun Master Mind Scholarship granti

Belgiyada magistratura bosqichini 2024-2025 oʻquv yilida toʻliq moliyalashtirilgan holda oʻqish uchun barcha xalqaro talabalarga Master Mind Scholarship granti taqdim etilmoqda. Grant gʻoliblari 10 000 yevro miqdorida stipendiya bilan taʼminlanadi. Bundan tashqari ularga yashash va boshqa xarajatlar uchun pul ajratiladi.

Grantdan asosiy maqsad iqtidorli yoshlarni mamlakatga jalb qilish va ularni sifatli taʼlim olishi hamda mavjud bilimlarini yanada kengaytirishi uchun uchun ragʻbatlantirishdir.

Dastur quyidagi universitetlarda amal qiladi:

• KU Leuven;
• University of Antwerp;
• Ghent University;
• Hasselt University.

Amaliy fan va sanʼat yoʻnalishi uchun quyidagi universitetlarga topshirish mumkin:

• Antwerp Maritime Academy;
• AP University of Applied Sciences and Arts;
• Erasmus Brussels University of Applied Sciences and Arts;
• HOGENT University of Applied Sciences and Arts;
• KdG University of Applied Sciences and Arts;
• LUCA School of Arts;
• PXL University of Applied Sciences and Arts.

Dastur haqida batafsil ushbu havola orqali tanishib chiqish mumkin.

• Belgiyadagi universitetlaridan biriga magistratura bosqichiga qabul qilingan barcha xalqaro talabalar qatnashishi mumkin (Rossiya fuqarolari bundan mustasno);
• Bakalavr darajasi Belgiyadan tashqaridagi oliy taʼlim muassasasidan olingan boʻlishi kerak;
• Yuqori akademik koʻrsatkichga ega boʻlish lozim (GPA 4,0 dan kamida 3,5 ball);
• Ingliz tilini yaxshi bilish talab qilinadi:
  • IELTS 7.0;
  • TOEFL 94;
  • C1 darajasi yoki unga teng deb tan olingan til bilish sertifikatlari.
• Sanʼat yoʻnalishi uchun ingliz tilini bilishga qoʻyilgan talablar:
  • IELTS 6.5;
  • TOEFL 90;
  • B2 darajasi yoki unga teng deb tan olingan til bilish sertifikatlari.
• Grant gʻoliblari bir yillik oʻquv yili uchun 60 kredit toʻplashlari kerak (2 yillik magistratura bosqichi uchun 120 kredit);
• Yaponiya, Meksika, Falastin va AQShdan kelgan talabalarga ustunlik beriladi;
• Koʻpi bilan 20 ta universitetga ariza topshirish mumkin;
• 2024-2025 oʻquv yili uchun quyidagi dasturlarga roʻyxatdan oʻtganlar ushbu grantni olish huquqiga ega emas:
  • Preparatory programmes;
  • Bridging programmes;
  • Distance learning.

Muhim: Ushbu grantni boshqa stipendiya dasturlari va Erasmus Mundus stipendiyasi bilan bir vaqtda olish mumkin emas. Nomzod stipendiya olishi uchun Belgiyadagi birorta oliy taʼlim muassasasi tomonidan oʻqishga qabul qilinishi shart.

Maqbullik shartlari bilan batafsil ushbu havola orqali tanishib chiqish mumkin.

GPA koʻrsatkichini hisoblash uchun ushbu havoladan foydalanish mumkin.

• Har bir akademik oʻquv yili uchun 10 000 yevro miqdorida stipendiya beriladi;
• Oʻquv toʻlovidan ozod qilinadi;
• Turarjoy, sugʻurta va yashash xarajatlarining katta qismini qoplanadi.

Eslatma: Grant sohiblari faqat maʼmuriy roʻyxatga olish toʻlovini toʻlashlari kerak. Stipendiya nomzodlarga boʻlib beriladi. Nomzodni qabul qiluvchi muassasa grant yutgan talaba uchun yillik oʻqish toʻlovining eng past stavkasiga teng boʻlgan oʻquv toʻlovini soʻrashi mumkin. 2024-2025 oʻquv yili uchun kurs — €131,50. Yildan yilga bu koʻrsatkich biroz oshishi mumkin.

Dasturga ariza topshirmoqchi boʻlganlar ushbu havola orqali ariza topshirishlari mumkin.

Ariza topshirish quyidagi bosqichlarda amalga oshiriladi:

1. Nomzodlarga qoʻyilgan talablarga mos kelishi tekshiriladi va dastur amal qiladigan universitetlardan biri tanlanadi.
2. Tanlangan oliy taʼlim muassasasiga ariza yuboriladi.
3. Qabul qiluvchi oliy taʼlim muassasasi topshirilgan arizalarni oldindan saralaydi.
4. Keyin Mobility-Online ilovasi vositasida nomzodning ariza faylini yaratish orqali grantga ariza berish jarayonini boshlaydi.
5. Saralashdan oʻtganlarga email orqali xabar keladi.
6. Mobility-Online dan roʻyxatdan oʻtiladi va belgilangan muddatdan oldin Mobility-Online vositasida grant uchun ariza fayli toʻldiriladi.

Yuklanishi kerak boʻlgan hujjatlar:

• Pasport nusxasi;
• Xalqaro pasport yoki ID;
• CV (shu jumladan, GPA darajasi, chop etilgan nashrlar, erishilgan ilmiy mukofotlar va olingan stipendiyalar va h.k.);
• Akademik transkriptlar (Golland, fransuz, nemis yoki ingliz tillaridan boshqa tilda yozilgan boʻlsa, tasdiqlangan tarjima ilova qilinishi kerak);
• Til bilish sertifikati;
• Motivatsion xat;
• 2 ta tavsiyanoma;
• Olingan diplom(lar)ning nusxasi.

Mezbon muassasa toʻldirilgan ariza faylini Mobility-Online vositasida 2024-yil 29-aprel (03:59) ga qadar tasdiqlaydi va topshiradi. Ushbu sanadan keyin tasdiqlangan arizalar qabul qilinmaydi.

• Dasturga hujjat topshirish uchun aniq muddat yoʻq. Chunki ariza topshirish muddatlari universitetga qarab farqlanadi;
• Almashinuvdan soʻng har bir talaba insho topshirishi va qisqacha anketani toʻldirishi kerak.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Youtube.