Blogerlik va jurnalistlika sohasiga qiziquvchilar uchun "Raqobat bilan rivojlanish sari" yutuqli tanlovi

O‘zbekiston Respublikasi Monopoliyaga qarshi kurashish qo‘mitasi 5-dekabr –Butunjahon raqobat kuni munosabati bilan mamlakatimizda raqobat va tabiiy monopoliyalar to‘g‘risidagi qonunchilikning keng targ‘ib qilinishini ta’minlash, aholi va tadbirkorlik subyektlarining raqobat to‘g‘risidagi, tabiiy monopoliyalar to‘g‘risidagi qonunchilik bo‘yicha huquqiy madaniyati va huquqiy ongini yuksaltirish, tovar va moliya bozorida o‘zaro raqobatlashuvchi xo‘jalik yurituvchi subyektlarning raqobatchiga zarar yetkazadigan yoki yetkazishi mumkin bo‘lgan harakatlarni amalga oshirishining oldini olish, xo‘jalik yurituvchi subyektlarning ustun mavqeni suiiste’mol qilishining, “kartel” kelishuvlari va til biriktirishlarga qarshi kurashishni hamda insofsiz raqobat holatlarini aniqlash va ularga chek qo‘yishni yanada jadallashtirish, bu borada Monopoliyaga qarshi kurashish qo‘mitasi tomonidan amalga oshirilayotgan ishlar, tanlov (tender) savdolarida va iqtisodiy kontsentratsiyaga oid monopoliyaga qarshi talablarning mazmun mohiyatini keng jamoatchilikka yetkazish maqsadida “Raqobat bilan rivojlanish sari” nomli jurnalist va blogerlar hamda soha qiziquvchilari oʻrtasida tanlov eʼlon qiladi. 

Ijodiy ishlar o'zbek, rus va ingliz tillarida qabul qilinadi.

Tanlov ishtirokchilari quyidagi nominatsiyalar boʼyicha saralab olinadi: 

• "Eng yaxshi reportaj" (televidenie yoʼnalishida);
• "Eng yaxshi maqola" (bosma nashr yoʼnalishida);
• "Eng yaxshi maqola" (internet yoʼnalishida);
• "Eng ommabop va qiziqarli blogpost" (blogerlik yoʼnalishida).

Talov g'oliblari zamonaviy komyuter, planshet va telefon kabi qimmatbaho sovg'alar bilan taqdirlanadi.

• Tanlovda barcha jurnalist, bloger va ushbu sohaga qiziquvchilar ishtirok etishi mumkin.

Tanlov shartlari quyidagilardan iborat:

• tanlovga taqdim etiladigan materiallar 2021-yilning 1-yanvaridan 25-noyabrigacha boʻlgan davr oraligʻida bosma yoki elektron OAVda, shu jumladan ijtimoiy tarmoqlarda, tele-efirlarda yoki shaxsiy bloglarda eʼlon qilingan boʻlishi lozim;
• tanlovga taqdim etiladigan materiallarda asosiy mavzuga oid muammolar yoritilgan bo‘lishi kerak;
• ilmiy ishlar, seminar, trening, konferensiya, davra suhbatlari uchun tayyorlangan materiallar qabul qilinmaydi;
• har bir ishtirokchidan 3 tagacha material qabul qilinadi.

Tanlov g'oliblari quyidagicha taqdirlanadilar:

• 1-o'rin uchun zamonaviy kompyuter;
• 2-o‘rin uchun zamonaviy planshet;
• 3-o‘rin uchun zamonaviy mobil telefon.

Tanlov ishtirokchilari quyidagi nominatsiyalar boʼyicha saralab olinadi: 

• "Eng yaxshi reportaj" (televidenie yoʼnalishida);
• "Eng yaxshi maqola" (bosma nashr yoʼnalishida);
• "Eng yaxshi maqola" (internet yoʼnalishida);
• "Eng ommabop va qiziqarli blogpost" (blogerlik yoʼnalishida).

Tanlovda ishtirok etish uchun 2021-yilning yilning 5-noyabr kunidan 30-noyabr kuni soat 18:00 gacha tanlov@antimon.gov.uz elektron pochtasiga quyidagi ma’lumotlar yuboriladi:

1. Ishtirokchi haqida ma’lumot;
2. Ishtirokchining fotosurati;
3. Tanlovda ishtirok etuvchi material (Word dasturida yozilgan matn yoki video/fotofayl, faylning o‘zi yoki u joylangan sayt/fayl manbasiga havola).

Barcha materiallar e’lon qilinganligi to‘g‘risida skrinshot, pdf-nusxa, havola bilan tasdiqlanishi hamda joriy yil 1-yanvardan 25-noyabrgacha bo‘lgan davr oralig‘ida yoritilgan materiallar boʻlishi shart.

Gʻoliblar mustaqil hakamlar hay’ati tomonidan ballik sistema asosida quyidagi mezonlar boʻyicha aniqlanadi:

• Yaxshi tadqiq etilgan, mazmundor material;
• Misollar va ishonarli faktlarga asoslangan material;
• Gʻoyasi aniq ifodalangan material;
• Kreativ yondashuv;
• Yoritishdagi mahorat;
• Ijtimoiy tarmoqlar yohud OAV orqali ommalashgani.

Tanlov g‘oliblari 2021-yil 6-dekabr kuni tantanali ravishda taqdirlanadi.

Qo'shimcha ma'lumot uchun: (71) 207 47 00 (225)