Belgiyadagi nufuzli universitetlardan biri KU Leuvenda ilmiy fanlar yo'nalishi bo'yicha magistratura bosqichida oʻqishni istovchilar uchun Sceince@Leuven Scholarships dasturi

Belgiyaning eng mashhur universitetlaridan biri Katholieke Universiteit Leuven oliygohining Science, yaʼni ilmiy fanlar yoʻnalishida magistratura bosqichini davom ettirmoqchi boʻlgan talabalar uchun Science@Leuven Scholarship dasturi taklif etiladi.

Ushbu dasturda dunyoning istalgan mamlakatidan kelgan ijtimoiy va akademik jihatdan faol, ushbu yoʻnalish boʻyicha yetarli bilim va koʻnikmaga ega boʻlgan isteʼdodli talabalar ishtirok etishi mumkin.

Dasturda quyidagi yoʻnalishlar boʻyicha ishtirok etish mumkin:

• Master of Astronomy and Astrophysics
• Master of Biophysics, Biochemistry and Biotechnology
• Master of Biology
• Master of Chemistry
• Master of Geography
• Interuniversity Master of Geology
• Master of Mathematics
• Master of Physics
• Master of Statiscs and Data Science

Dasturga qabul qilinganlar magistrlik kursini ushbu yoʻnalishlarda bepul oʻqish bilan birga yillik stipendiya bilan taʼminlanadi.

Dasturda ishtirok etish uchun nomzodlar quyidagi talablarga javob berishi lozim:

• Nomzodlar avval ushbu universitetda oʻqimagan yoki ishlamagan boʻlishi lozim;
• Oʻzi tanlagan yoʻnalishida Belgiyadan tashqarida bakalavr bosqichini yakunlagan va magistratura va doktoranturada oʻqimagan boʻlishi kerak;
• Yuqori akademik koʻrsatkichga ega boʻlishi lozim;
• Ingliz tilini mukammal darajada bilishi shart. Bunda kamida IELTS 7 (kamida Reading 6,5 qolgan boʻlimlardan esa 6) yoki TOELF 94 talab etiladi.
• Ushbu universitetning Science (ilmiy fan) yoʻnalishida oʻqish uchun kuchli xohishini koʻrsata olishi kerak;
• Program ambassador (dastur elchisi) vazifasida ishlay olishi lozim.

Dasturga mos kelish talablari haqida batafsil ushbu havola orqali, til talablari bilan bu yerda maʼlumot olish mumkin.

Dasturga qabul qilinganlar quyidagi imtiyozlarga ega boʻladi:

• Bir yillik kontrakt toʻlovidan ozod etiladi;
• Yillik 10000 yevro stipendiya bilan taʼminlanadi;
• Sugʻurta xarajatlari qoplanadi.

Beriladigan stipendiya yashash uchun yetarli boʻlmasligi mumkin. Yashash xarajatlari haqida ushbu havola orqali maʼlumot olish mumkin.

Eslatma! Dastur 1 yil uchun moʻljallangan, ikkinchi yil uchun ham grantni saqlab qolish uchun nomzod dastur davomida yuqori akademik natijalarga ega boʻlishi shart. Batafsil ushbu havola orqali maʼlumot olish mumkin.

Dasturga ariza topshirish uchun quyidagi amallarni bajarish lozim:

• Avval ushbu universitetning magistrlik kursi uchun ariza topshirish lozim. Ariza topshirish yoʻriqnomasi bilan ushbu havola orqali tanishish mumkin;
• KU Leuven application tool orqali ushbu kerakli hujjatlarni joylash kerak:
  • Bakalavr bosqichida oʻqigan fanlari va baholar roʻyxati;
  • Hujjat topshirayotganda yoʻnalish uchun muhim boʻlgan fanlar haqida tavsifnoma (namuna);
  • 2 ta xalqaro darajaga ega boʻlgan professordan tavsiyanoma;
  • Motivatsion xat;

Hujjatlar topshirilgandan soʻng ariza topshirish jarayoni muvaffaqiyatli yakunlanganligi haqida xabar ekranda paydo boʻladi. 

Muhim! Ushbu xabar skrinshotni koʻrinishida saqlab olish lozim, chunki Science@Leuven Scholarship uchun roʻyxatdan oʻtayotganda ushbu skrinshot taqdim etilishi kerak;

Ushbu havola orqali Science@Leuven Scholarship dasturiga ariza topshiriladi va jarayon yakunlanganda nomzod roʻyxatdan oʻtganligi haqida email xabar yuboriladi.

Dasturning til bilish talablari haqida batafsil ushbu havola orqali maʼlumot olish mumkin.

Eslatma! Magistrlik kursiga ariza topshirish toʻlovi 75 yevroni tashkil qiladi. Magistrlik kursiga ariza topshirish jarayoni haqida batafsil ushbu havola orqali maʼlumot olish mumkin.

Dastur saralash jarayonlari haqida batafsil ushbu havola orqali maʼlumot olish mumkin.

Qoʻshimcha murojaatlar ushbu havola orqali berilishi mumkin.