Boston Universitetining bakalavr bosqichida o‘qish uchun umumiy qiymati $100,000 bo‘lgan Presidential Scholarship grant dasturi

Dunyoning eng nufuzli oliygohlaridan biri bo‘lgan Boston Universiteti  bakalavr bosqichida o‘qishni  xohlovchilar uchun Prezidental Scholarship grant dasturini  e’lon qiladi. 

Boston Universitetidagi  barcha  yo‘nalishdagi  bakalavr bosqichida o‘qish  imkoni  mavjud  bo‘lib, dastur o'qish pulini qisman qoplash uchun 4 yilgacha yillik $25,000 grant taqdim etadi. 

Dastur maqsadi talabalarni akademik, professional va ijtimoiy muvaffaqiyatlarga tayyorlash bo‘lib, jahon hamjamiyatiga hissa  qo‘shadigan  intellektual  intiluvchan talabalar  guruhini  birlashtirishga intiladi.

Boston Universitetidagi barcha sohalar bilan ushbu havola orqali tanishish mumkin.

• Boston universitetining bakalavr bosqichiga qabul qilingan bo‘lishi;
• Nomzod a’lochi, jamoat ishlarida faol bo‘lishi;
• Universitetga kirish uchun IELTS 7 yoki TOEFL 90 bo'lishi kerak;
• Grant uchun alohida essay va qo‘shimcha hujjat talab qilinmaydi, lekin o'qishga qabul qilingandan so'ng 1-dekabrgacha hujjat topshirib qo'yish kerak bo'ladi.

• 4 yil davomida o‘qish pulini qoplash uchun yillik $25.000 grant beriladi.

Arizalar ushbu havola orqali onlayn topshiriladi

Kerakli hujjatlar quyidagicha:

• Pasport fotosurat/maʼlumotlar sahifasining nusxasi;
• Shahodatnoma yoki kollej/litsey diplomi va ilovasining nusxasi. Hujjatlar asl tilida va ingliz  tilidagi notarial tasdiqlangan tarjimasi bilan boʻlishi kerak. Yakuniy imtihon hujjatlarining mosligi davlatlar boʻyicha berilgan. Ammo roʻyxatda Oʻzbekiston  yoʻq, shu sababli intadmis@bu.edu manzili yoki  617-353-5334 telefon raqami orqali aniqlashtirish mumkin;
• Ingliz  tili darajasini aniqlash uchun qoʻshimcha InitialView yoki Vericant orqali inyervyu oʻtkazilishi mumkin;
• Moliyaviy ahvol haqida maʼlumotnoma;
• ACT/SAT serifikati.

Boston Universitetining bakalavriat bosqichiga topshirish uchun barcha kerakli hujjatlarni batafsil ushbu havola orqali koʻrib chiqish mumkin.

Eslatma: Universitetga ariza topshirish uchun $80 toʻlash kerak.

Dastur haqida qoʻshimcha savol va takliflarni ushbu elekron manzilga yuborish mumkin: intadmis@bu.edu