Butun dunyo bo'ylab istalgan yoshdagi istalgan kasb egalari uchun Germaniyaning Berlin shahrida amaliyot — Leaders for Future Ongoing LF amaliyot dasturi
-
20/11/2023 Qabul boshlanishi
-
Qisman Moliyalash turi
-
Germaniya Davlat
-
20.12.2023 Oxirgi muddat
Umumiy maʻlumotlar
“Leaders for Future” butun dunyo boʻylab yetakchi yoshlar uchun Germaniyaning Berlin shahrida amaliyot oʻtash imkoniyatini taqdim etuvchi dastur hisoblanadi. Dastur ikki turga bo'linadi:
- Leaders for future Summer LF.
- Leaders for future Ongoing LF.
Leaders for future Ongoing LF dasturiga butun dunyodan sohasidan qat'i nazar barcha qatnasha oladi. Dastur davomida professional amaliyot o'taladi, amaliyot esa kamida 2 hafta, ko'p bilan 3 oy davom etishi kerak. Amaliyot davomida ishtirokchilar oʻz kasbiy mahoratlarini mustahkamlash, xalqaro muhitda kuchli mutaxassislar bilan ishlash bilan birga koʻplab tanishlar orttirish imkoniga ega bo'ladilar. Dasturda murakkab muammolarga yechim topish, jamoa bilan ishlash kabi shaxsiy va ijtimoiy koʻnikmalarga ega boʻladilar. Dasturnig bu turi faqat qisman grantlar taqdim etadi. Bunda qatnashish xarajatlarining teng yarmi qoplanishi nazarda tutilgan.
Maqbullik shartlari
Dasturda qatnashish uchun nomzodlar quyidagi talablarga javob berishi lozim:
- Yosh va kasb/yo'nalish bo'yicha hech qanday chegara mavjud emas;
- Ingliz yoki nemis tilini kamida B1 darajada bilishi lozim;
- Barcha davlat fuqarolari qatnasha oladi;
- Ishtiyoqi baland, masʼuliyatli va mustaqil fikrga ega boʻlishi kerak.
Foydali tomonlari
Dastur 3 xil stipendiya dasturini tavsiya qiladi:
- Full scholarship — turar-joy, oylik stipendiya, sug'urta puli, ro'yxatga olish, ta'lim sayohatlari, ijtimoiy uchrashuvlar, ma'muriyat, kutib olish, madaniy tadbirlar, xalqaro seminarlar, konsaltinglar, maslahatlar va seminarlar uchun xarajatlar bevosita qoplanadi (safar xarajati bundan mustasno);
- Partial scholarship — qisman moliyalashtiriluvchi. oylik stipendiya, sug'urta puli, ro'yxatga olish, ta'lim sayohatlari, ijtimoiy uchrashuvlar, ma'muriyat, kutib olish, madaniy tadbirlar, xalqaro seminarlar, konsaltinglar, maslahatlar va seminarlar uchun xarajatlar bevosita qoplanadi (safar va turar-joy xarajati bundan mustasno).
- O'z hisobidan.
Qoʻshimcha maʻlumotlar
Bu dasturga yiliga 4 marta ariza topshirish mumkin:
- 1-28-fevral;
- 1-30-may;
- 1-31-avgust;
- 20-noyabr-20-dekabr.
Qoʻshimcha savol va murojaatlar uchun: application@copernicusberlin.de