Biznes bilan shugʻullanuvchi ayollarga Latviya-Oʻzbekiston hamkorligidagi bepul trening va biznes sayohati uchun qoʻshma dastur
  • 27/10/2022 Qabul boshlanishi
  • Toʻliq Moliyalash turi
  • Latviya Davlat
  • 10.11.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

“Female Founders Across Borders” bu Latviyadagi “Riga Tech Girls” hamda Oʻzbekistondagi “Tech4Impact NGO” oʻrtasidagi qoʻshma dastur boʻlib, Latviya tashqi ishlar vazirligi tomonidan moliyalashtiriladi. Dasturdan asosiy maqsad Latviya va Oʻzbekistondagi ayollar tomonidan yaratilgan hamda yuritilayotgan biznesni ragʻbatlantirish, shuningdek, ularni treninglar, mentorlar maslahati hamda almashinuv loyihalari bilan tanishtirishdir. Dasturda oʻz biznesini yaratgan, IT sohasida biznesiga ega, IT boʻyicha startap loyihasini amalga oshirmoqchi boʻlgan yoki oʻz biznesini yangi texnologiyalar yordamida kengaytirish va rivojlantirish maqsadida boʻlgan ayollar qatnashishlari mumkin. Treningda qatnashish uchun yosh chegarasi belgilanmagan.

Nomzodlar dasturda mentor yoki ishtirokchi sifatida ariza topshirishlari mumkin. Dasturga saralab olingan nomzodlar bilan treninglar va maxsus uchrashuvlar boʻlib oʻtadi. Dasturning final bosqichiga chiqqan oʻzbek ishtirokchilari Latviyaga, Latviyalik ishtirokchilar esa Oʻzbekistonga barcha xarajatlari toʻliq qoplanadigan biznes sayohat qilish imkoniyatini qoʻlga kiritishadi. Treninglar uchun dastlab jami 15 ta nomzod saralab olinadi. Final bosqichida esa 5 ta Oʻzbekistonlik hamda 5 ta Latviyalik nomzodlar saralanadi. Dasturga ariza topshirish jarayoni 2022-yil 10-noyabrgacha davom etadi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Dasturda turli xil sohadagi biznes yoki hamkorlik biznesi asoschisi boʻlgan ayol tadbirkorlar ishtirok etishlari mumkin;
  • Treningda qatnashish uchun maʼlum bir yosh chegarasi mavjud emas;
  • Ishtirokchilar ingliz tilini (biznes sohasini) yaxshi bilishlari lozim. Chunki onlayn darslar ingliz tilida olib boriladi;
  • Nomzodlar ariza topshirishdan oldin oʻzlarining IT sohasidagi startap gʻoyalari yoki boshqa sohalardagi bizneslariga ega boʻlishlari kerak. Shuningdek, ularning biznesi IT yoki raqamlashtirish kabi xizmatlardan yordamida takomillashtirilishga moyil boʻlishi zarur;
  • Ishtirokchilar haftasiga 5 soatdan ortiq onlayn darslarda qatnashishga tayyor turishlari kerak;
  • Har bir nomzod onlayn darslar davomida kompyuter/smartfonlardan foydalanish koʻnikmasiga ega boʻlishi lozim.

Dasturga tajribali mentorlar ham qidirilmoqda. Ularga maosh toʻlanadi. Mentorlarga tajribalariga asoslangan holda 1-2 tagacha ishtirokchi belgilab beriladi. Dasturda mentor sifatida qatnashish uchun quyidagi talablar mavjud:

  • Nomzod kamida 3 yillik tajribaga ega boʻlishi zarur;
  • Noyabr oyining oxirida boʻlib oʻtadigan 2 kunlik mentorlar tayyorlov darsida qatnashish imkoniga ega boʻlishi lozim;
  • 2023-yilning yanvar-mart oylarida har bir oʻrganuvchi uchun 8 soatdan vaqt ajratishga tayyor boʻlishi kerak. Bunga dastur ishtirokchilari bilan boʻlgan onlayn va oflayn uchrashuvlar, mentorlik sessiyalariga tayyorgarliklar, ishtirokchilar hamda mentorlar bilan boʻlgan onlayn tekshiruv dasturlari ham kiradi;
  • Nomzodlar oʻz tajriba va maslahatlarini dastur ishtirokchilari bilan ulashishga tayyor boʻlishlari zarur;
  • Ishtirokchilar ingliz tilini yaxshi bilishlari lozim.

