British Airwaysda onlayn amaliyot oʻtash va ishlash imkonini beruvchi Data Science Virtual Experience Programme dasturi

08/08/2024 Qabul boshlanishi
Bepul Moliyalash turi
Buyuk Britaniya Davlat
Doimiy Oxirgi muddat

Muhim tafsilotlar

Kimlar uchun

Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Data Science Virtual Experience Programme dasturi British Airways tomonidan tashkillashtirilgan onlayn dastur hisoblanadi. Dasturda asosan onlayn amaliyot oʻtash maqsadida boʻlgan va taʼlim olayotgan oʻquvchilar, talabalar, magistrlar, doktorantlar va mutaxassislar qatnashishlari mumkin. Dasturda qatnashish mutlaqo bepul hamda maxsus hujjatlar topshirish yoki rasmiy roʻyxatdan oʻtish talab qilinmaydi. Ishtirokchilar amaliyotni masofadan turib, erkin grafik asosida amalga oshirish, yangi koʻnikma va tajribalarni oʻrganish, British Airwaysda ishlash imkoniga erishish, dastur soʻnggida maxsus sertifikat olish kabi bir qator imkoniyatlarni qoʻlga kiritishadi.

Dastur uchun maʼlum bir sana belgilanmagan, ishtirokchilar istalgan vaqtda roʻyxatdan oʻtishlari va qatnashishlari mumkin.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Dasturda, asosan, onlayn amaliyot oʻtash maqsadida boʻlgan va hozirda taʼlim olayotgan barcha davlatning oʻquvchilari, talabalari, magistrantlari, doktorantlari va mutaxassislari qatnashishlari mumkin;
Dastur ingliz tilida olib borilganligi sababli, maxsus talab mavjud boʻlmasa ham, ingliz tilini dasturda qatnasha olish darajada bilish kerak.

Tanlov talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali tomonlari mavjud:

Ushbu onlayn dasturning oflayn dasturlardan ustunligi shundaki, unda ishtirokchilar bepul, hech qanday vaqt chegaralari va bosimsiz, dunyoning istalgan burchagidan turib qatnashishlari mumkin;
Ishtirokchilar dasturda oʻz vaqtlariga qarab qatnashishadi. Dasturni tugatish uchun 2,5 soat yetarli boʻladi;
British Airwaysdan yangi koʻnikma va tajribalarni oʻrganish imkoni mavjud;
Dastur soʻnggida ishtirokchilarga sertifikat beriladi va nomzodlar uni rezyumelarida koʻrsatishlari mumkin;
Muvaffaqiyatli qatnashchilar British Airways tomonidan ishga olinish imkonini qoʻlga kiritishadi.

Hujjat topshirish

Dasturga roʻyxatdan oʻtish jarayoni quyidagicha:

Ism-familiyangizni yozish;
Oʻqish yoki ish joyini tanlash;
Dastur haqida qayerdan eshitganini berilgan roʻyxatdan tanlash;
Dasturda qatnashishdan maqsadini berilgan roʻyxatdan tanlash;
Berilgan video koʻrsatmadan foydalanib darslarni boshlash.

Eslatma! Dastur uchun maʼlum bir sana belgilanmagan, ishtirokchilar istalgan vaqtda roʻyxatdan oʻtishlari va qatnashishlari mumkin. Ariza shaklini toʻldirish davomida dasturni kerakli materiallar yordamida hamda maqsadlariga mos ravishda tashkillashtirish uchun turli xil savollar beriladi. Ularga mos ravishda har bir nomzod oʻzidan kelib chiqib javob berishi kerak.

Dasturga ushbu havola orqali roʻyxatdan oʻtish mumkin.

Rasmiy havola Hujjat topshirish