Berlin ozodlik universitetida istalgan yoʻnalish boʻyicha bakalavr va magistraturada oʻqish uchun The Deutschlandstipendium scholarship dasturi

Germaniya xalqaro talabalarga oʻqishlariga toʻliq diqqat qaratgan holda tahsil olishlariga koʻmaklashuvchi The Deutschlandstipendium scholarship dasturini eʼlon qiladi. Grant faqatgina Berlin Ozodlik universiteti (Freie Universität Berlin)da oʻqish uchun ajratilgan. Dasturda barcha davlat talabalari yoshi va oʻqish yoʻnalishidan qatʼi nazar qatnashishlari mumkin.

Grantni qoʻlga kiritish uchun nomzodlar Berlin Ozodlik universitetining qishki semestri uchun grantda qatnashish muhlati tugamagunicha onlayn ariza topshirgan boʻlishlari yoki oʻqishga allaqachon qabul qilingan boʻlishlari lozim. Berlin Ozodlik universitetidan boshqa universitetga oʻqishga kirganlar uchun grant ajratilmaydi. Bundan tashqari, ushbu grant qishki semestr uchun moʻljallangan va universitetning qishki semestri uchun qabul bosqich va tanlagan yo'nalishiga qarab farq qiladi

Grantni qoʻlga kiritganlarga har oy 300 yevro stipendiya ajratiladi. Ariza topshirish jarayoni 2025-yil 25-avgustgacha davom etadi.

Dastur haqida ushbu havola orqali batafsil maʼlumot olish mumkin.

Dasturda ishtirok etish uchun quyidagi talablar mavjud:

• Nomzod grant uchun ariza topshirish muddati tugagunicha Berlin Ozodlik universitetiga ariza topshirib, unga qabul qilingan boʻlishi kerak;
• Barcha davlatdan nomzodlar qatnashishlari mumkin;
• Nomzodlarga hech qanday yosh chegarasi qoʻyilmagan;
• Nomzodlar grantda oʻzlarining asosiy bitirgan yoʻnalishlari boʻyicha oʻquv yoʻnalishini tanlashlari kerak boʻladi;
• Dasturga asosan yuqori akademik koʻrsatkichga erishgan va harakatchan nomzodlar saralab olinadi;
• Akademik koʻrsatkichlardan tashqari, nomzodlarning qoʻlga kiritgan yutuqlari, mukofotlari va boshqa qoʻlga kiritgan grantlari boʻlsa, ular ham hisobga olinadi;
• Ishtirokchining ish tajribasi yoki volontyorlik ishlari boʻlsa, ular ham dastur saralash jarayonida ustunlik beradi;
• Dastur davomida oʻqish boshqa tilda olib borilganligi uchun ingliz yoki nemis tilini bilish kerk boʻladi, sertifikat talab qilinmaydi;
• Nomzod darajasini toʻliq ushbu universitetda oʻqishi kerak.

Dasturda quyidagi toifaga kiruvchi nomzodlar qatnasha olmaydi:

• Freie Universität Berlinda roʻyxatdan oʻtmaganlar;
• Freie Universität Berlinda roʻyxatdan oʻtgan, ammo oʻqishga qabul qilinganligi haqidagi xatni (letter of acceptance) olmaganlar;
• Erasmus yoki boshqa dasturlar yordami bilan ushbu universitetga oʻqishga borgan va universitetda bir necha oygina oʻqiydiganlar.

Universitet asosan quyidagi toifaga kiruvchi nomzodlarni oʻqish uchun chorlaydi:

• Oʻz ona vatanidan maʼlum bir sabablarga koʻra chiqib ketishga majbur boʻlganlar;
• Freie Universität Berlin universitetiga allaqachon qabul qilingan talabalar;
• Oilasi chet elga yashash uchun kelgan talabalar;
• Ota-onasi oliy maʼlumotli boʻlmagan nomzodlar;
• Bolali nomzodlar;
• Surunkali kasallikka chalingan yoki nogironligi bor nomzodlar;
• Sportchilar va Olimpiya oʻyinlari uchun tayyorlanayotganlar;
• Odatiy talaba yoshidan oʻtgan nomzodlar.

Dastur talablari haqida batafsil ushbu havola orqali maʼlumot olish mumkin.