Dastur haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

  • Ishtirokchilar ushbu sohasidagi ekspertlarning 25 soatlik seminarlarida (biznes modellari, startaplar, dizaynerlik gʻoyalari, metrika, mijozlarni jalb qilish, sotish, texnik ovoz nazorati, investorlikka tayyorlov, shaxsiy rivojlanish va liderlik qobiliyati mavzularida) qatnashish imkoniga ega boʻladilar;
  • Nomzodlarni rivojlantirish maqsadida tajribali mutaxassislar tomonidan individual 2 oylik mentorlik darslari tashkillashtiriladi (har bir ishtirokchi uchun 12 tadan dars);
  • Dastur davomida ishtirokchilarning bir-birlari bilan aloqada boʻlish, fikr almashish va suhbatlashish imkoniyatlari boʻladi;
  • Dastur maʼmuriyati tomonidan ishtirokchilar biznes va yangi texnologiyalar boʻyicha startaplar bilan taʼminlab turiladi;
  • Dasturning soʻnggi bosqichiga chiqqan Oʻzbekistonlik nomzodlar Latviya davlatiga, Latviyalik nomzodlar esa Oʻzbekistonga biznes almashinuvi sayohatiga joʻnatiladi. Sayohat xarajatlari tashkilotchilar tomonidan toʻliq qoplanadi;
  • Dastur davomida Oʻzbekistonlik va Latviyalik ishtirokchilar oʻzaro biznes almashinuv loyihalarini amalga oshirish hamda hamkorlikda faoliyat olib borish imkoniyatini qoʻlga kiritishlari mumkin.

Dasturning foydali tomonlari haqida ushbu havola orqali batafsil maʼlumot olish mumkin.

Hujjat topshirish

Dasturda ishtirokchi yoki mentor sifatida qatnashish mumkin. Ariza topshirish jarayoni 2022-yil 7-oktyabrdan 10-noyabrgacha davom etadi. Saralash jarayonida ariza shaklida berilgan savollarga yozilgan javoblar, nomzod biznesining darajasi hamda til bilish darajasi kabi omillarga alohida eʼtibor beriladi.

Muhim sanalar:

  • 2022-yil 27-oktyabrdan 10-noyabrgacha-Ariza topshirish jarayoni boʻlib oʻtadi;
  • 2022-yil 10-15-noyabr- Saralash jarayoni boʻlib oʻtadi va jami 15 ta ishtirokchi saralab olinadi;
  • 2022-yil 20-noyabrdan 20-dekabrgacha- Tanlab olingan nomzodlar bilan onlayn seminarlar olib boriladi (haftasiga 4-5 soat);
  • 2023-yil yanvar-mart- Ishtirokchilar bilan maxsus mentorlik uchrashuvlari oʻtkaziladi;
  • 2023-yil aprel- Dasturning finalistlari saralab olinadi (Oʻzbekistondan 5 ta, Latviyadan 5 ta);
  • 2023-yil aprel-may- Almashinuv dasturi boʻlib oʻtadi (Oʻzbekistonlik ishtirokchilar Latviyaga, Latviyaliklar esa Oʻzbekistonga xarajatlari toʻliq qoplanadigan sayohatni amalga oshirishadi).

Dasturda ishtirokchi sifatida qatnashish uchun ushbu havola orqali ariza shaklini toʻldirish mumkin.

Dasturda mentor sifatida qatnashish uchun ushbu havola orqali ariza shaklini toʻldirish mumkin.

Qoʻshimcha maʻlumotlar

Loyiha Latviya tashqi ishlar vazirligi tomonidan moliyalashtiriladi.

Latviya tashqi ishlar vazirligi haqida ushbu havola orqali batafsil maʼlumot olish mumkin.

Maʼlumot uchun:

RIGA TECHGIRLS:

e-mail: info@rigatechgirls.com;

sayt: rigatechgirls.com.

TECH4IMPACT:

e-mail: info@tech4impact.uz;

sayt: www.tech4impact.uz

Latviya
Biznes bilan shugʻullanuvchi ayollarga Latviya-Oʻzbekiston hamkorligidagi bepul trening va biznes sayohati uchun qoʻshma dastur

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar