Birlashgan Arab Amirliklaridagi Xalifa Universitetida magistratura bosqichini toʻliq mоliyalashtirilgan hоlda oʻqish uchun grant dasturi

Xalifa universiteti 1989-yilda tashkil etilgan va Abu-Dabida joylashgan akademik universitetdir. Universitet Times Higher Education Asia University Rankings tomonidan Osiyoning eng yaxshi universitetlari orasida 28-oʻrinni egallaydi. QS University Ranking maʼlumotlariga koʻra, u dunyodagi eng yaxshi universitetlar orasida 202-oʻrinni egallaydi.

Mintaqaviy  va xalqaro miqyosda talab katta bo‘lgan ko‘nikma va sohalarga qaratilgan Xalifa Universiteti tо'liq va qisman moliyalashtiruvchi, magistrlik darajasida o‘qishga imkon beruvchi grant dasturini e’lon qiladi.

Grant dasturi g‘olib nomzodning o‘qish to‘lovlarini to‘liq qoplaydi va oyiga 8000 dirham stipendiya bilan ta’minlaydi.

Talabalar universitet xodimlari bilan birgalikda ilmiy-texnik ko‘nikmalarni yaxshilash uchun ilmiy laboratoriyalarda ishlash imkoniyatiga ega bo‘ladilar.

Universitet muhandislik, texnоlоgiya, san’at va ilmiy fanlar bo‘yicha kurslarni taklif qiladi.

• Bakalavr bosqichini tugatgan bo‘lishi;
• Baholarining umumiy o‘rtacha bali (GPA) 4.0 dan 3.0 yoki shunga teng bo‘lishi;
• Ingliz tilini bilish darajasiga koʻra TOEFL iBT minimal jami 91 ball; IELTS eng kami 6.5; EmSAT eng kami 1550 ball natijalariga ega sertifikatlarning nusxalari;
• Barcha magistratura fanlari dasturlariga kirish uchun GRE kamida (150 ball) talab qilinadi.

• O‘qish to‘lovidan  ozod qilinadi;
• Oyiga 8000 dirham ($2,178) stipendiya;
• Chet ellik talabalar uchun safar xarajatlariga ko'mak;
• Tibbiy sug‘urta;
• Tasdiqlangan xalqaro ilmiy konferensiyalarga qatnashishni qo‘llab-quvvatlash;
• Beрul turarjoy bilan taʼminlanadi.

Hujjatlar onlayn ushbu havоla оrqali topshiriladi.

Hujjat topshirishda quyidagilar so‘raladi:

• Bakalavr diplom nusxasi;
• BAAdan tashqaridagi muassasalarni bitirgan nomzodlar uchun BAA Ta’lim vazirligi tomonidan berilgan ekvivalentlik sertifikati;
• Ingliz tilini bilishini tasdiqlovchi sertifikat (IELTS, TOEFL, EmSAT; natijalar to‘grisidagi ma’lumot to‘g‘ridan-to‘g‘ri muassasaning 0960 TOEFL kodi orqali Khalifa Fan va Texnologiya Universitetiga  yuborish mumkin);
• GRE sertifikati (natijalar to‘g‘risidagi ma’lumot  to‘g‘ridan-to‘g‘ri muassasaning 0822 GRE kodi orqali Khalifa Fan va Texnologiya Universitetiga   yuborish mumkin);
• CV;
• Pasport o‘lchamidagi oq fondagi rasm;
• Pasport nusxasi;
• Bakalavr darajasi haqida rasmiy transkript;
• Birlashgan Arab Amirligining shaxsiy guvohnomasi (hozirda BAAda istiqomat qilayotgan milliy va xalqaro talabalar uchun);
• O'qishdan maqsad bayoni (500-1000 ta so‘z);
• Ikkita tavsiyanoma.

So‘ralgan barcha  hujjatlar skanerdan o‘tkazilishi va belgilangan formatda onlayn yuboriladi (ya‘ni hujjatlar uchun maksimal 4MB PDF shaklida, rasm uchun maksimal 2MB JPEG formatda)

Qo‘shimcha ma’lumotlar uchun: admissions@ku.ac.ae