Birlashgan Arab Amirliklari MBZUAI universitetida magistratura va PhD bosqichida o‘qish uchun to‘liq moliyalashtiriladigan grant dasturi

BAA davlati sun’iy intellekt sohasida yuqori bilim va ko‘nikmalarni egallashga mo‘ljallangan Mohamed bin Zayed University of Artificial Intelligence (MBZUAI) oliygohida magistratura va PhD bosqichida o‘qimoqchi bo‘lgan talabalar uchun  grant dasturini e’lon qiladi. Dasturga universitetning oldingi bosqich(lar)ida S.T.E.M  sohalari bo‘yicha tahsil olgan talabalar hujjat topshira oladilar.

MBZUAI maqsadi inklyuziv va rivojlanish madaniyatini qadrlaydigan va targ‘ib qiladigan muhitni yaratishdir.  Qabul qilingan talabalar o‘quv to‘lovidan to‘liq ozod bo‘lish, oylik stipendiya hamda boshqa imtiyozlarga ega bo‘lishadi.

• Magistraturaga topshirish uchun bakalavrning, PhD bosqichiga topshirish uchun esa bakalavr yoki magistraturaning kompyuter fanlari, elektr muhandisligi, kompyuter muhandisligi, matematika, fizika va fan va muhandislikka  tegishli S.T.E.M sohalar diplomiga ega bo‘lishi; 
• Оxirgi kurs talabalari dastlab rasmiy transkript nusxasi va qachоn о'qishni tugatishi haqidagi ma'lumоtnоma bilan ariza topshirishlari mumkin, ammо qabul qilingandan so'ng rasmiy to'ldirilgan diplom va transkriptni topshirishlari kerak;
• Magistratura bosqichiga topshirish uchun nomzodning bakalavr baholarining  o‘rtachasi (4 lik tizimda) kamida 3.2, PhD bosqichi uchun faqat bakalavr  diplomi bilan topshiruvchi  nomzodning o‘rtacha baholari  kamida 3.5, bakalavr va magistratura diplomi bilan topshiruvchilarning o‘rtacha bahosi esa  kamida 3.2 bo‘lishi:
• Ingliz tilini bilish darajasi eng kamida: TOEFL iBT-90; IELTS-6.5; EmSAT-1550 bo‘lishi:
• GRE sertifikatini topshirish faqat PhD bosqichiga bakalavr diplomi bilan topshiruvchi nomzodlar uchun majburiy sanaladi, bunda:
  Og‘zaki fikrlash (Verbal Reasoning)-150
  Miqdoriy fikrlash (Quantitaive Reasoning)-150
  Analitik  yozuv (Analytical Writing)-3.0 bo‘lishi; (boshqa hollarda GRE sertifikatini topshirish ixtiyoriydir va uni topshirish baholash paytida qo‘shimcha sanaladi)
• MBZUAIda nega tahsil olmoqchi ekanligingizni yoritib beradigan 800 ta so‘zdan iborat shaxsiy bayonot (Statement of Purpose) yozish;

Ushbu havola orqali batafsil ma'lumot olishingiz mumkin.

• O‘qish to‘lovidan 100% ozod qilinadi;
• Turarjoy bilan ta’minlanadi;
• Tibbiy sug‘urta xarajatlari qoplanadi;
• Oylik stipendiya.

Talabalar stipendiya va boshqa imtiyozlarni saqlab qolish uchun universitetning odob-axloq qoidalari hamda o‘qish davomidagi talablariga javob berishi kerak.

Hujjat topshirishda quyidagi hujjatlar so‘raladi: 

• Onlayn ariza shakli;
• CV;
• Pasport nusxasi;
• Barcha bosqich diplomlari;
• Oq fonli pasport o‘lchamidagi rasm;
• Til bilish sertifikati;
• Shaxsiy bayonot (Statement of Purpose);
• Tadqiqod rejasi (PhD uchun);
• Tavsiyanoma beradigan o‘qituvchi yoki tadqiqot maslahatchisining ismlari.

Saralab olingan nomzodlardan Math, Machine Learning va Programming fanlaridan imtihon olinadi va imtihondan o‘tgan nomzodlar bilan suhbat o‘tkaziladi. 

Imtihon topshirish tartibi bilan ushbu havola orqali tanishib chiqishingiz mumkin.

Qo'shimcha ma'lumot uchun:

E-mail: admission@mbzuai.ac.ae

Tel: +971 54 581 4450