Grantning quyidagi foydali jihatlari mavjud:

• Har oy 300 yevro stipendiya beriladi. Ushbu stipendiya oʻqish davomida eng kamida ikki semestr davomida toʻlanadi. Keyinchalik stipendiyani olishda davom etish talabaga bogʻliq;
• Moliyaviy koʻmakdan tashqari nomzodlar koʻp sonli qoʻllab-quvvatlov dasturlaridan ham foydalanishlari mumkin boʻladi.

Eslatma! Dastur moliyalashtirishni yaʼni grant uchun pul toʻlashni 2025-yil 1-oktyabrdan boshlaydi.

Dasturning foydali jihatlari haqida ushbu havola orqali batafsil maʼlumot olish mumkin.

Dasturga hujjat topshirish jarayoni quyidagicha:

Deutschlandstipendium Scholarship Program gʻoliblariga grant faqat qishki semestrdan boshlanadigan oʻqish uchun ajratiladi. Bu grantni faqatgina Freie Universität Berlinga grant uchun qoʻyilgan soʻnggi muhlat tugamasidan ariza topshirgan yoki qabul qilinganlar qoʻlga kiritishi mumkin. Boshqa universitetga hujjat topshirganlar qabul qilinmaydi. 

Eslatma! Grant faqatgina qishki semestr uchun ajratiladi. Bakalavr bosqichi uchun ariza topshirish muddati 15-iyulgacha davom etadi. Magistratura uchun esa yo'nalishlarga qarab farq qiladi. Yo'nalishlar bilan batafsil bu yerda tanishish mumkin.

Dasturga hujjat topshirish quyidagi bosqichda amalga oshiriladi:

1. Dasturning talablari bilan tanishib, unga mosligi yoki yoʻqligini tekshirish. Bu haqida ushbu havola orqali batafsil maʼlumot olish mumkin;
2. Grant bilan yaxshilab tanishib chiqish. Bu haqida ushbu havola orqali batafsil maʼlumot olish mumkin;
3. Hujjat topshirish uchun kerakli hujjatlarni tayyorlash. Bu haqida ushbu havola orqali batafsil maʼlumot olish mumkin;
4. Onlayn ariza shaklini toʻldirish va topshirish.

Dasturga quyidagi hujjatlarni topshirish kerak:

• Tugatgan oʻquv muassasasi diplomi. Bu hujjat haqida batafsil ushbu havola orqali tanishish mumkin;
• Ish tajribasi yoki volontyorlik ishlari boʻyicha hujjatlar (agar mavjud boʻlsa). Bu hujjat haqida batafsil ushbu havola orqali tanishish mumkin;
• Ijtimoiy kelib chiqishiga oid maʼlumotlar. Bu hujjat haqida batafsil ushbu havola orqali tanishish mumkin;
• Boshqa qoʻshimcha hujjatlar. Bu hujjat haqida batafsil ushbu havola orqali tanishish mumkin.

Hujjatlarni topshirishga doir eslatmalar:

1. Barcha hujjatlar onlayn ariza topshirish tizimi orqali pdf shaklida yuklanishi kerak;
2. Har bir hujjat oʻzi soʻralgan qismga joylanishi shart;
3. Har bir yuklangan fayl 3 MBdan koʻp boʻlmasligi kerak;
4. E-mail yoki pochta orqali joʻnatilgan hujjatlar qabul qilinmaydi;
5. Hujjatlarni ingliz yoki nemis tilida rasmiy tarjima qilingan holda yuklash zarur;
6. Soʻralmagan keraksiz hujjatlarni yuklamaslik soʻraladi. Masalan: CV, tavsiyanoma, hujjatlarning rasmi, motivatsion xatlar va boshqalar.

Deutschlandstipendium Scholarship Programga ariza topshirish jarayoni bilan ushbu havola orqali batafsil tanishish mumkin.

Universitetga ariza topshirish va ariza holatini ushbu havola orqali kuzatib borish mumkin.

Maʼlumot uchun:

-Manzil: Freie Universität Berlin Kaiserswerther Str. 16-18
14195 Berlin, Germaniya;

- Tel: +4930838-70000;

-E-mail: info-service@fu-berlin.de;