Bruneyda bakalavr va magistratura bosqichini to'la moliyalashtirilgan holda o'qish uchun Government of Brunei Darussalam Scholarship dasturi

Bruney Tashqi ishlar vazirligi tomonidan dunyo boʻylab iqtidorli va bilimli yoshlar uchun Bruneydagi eng nufuzli universitetlarda bakalavr, diplomli kurslar va magistratura bosqichida oʻqish imkoniyatini taqdim etuvchi Government of Brunei Darussalam Scholarship dasturini eʼlon qiladi.

Dasturga qabul qilingan talabalar quyidagi oliygohlarda bepul taʼlim olish imkoniyatiga ega boʻladi:

• Universiti Brunei Darussalam;
• Kolej Universiti Perguruan Ugama Seri Begawan;
• Universiti Islam Sultan Sharif Ali;
• Universiti Teknologi Brunei;
• Politeknik Brunei.

Nomzodlar ushbu universitetlarning biriga tanlagan yoʻnalishlari qabul talablariga javob berishi kerak. Aksariyat dasturlar ingliz tilida olib borilgani bois ingliz tilini yaxshi bilish talab etiladi.

Dasturga qabul qilingan talabalar nufuzli universitetlarda kontrakt toʻlovlarsiz oʻqish bilan birga, oylik stipendiya va bepul turar joy bilan taʼminlanadilar. Ishtirokchilarning safar va tibbiy sugʻurta xarajatlari toʻliq moliyalashtiriladi.

Dasturda ishtirok etish uchun nomzodlar quyidagi talablarga javob berishi lozim:

• Bruney hukumatining oliygohlarida bakalavr bosqichida oʻqish uchun nomzod 2025-yil 1-iyul holatiga koʻra 25 yoshdan oshmagan boʻlishi, magistratura bosqichi uchun 35 yoshdan katta boʻlmasligi kerak;
• Nomzod Bruney hukumatining 5 ta nufuzli universitetlaridan birida oʻqish uchun barcha qabul talablariga javob berishi lozim:
  • Universiti Brunei Darussalam;
  • Kolej Universiti Perguruan Ugama Seri Begawan;
  • Universiti Islam Sultan Sharif Ali;
  • Universiti Teknologi Brunei;
  • Politeknik Brunei.
• Nomzod topshirayotgan universiteti va yoʻnalishidan kelib chiqqan holda ingliz tilini B2 darajada bilishi kerak. IELTS 6 yоki shu darajaga teng bоshqa xalqarо ingliz tili sertifikat talab etiladi.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan nomzodlar quyidagi imtiyozlarga ega boʻladi:

• Nomzod oʻquv toʻlovlari, shu jumladan qabul, imtihon, roʻyxatdan oʻtish va dastur davomida yoʻnaltirish toʻlovlaridan ozod etiladi;
• Kurs boshlanishidan oldin oʻz mamlakatidan Bruney Darussalamga kelish va kurs yakunlagandan soʻng yana oʻz yurtiga qaytish uchun ekonom klass aviachiptasi beriladi;
• Yashash xarajatlari uchun oylik 500BND (~$372) stipendiyaga ega boʻladi;
• Oziq-ovqat uchun oyiga 150BND (~$112) beriladi;
• Oʻquv darsliklari uchun yiliga 600BND (~$442) miqdorida moliyaviy yordam beriladi;
• Universitet yotoqxonasidan bepul turar joyga ega boʻladi;
• Kurs yakunlangandan soʻng uyiga qaytishiga yordam sifatida 500BND (~$368) miqdorida pul beriladi;
• Tibbiy sugʻurta xarajatlari toʻliq moliyalashtiriladi.

Dasturning manfaatli jihatlari haqida batafsil ushbu havola orqali maʼlumot olish mumkin.

Dasturda ishtirok etish uchun nomzodlar оnlayn ariza shaklini toʻldirishlari kerak.

Kerakli hujjatlar:

• Akademik koʻrsatkichlarini tasdiqlovchi hujjatlar, jumladan, diplom, sertifikat va boshqalar;
• Tugʻilganlik haqidagi guvohnoma va shaxsni tasdiqlovchi hujjat nusxasi;
• 2 ta tavsiyanоma. 

Universiti Brunei Darussalamga (UBD) hujjat topshirayоtganlar ushbu havоla orqali onlayn ariza topshirishlari kerak.

Universiti Technology Brunei (UTB) ga ariza topshirayоtganlar ushbu havоla orqali onlayn ariza to'ldirishlari kerak.

Eng koʻp berilgan savollar va ularning javoblari bilan ushbu havola orqali tanishish mumkin.

Qoʻshimcha savollar va murojaatlar uchun: queriesBDGS2024@mfa.gov.bn

Dastur haqida batafsil rasmiy havola orqali maʼlumot olish mumkin.