Birlashgan Millatlar Tashkilotidan Markaziy Osiyo yoshlari uchun Profilaktik Diplomatiya Akademiyasi doirasida bepul treninglarda ishtirok etish imkoniyati

The Preventive Diplomacy Academy (PDA) of the United Nations Regional Centre for Preventive Diplomacy for Central Asia (UNRCCA) — Birlashgan Millatlar Tashkiloti(BMT)ning Markaziy Osiyo uchun Profilaktik Diplomatiya boʻyicha Mintaqaviy Markazi (UNRCCA)ning Profilaktik Diplomatiya Akademiyasi (PDA) 18 yoshdan 29 yoshgacha boʻlgan Markaziy Osiyo va Afgʻoniston yoshlari uchun har yili Profilaktik Diplomatiya boʻyicha treninglar tashkil qiladi. UNRCCA Profilaktik Diplomatiya Akademiyasi faoliyati Youth Strategy 2030 va BMT Xavfsizlik Kengashining 2015-yilda qabul qilingan 2250 — “Youth, Peace and Security,“ rezolyutsiyasiga muvofiq amalga oshiriladi.

Ishtirokchilar ochiq tanlov asosida ularning taqdim etgan arizalari va onlayn intervyu natijalariga qarab qabul qilinadi. Jamiyatda faol boʻlgan, ariza topshirishda oʻzining kuchli ishtiyoqi va salohiyatini koʻrsatib bera olgan yoshlar akademiya tomonidan tashkil etilgan onlayn treninglarda ishtirok etish imkoniyatiga ega boʻladi.

Treninglar quyidagi mavzularni qamrab oladi:

• profilaktik diplomatiya asoslari;
• nizolarni oldini olish strategiyalari;
• madaniyatlararo muloqot;
• kibermakonda axborot xavfsizligi;
• inson huquqlari;
• zoʻravon ekstremizmning oldini olishda yoshlarning roli va ishtiroki;
• yetakchilik qobiliyatlari va samarali muloqot;
• “YPS” va “2030 Agenda” bilan bogʻliq boshqa mavzular.

Trening va darslarning aksariyati onlayn formatda oʻtkaziladi va shuning uchun mashgʻulotlarda toʻliq ishtirok etish uchun barqaror internet aloqasi kerak boʻladi.

Akademiya taqdim etadigan imkoniyatlar va loyiha haqida batafsil ushbu havola orqali maʼlumot olish mumkin.

Akademiyada quyidagi talablarga mos keluvchi nomzodlar ishtirok etishi mumkin:

• Markaziy Osiyo davlatlari fuqarolari va ushbu davlatlarda doimiy istiqomat qiluvchi boshqa davlat fuqarolari (Qozogʻiston, Qirgʻiziston, Tojikiston, Turkmaniston, Oʻzbekiston va Afgʻoniston);
• Oliy oʻquv yurtlariga siyosatshunoslik, xalqaro munosabatlar, xalqaro iqtisodiy munosabatlar, huquq, sotsiologiya yoki ularga bogʻliq yoʻnalishlarda oʻqishni rejalashtirayotgan yoki allaqachon oʻqiyotgan fuqarolar;
• 18 yoshdan 29 yoshgacha boʻlgan fuqarolar;
• Rus va/yoki ingliz tilini yaxshi bilishi lozim.

Akademiyaga ishtirokchilar quyidagi mezonlarga asosan qabul qilinadi:

• Ishtirok etish uchun kuchli ishtiyoq;
• Akademik/Professional faoliyati;
• Profilaktik diplomatiya (Preventive Diplomacy) muhim ahamiyat kasb etadigan milliy va mintaqaviy muammolar haqida tushuncha/bilimga ega va ularga befarq emasligi;
• Oʻz jamiyatidagi ijtimoiy xizmat/koʻngillilik tajribasi;
• Ijodkorlik;
• Rus va/yoki ingliz tilini bilish darajasi.

Akademiya talablari va ariza toʻldirish jarayoni boʻyicha batafsil ushbu havola orqali maʼlumot olish mumkin.

• Akademiyaga qabul qilingan ishtirokchilar keng qamrovli trening va darslarda qatnashish imkoniyatiga ega boʻladi.
• Trening mashgʻulotlarini yakunlagandan soʻng ishtirokchilar Profilaktik Diplomatiya Akademiyasining Markaziy Osiyo va Afgʻoniston boʻlgan barcha bitiruvchilarining mintaqalararo jamiyatiga qoʻshiladi. 
• Kelgusida, ular UNRCCA, BMTning boshqa agentliklari va hamkor tashkilotlar tomonidan tashkil etiladigan tadbirlarda ishtirok etishlari mumkin boʻladi.

Akademiyaga qabul qilinish uchun onlayn tarzda ariza shaklini toʻldirish lozim. Ariza shaklini ingliz yoki rus tilida toʻldirish mumkin.

Ariza shaklida quyidagilar soʻraladi:

• Shaxsiy maʼlumotlar;
• 300 soʻzdan iborat boʻlgan motivatsion xat. Ingliz yoki rus tilida taqdim etilishi mumkin. Xatda ushbu savollarga javob berilishi lozim: What interested you in the Preventive Diplomacy Academy? What motivates you?; How can you be helpful for the PDA interregional network?
• Volontyorlik tajribasi haqidagi qisqa video. Videoni yuklash ixtiyoriy;
• Motivatsion xat bilan birgalikda nomzodning oʻzi haqidagi qisqa videosi. (30-60 sekundlik) Videoni yuklash ixtiyoriy.

Arizada taqdim etilgan motivatsion xatlar orqali saralangan nomzodlar onlayn intervyuga taklif etiladi.

Intervyudan muvaffaqiyatli oʻtgan nomzodlarga qabul qilinganligi haqida elektron pochta manzili orqali xabar beriladi.

Qoʻshimcha maʼlumot olish uchun UNRCCA Profilaktik Diplomatiya Akademiyasi loyihasiga masʼul shaxs, Aziz Kuliyev bilan bogʻlanish mumkin: aziz.kuliyev@un.org