Birlashgan Arab Amirliklarida joylashgan Xalifa Universitetida magistratura va PhD bosqichini davom ettirishni istaganlar uchun to‘liq qoplanuvchi grant
-
01/09/2021 Qabul boshlanishi
-
Toʻliq Moliyalash turi
-
Birlashgan Arab Amirliklari Davlat
-
17/10/2021 01:00 Oxirgi muddat
Umumiy maʻlumotlar
Birlashgan Arab Amirliklari(BAA)ning Xalifa Fan va Texnologiya Universiteti magistratura hamda doktorantura dasturlarida kunduzgi ta'limda oʻqiyotgan xalqaro talabalarni qoʻllab-quvvatlash uchun Combined Master/Doctoral Research Teaching Scholarship grant dasturini taqdim etadi. Grant dasturi talabaning barcha xarajatlarini qoplaydi, xususan sayohat xarajatlari, universitetda o'qish to'lovlari, sug'urta, turar-joy hamda oylik stipendiya bilan ta'minlaydi.
Eslatma: Nomzod talabalar magistrlik va doktorlik darajalarining ikkalasini ham Xalifa universitetida o'qishi lozim.
Maqbullik shartlari
Nomzodlarga qo'yiladigan talablar:
- Bakalavr darajasiga ega bo'lish;
- BAA fuqarosi bo'lmaslik;
- Xalifa universitetida magistratura va doktorantura darajasida o'qiyotgan bo'lish yoki yangi qabul qilinish.
Xalifa universitetida o'qish talablari:
- CGPA: 3.0-4.0(magistratura uchun); 3.25-4.0(doktorantura uchun);
- iBT TOEFL - 91/ IELTS - 6.5/ EmSAT English score - 1550;
- GRE minimum - 150;
- Kamida 2ta tavsiyanoma (onlayn ariza shakli orqali);
- Shaxsiy bayonot xati (500-1000 soʻzli);
- Tadqiqot bayonoti( 500-1000 soʻzli) - faqat doktorantura uchun;
- Intervyu.
Foydali tomonlari
Grant dasturi quyidagilarni o'z ichiga oladi:
- Universitetda o'qish toʻlovlarini toʻliq qoplash;
- Universitet hududida bepul turar joy (yoki universitet talabalari uchun universitet turar joyi mavjud boʻlmasa, oyiga 2,000 BAA dirhami miqdorida turar joy yordami);
- Magistrlar uchun 8,000 BAA dirhami (~$2,200), doktorantlar uchun 12,000 BAA dirhami (~$3,300) oylik stipendiya;
- Universitet qoidalariga binoan Xalifa universiteti homiylik qilgan talabalar uchun tibbiy sugʻurta qoplab berilishi (talabalik vizasi);
- Chet ellik talabalar uchun mobilizatsiya va demobilizatsiya parvozlarida yordam;
- Xalqaro ilmiy konferensiyalarda qatnashishni qoʻllab -quvvatlash;
Oylik stipendiya:
- Magistrlik davrida: 8,000 BAA dirhami (~$2200)
- Doktorlik davrida: 12,000 BAA dirhami (~$3300)
Qoʻshimcha maʻlumotlar
Grant uchun tanlov natijalari 2021-yil noyabr oyining oxirida e'lon qilinadi.
Tel: +971 2 401 8000
Qabul jarayoni yuzasidan qo‘shimcha savol va murojaatlar uchun: pgadmission@ku.ac.ae
Onlayn ariza topshirish jarayonidagi texnik muammolar yuzasidan bog'lanish uchun: servicedesk@ku.ac.ae