Britaniya Konsulligidan Markaziy Osiyoda kreativ prodyuserlikni rivojlantirish maqsadida Creative Producers onlayn kursi 3-mavsumi

Britaniya Konsulligi Markaziy Osiyoda kreativ, ijodiy fikrlovchi, qolaversa, o’z karyerasini endigina yo’lga qo’ymoqchi bo’lgan prodyuserlarni Creative Producers dasturining 3-mavsumida qatnashishga chorlaydi. 

So'nggi ikki yil ichida Creative Producers dasturi 46 ta ijodiy fikrga ega prodyuserlarni (O'zbekistondan 26 va Qozog'istondan 20 kishi) birlashtirdi. Shu bilan birga, madaniy va ijodiy sohalarni rivojlantirish uchun yangi prodyuserlarni tayyorladi. 19000 dan ortiq ishtirokchilar O'zbekistondagi dastur ishtirokchilari tomonidan uyushtirilgan onlayn va oflayn tadbirlarga qatnashdilar. O’tgan yillarda dastur ishtirokchilari tadbirkorlik, ijodiy fikrlash, odamlarni boshqarish, loyiha va moliyaviy boshqaruv ko'nikmalarini mukammal britaniyalik mutaxassislardan o’rganish imkoniga ega bo’ldilar. 

Kurslar barchasi Buyuk Britaniyaning mutaxassis trenerlari Andy Brydon va Kate Wyatt tomonidan olib boriladi. Bu yilgi dasturda ham kurslarni muvaffaqiyatli yakunlaganlar uchun maxsus grantlar beriladi.

• Dasturda tajribasi 3 yildan oshmagan o’z karyerasini endiga boshlagan: kreativ prodyuserlar, san’at menejer va adminstratorlari, festival tashkilotchilari, sahna asari tanqidchilari, rejissyorlar ishtirok etishlari mumkin
• Barcha ishtirokchilar ingliz tilini B2 darajada bilishlari talab etiladi.

Ishtirokchilar quyidagi imkoniyatlarga ega bo'ladilar:

• Buyuk Britaniyalik mutaxassislar bilan Olmaota va Toshkentda onlayn darslarda qatnashish;
• Seminar yakunida eng muvaffaqiyatli topilgan loyihalarni amalga oshirish uchun grantlar beriladi.

Nomzodlar avval onlayn ro’yxatdan o’tishadi. Ariza topshirish jarayonida quyidagi topshiriqlarni bajarishlari lozim:

• 500 so’zdan iborat motivatsiya xati (mavzularni  ushbu havoladan topshingiz mumkin);
• CV/Rezyume (Avvalgi shu soha bo’yicha qilgan ishlari haqida havola ham berishlari lozim);
• Dastur davomida amalga oshirmoqchi bo’lgan loyihasidan namuna.

Ushbu bosqichlarni muvaffaqiyatli yakunlaganlar bilan onlayn intervyu tashkillanadi va eng munosib 10ta nomzod qabul qilinadi.

• 2021-yil 12-sentyabr - dasturda ishtirok etish uchun arizalarni topshirish muddati;
• 2021-yil sentyabr - oktyabr - arizalarni tekshirish va dastur ishtirokchilarini aniqlash va tanlangan nomzodlar bilan onlayn suhbat;
• 2021-yil oktyabr oyining birinchi yarmi - ishtirokchilar rasman e'lon qilinadi;
• 2021-yil oktyabr oyining ikkinchi yarmi - Olmaota va Toshkentda Buyuk Britaniya o'qituvchilari ishtirokida 1-haftaning 2-haftasi onlayn-seminar bo’lib o’tadi (har bir shaharda 10 tagacha onlayn ishtirokchi);
• 2021-yil 19-noyabr - boshqa ishtirokchilar bilan qo'shma loyihalar uchun grant taklifini yuborish muddati (seminar ishtirokchilari tomonidan tuzilgan jamoa);
• Bahor - yoz (2022-yil) - mavjud platformalarda qo'shma loyihalar (tadbirlar) amalga oshiriladi.