Biznes, media, madaniyat hamda texnologiya sohalari bo'yicha bepul bilim va koʻnikmalarga ega boʻlish uchun GoViral jamoasi tomonidan GoMentor dasturi

GoViral jamoasi #GoMentor mentorlik dasturiga arizalar qabuli boshlanganini mamnuniyat bilan eʼlon qiladi.

Ushbu dastur GoViral hamjamiyati aʼzolari uchun biznes, media, texnologiya va madaniyat sohalarida murabbiylar bilan ishlash imkoniyatini beradi.

Dastur aralash yaʼni oflayn hamda onlayn formatda oʻtkaziladi.

Ushbu mentorlik dasturi GoViral hamjamiyatining faol aʼzolariga loyiha qilishning 4 ta asosiy sektori boʻyicha murabbiylar bilan ishlash imkoniyatini yaratadi. Ular quyidagilar:

• Biznes;
• Media;
• Madaniyat;
• Texnologiya.

Ishtirokchilar mentorlar koʻmagida kasbiy va shaxsiy oʻsish uchun yangi bilim va koʻnikmalarni oʻrganishlari va oʻz karyeralarida yangi istiqbollarga ega boʻlishlari mumkin boʻladi.

Dastur 10-avgustdan 10-sentyabrgacha (1 oy) davom etadi. Bu vaqt mobaynida ishtirokchilar oʻz mentorlari bilan qulay vaqt va sharoitda guruh yoki individual tarzda uchrashishlari mumkin boʻladi. Haftada bir marta yigʻilishlar talab etiladi. Qoʻshimcha uchrashuvlar va muloqotlar uchun nomzodlar vaqtni oʻz murabbiylari bilan dasturning barcha ishtirokchilarining imkoniyatiga qarab belgilashlari mumkin.

Dastur asosan rus tilida boʻladi. Biroq murabbiylar bilan muloqot oʻsha mamlakatning mahalliy tilida boʻlishi ham mumkin.

Dastur murabbiylari:

• Azamat Majidov - GDG organizer, Technovation Challenge mentori
• Fakhriddin Olimov — Product Designer
• Ulugbek Ismatov — MPMG Direktor, CEO BeCreative
• Inara Asanova — Marketing Mutaxassisi
• Nematjon Mansurov — Marketing Strategiyalari menejeri
• Anvarbek Suvonkulov - Rejissyor

Eslatma: Har bir mentor atigi 2 nafar ishtirokchi qabul qiladi.

Dastur haqida batafsil ushbu havola orqali tanishish mumkin.

Dasturda ishtirok etish uchun nomzodlardan quyidagilar talab etiladi:

• Dasturda qatnashish uchun nomzodlarga cheklovlar mavjud emas;
• Mentorlik dasturiga Qozogʻiston, Qirgʻiziston, Tojikiston va Oʻzbekistondan GoViral loyihasining asosiy tarmoqlarida (biznes, media, madaniyat, texnologiya) rivojlanish istagida boʻlgan mutaxassislar hamda yoshlar ariza topshirishlari mumkin.

Dastur maqbullik jihatlari haqida batafsil ushbu havola orqali tanishish mumkin.

Dasturga qabul qilingan nomzodlar quyidagi imtiyozlarga ega boʻladi:

• Ushbu mentorlik kursida qatnashish mutlaqo bepul;
• Nomzodlar tajribali mutaxassislardan maʼlum koʻnikmalar boʻyicha shaxsiy trening, kerakli natijalarga erishishda yordam va samarali tavsiyalarga ega boʻlishadi.
• Dastur oxirida nomzodlar oʻz yutuqlari bilan GoViral platformasida boʻlishish imkoniyatiga ega boʻlishadi.

Dastur imtiyozli jihatlari haqida batafsil ushbu havola orqali tanishish mumkin.

Dasturga roʻyxatdan oʻtish uchun ushbu havola orqali berilgan ariza namunasini toʻldirish lozim.

Arizalar quyidagi mezonlarga asosan tanlab olinadi:

• Nomzodning motivatsiyasi;
• Dasturning boshidan oxirigacha qatnashishga tayyorligi;
• Mentor bilan ishlash soʻrovining toʻgʻriligi;
• Mentor bilan ishlashdan kutilgan natijalarga erishish istagi.

Ariza topshirishning soʻngi muddati 2022-yil 4-avgust soat 17:00.

Ishtirokchilar uchun mentorlar nomzodning arizasi asosida GoViral Markaziy Osiyo jamoasi va ekspertlari tomonidan tanlanadi. Nomzodlarning ushbu masala boʻyicha fikr-mulohazalari ham eʼtiborga olinadi.

Nomzodlarga 7-avgustga qadar oʻz arizalarining holati boʻyicha xabar beriladi.

Qoʻshimcha savol va murojaatlar uchun: Gulrabo Shakarova gulrabo@iwpr.net

GoViral telegram sahifasi