Bishkekdagi American University of Central Asia tomonidan pedagogika yo'nalishida o'qish uchun Master of Arts in Teaching (MAT) magistrlik dasturi

American University of Central Asia (AUCA) ning Institute Education tomonidan magistratura bosqichida o‘qish uchun Master of Arts in Teaching (MAT) dasturini taqdim qiladi. 

Dastur maqsadi Markaziy Osiyoda oʻqituvchilarni rivojlantirish boʻyicha global yoʻnaltirilgan dasturni, shu jumladan, ilmiy fanlarga asoslangan va amaliyotga yoʻnaltirilgan taʼlimni amalga oshirishdan iborat boʻlib, uning bitiruvchilari Markaziy Osiyoda fuqarolarning yangi avlodini shakllantirishda muhim rol oʻynaydi. Dastur talabalarning ta’lim sohasida chuqur bilim va ko‘nikmalarni egallash, kognitiv va ijtimoiy-emotsional ta’limni tanqidiy baholash, tadqiqot usullari va natijalarini amaliyotga tatbiq etish, bilimlarning turli sohalaridagi ma’lumotlarni integratsiyalash va o‘z kasbiy faoliyatida innovatsion yondashuvlardan foydalanish qobiliyatini shakllantiradi. 

Dasturga o'qituvchilik faoliyati bilan professional shug'ullanib kelayoganlar ham topshirishishi mumkin. Markaziy Osiyo, jumladan, O'zbekiston fuqarolari uchun 7 ta grant ajratilgan.

Dastur Markaziy Osiyoda oʻqituvchilar taʼlimi boʻyicha yagona ikki darajali magistratura dasturi boʻlib, Nyu-Yorkdagi Bard kolleji va Qirgʻiziston Taʼlim vazirligining magistrlik darajasini taklif qiladi. Dasturga qabul qilinganlar kontrakt pulidan qisman ozod bo‘ladi.

 Kontrakt puli bir o‘quv yili uchun $5000 jami $10 000 ni tashkil qiladi.

Dasturning davom etish muddati: 2 yil.

O'qishni ishlab turgan holda (part-time) yoki izchil (intensive) davom ettirish mumkin. Dastur haqida batafsil ma'lumot bu yerda berilgan. 

Dastur uchun nomzodlar quyidagi talablarga javob berishlari kerak:

• Istalgan soha bo'yicha bakalavr darajasini olgan bo'lishi;
• Ingliz tilini yaxshi (Intermadiate yoki undan yuqori) bilishi kerak. Nomzodlar til bilish qobiliyatini isbotlash uchun TOEFL dan minimum 500 ball olishlari kerak. Bu bo‘yicha ushbu havola orqali ma’lumot olish mumkin;
• Grantlar va moliyaviy yordam uchun quyidagi manzilga murojaat qilish mumkin: Elizaveta Alibayeva, Moskva badiiy teatri direktori: davis_e@auca.kg.

Dasturning maqbullik shartlari bilan ushbu havola orqali batafsil tanishib chiqish mumkin.

Dasturga qabul qilinganlar quyidagi imkoniyatlarga ega boʻlishadi:

• AQSHning Bishkekdagi elchixonasi bilan hamkorlikda mintaqalardagi davlat maktablari oʻqituvchilari uchun 100% gacha stipendiya taqdim qiladi;
• Har qanday maktabning malakali o‘qituvchi nomzodlariga 10-25% oʻquv stipendiyasini olish imkoniyatini taklif qiluvchi IOE stipendiyalarini taklif qiladi (fellowship);
• Dasturga qabul qilingan talabalar kontrakt  to‘lovidan qisman voz kechish shaklida muayyan miqdordagi moliyaviy yordam bilan ta’minlanadi.

Dasturning imkoniyatlari bilan quyidagi havola orqali batafsil tanishib chiqish mumkin.

To'liq grant yitish uchun 2024-yilning 1-fevraligacha ariza berish kerak. Umumiy qabul esa 15-martgacha davom etadi.

Dasturga  hujjat topshirishda quyidagilar kerak bo‘ladi:

• Ariza shakli;
• CV;
• 1000 so‘zdan iborat Statement of purpose;
• Nomzodlarning universitetdagi olgan baholarining rasmiy, notarial tasdiqlangan transkripti. Nomzod hozirda hozirda bakalavr yoki magistratura bosqichida o‘qiyotgan bo‘lsa, o‘qishga kirgan hamda o‘qishni tugatish sanasini tasdiqlovchi rasmiy hujjatni taqdim etishlari so‘raladi. Agar nomzod Qirgʻiziston, Rossiya, Qozogʻiston, Tojikiston yoki Belorussiyadan tashqaridagi oliy o‘quv yurtini tamomlagan bo‘lsa Qirgʻiziston Taʼlim vazirligidan ekvivalentlik diplomini olishlari kerak boʻladi. Bu bo‘yicha qo‘shimcha ma’lumot olish uchun ioe@auca.kg manziliga murojaat qilishlari mumkin;
• Pasport nusxasi;
• 2 ta pasport namunasidagi rasm (3 x 4 sm - oq fonda);
• Tavsiyanoma, tavsiyanoma beruvchilar mavzu satrida(subject line) nomzodningismini ko‘rsatgan holda o‘z tavsiyanomalarini ioe@auca.kg elektron pochta manziliga yuborishlari kerak;
• To‘ldirilgan  ariza shakli va so‘ralgan hujjatlar barchasi MAT Program American University of Central Asia 7/6 Aaly Tokombaev St., Room 315 Bishkek, Kyrgyz Republic 720060 yoki ioe@auca.kg  manziliga yuboriladi(mavzu satrida MAT Application yoziladi).
  Hujjat topshirishda hech qanday to‘lov talab qilinmaydi.
  Hujjatlar topshirilgandan so‘ng intervyu bo‘lib o‘tadi. Muvaffaqiyatli nomzodlar suhbatdan keyin 72 soat ichida qabul qilinganligi haqida xabardor qilinadi. Qabul qilingan nomzodlar AUCA tegishli hujjatlarni to'ldirish orqali MAT dasturida rasmiy ro‘yxatdan o‘tishlari kerak. AUCAda roʻyxatdan oʻtishni yakunlash uchun $300 qaytarilmaydigan toʻlov mavjud. Ushbu bosqichda moliyaviy yordam va to‘lov jadvali masalalari aniqlanadi.

Qo‘shimcha ma'lumot:

• Tel:+996 (312) 915 000 EXT. 241;
• Email: IOE@AUCA.KG, sabyrova_z@auca.kg.  

Dastur haqidagi maxsus video rolikni YouTubening ushbu sahifasida tomosha qilish mumkin.