Bishkekdagi OSCE Academy tomonidan bakalavr bosqichini iqtisodiyot yoʻnalishida toʻliq moliyalashtirilgan holda oʻqish imkoniyati. Oylik stipendiya — €110

Qirgʻiziston poytaxti Bishkekda joylashgan The OSCE Academy tomonidan bakalavr bosqichini iqtisodiyot (Economics) yoʻnalishida davom ettirish uchun 20-25 oʻringa moʻljallangan grant dasturi eʼlon qilindi.

The OSCE Academy (Yevropada xavfsizlik va hamkorlik tashkiloti) Qirgʻiziston Respublikasida 2002-yildan buyon oʻz faoliyatini muvaffaqiyatli amalga oshirib kelmoqda. Dasturning asosiy maqsadi - xalqaro aloqalar, iqtisod va davlat boshqaruvi sohasida taʼlim olishni xohlovchi kuchli ilmiy salohiyatga ega boʻlgan iqtidorli talabalarni oʻqitish va ularga OSCE Academy asosiy tamoyillari va qadriyatlarini koʻrsatish.

Dasturga qabul qilingan nomzodlar uchun oʻqish 2022-yil 1-sentyabrdan boshlanadi va barcha xarajatlar toʻliq moliyalashtiriladi.

• Dasturga Oʻzbekiston, Qozogʻiston, Qirgʻiziston, Moʻgʻuliston, Tojikiston, Turkmaniston, Afgʻoniston fuqarolari ariza yuborishlari mumkin;
• Umumiy oʻrta taʼlim maktabi/akademik litsey/kasb-hunar kollejini muvaffaqiyatli tamomlaganliklari haqida maʼlumotnoma taqdim etishlari;
• Ingliz tilini yuqori darajada bilishlari;
• Qirgʻiziston fuqarolari esa Milliy test sertifikatiga ega boʻlishlari kerak (asosiy testdan kamida 110 ball, matematikadan kamida 60 ball).

Dastur talablari bilan ushbu havola orqali batafsil tanishib chiqish mumkin.

• Oʻqish toʻlovi 4 yil davomida dastur tomonidan toʻliq moliyalashtiriladi;
• Shuningdek, oʻqish davomida har oy €110 stipendiya beriladi;
• Bishkekka borish-kelish aviachipta va sugʻurta xarajatlari ham toʻliq qoplab beriladi.

Eslatma: Qirgʻiziston fuqarolari uchun tibbiy sugʻurta moliyalashtirilmaydi!

Dastur imtiyozlari haqida ushbu havola orqali batafsil bilib olish mumkin.

Qirgʻizistondan tashqarida joylashdan davlatlar: Oʻzbekiston, Qozogʻiston, Moʻgʻuliston, Tojikiston, Turkmaniston, Afgʻoniston fuqarolari uchun ariza topshirish shakli quyidagicha amalga oshiriladi.

Ushbu havola orqali kirib ariza shaklida soʻralgan barcha maʼlumotlar toʻldiriladi. Ular quyidagilarni oʻz ichiga oladi:

• Shaxsiy maʼlumotlar;
• Elektron pochta manzili;
• Xalqaro pasport nusxasi;
• Qaysi oʻrta-taʼlim muassasani tugatganligi va shu joyning nomi;
• Oʻrta maktab diplomi yoki kasbiy taʼlim toʻgʻrisidagi guvohnoma nusxasi;
• Ingliz tili darajasi;
• TOEFL yoki IELTS darajasini koʻrsatuvchi sertifikat (ixtiyoriy);
• Nega Bishkekdagi OSCE Academy iqtisodiyot yoʻnalishida oʻqishni istashlari ifodalangan 250 — 500 soʻzdan iborat motivatsion xat yozish.

Saralash bosqichi haqida:

• 1-saralash bosqichi 8-14-avgust kunlari soat 8:00 dan — 14:00 gacha (Qirg'iziston vaqti bilan) boʻlib oʻtadi;
• 2-bosqichda ingliz tili va matematikadan yozma imtihon 17-19-avgust kunlari boʻlib oʻtadi;
• Saralash bosqichining keyingi bosqichlarida yuqoridagi 2 ta bosqichdan muvaffaqiyatli oʻtgan nomzodlar bilan bilangina bogʻlaniladi.

Dastur haqida qoʻshimcha maʼlumotlar bilan nomzodlar Zoom orqali tanishtiriladi. Bu esa tez orada eʼlon qilinadi.

Qirgʻiziston fuqarolari esa ushbu havola orqali ariza topshirishlari mumkin.

Qoʻshimcha savollar yuzasidan ba-econ@osce-academy.net ushbu manzilga murojaat qilish mumkin.