Bishkekdagi OSCE akademiyasi tomonidan Siyosat va Iqtisodiy rivojlanish yo'nalishlari bo'yicha magistratura bosqichida oʻqish uchun toʻliq moliyalashtiriladigan grant

OSCE akademiyasi fondi Yevropa Xavfsizlik va Hamkorlik tashkiloti (OSCE) tomonidan 2002-yilda Qirgʻiziston poytaxti Bishkek shahrida tashkil etilgan. Ushbu dastur asosan taʼlimni rivojlantirishga qaratilgan boʻlib, har yili 25-30 nafargacha talabalar quyidagi yoʻnalishlarda magistratura kurslarida grant asosida taʼlim olmoqda:

1. Iqtisodiy boshqaruv va taraqqiyot;
2. Siyosat va xavfsizlik;
3. Inson huquqlari va barqarorlik.

Ushbu kurslar davomida yosh mutaxassislar siyosat va xavfsizlikka oid bilimlarini mustahkamlash bilan birga, xalqaro munosabatlarni yaxshilash, ziddiyatlarni oldini olish, iqtisodiyot va boshqaruv boʻyicha ham katta koʻnikmaga ega boʻladilar.

Magistraturada oʻqish 2024-yil 1-sentyabrdan boshlanib 2026-yil 28-fevralgacha davom etadi. Dasturga qabul qilingan barcha talabalar yozgi tayyorlov kursida ishtirok etishlari shart.. Har ikkala magistrlik kurslari toʻliq kunduzgi taʼlim shaklida boʻlib oʻtadi va talabalarning barchasi Bishkekka kelib oʻqishlari kerak.

Dasturda qatnashish uchun nomzodlar quyidagi talablarga javob berishi lozim;

• Dasturda Afgʻoniston, Qozogʻiston, Qirgʻiziston, Mongoliya, Tojikiston, Turkmaniston va Oʻzbekiston fuqarolari ishtirok etishlari mumkin;
• Nomzod dasturda berilgan yoʻnalishlarda oliy taʼlim darajasiga (4 yillik bakalavr, magistratura darajasi yoki mutaxassislik diplomiga) ega boʻlishi boʻlishi lozim;
• O'qishing oxirgi yilida bo'lgan bakalavr talabalari ham topshirishlari mumkin;
• Ingliz tili: IELTS min 6.5 va boshqa ekvivalent sertifikatlar;

Talablar haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imtiyozlarga ega boʻladi:

• Oʻqish kontrakt toʻlovidan ozod etiladi;
• Har oy 450 yevro miqdoridagi stipendiya bilan taʼminlanadi (18 oy);
• Bishkekka borish va qaytish uchun ekonom klass aviachiptaga ega boʻladi;
• Tibbiy sugʻurta xarajatlari qoplanadi;
• Yuqori akademik koʻrsatkichga ega boʻlgan talabalar Yevropada moliyalashtirilgan amaliyot oʻtash imkoniyatini qoʻlga kiritadilar.

Dasturga ariza topshirish uchun nomzodlar avval roʻyxatdan oʻtishlari va onlayn ariza shaklini toʻldirishlari kerak.

• Siyosat va xavfsizlik sohasida oʻqimoqchi boʻlgan nomzodlar ushbu havola orqali ariza topshirishlari mumkin;
• Inson huquqlari va barqarorlik yo'nalishi uchun arizalar bu yerda qabul qilinadi;
• Iqtisodiy boshqaruv va taraqqiyot sohasida oʻqimoqchi boʻlgan nomzodlar ushbu havola orqali ariza topshirishlari mumkin.

Eslatma! Dasturga arizalar faqat ingliz tilida qabul qilinadi. Diplom va uning baholari tarjimasi ingliz tilida bo'lishi kerak.

Qoʻshimcha savol va murojaatlar uchun:

• Siyosat va xavfsizlik yoʻnalishidagilar uchun: MA-PS@osce-academy.net
• Iqtisodiyot va boshqaruv yoʻnalishidagilar uchun: MA-EGD@osce-academy.net

Tel: +996 (312) 54-32-00, 54-12-00

Har hafta, jum kuni Bishkek vaqti bilan 15.00-16.00 da zoom havolasi orqali savol-javob o'tkaziladi. Zoom havolasi bu yerda.

Magistrlik kurslari haqida batafsil ushbu havola orqali maʼlumot olish mumkin.