Butun dunyo yetakchi yoshlari uchun Germaniyaning Berlin shahrida 2 oy amaliyot oʻtash imkoniyatini beruvchi
  • 01/10/2021 Qabul boshlanishi
  • Toʻliq Moliyalash turi
  • Germaniya Davlat
  • 30/11/2021 23:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili, Nemis tili
  • Yosh chegarasi
    35 yoshgacha
  • IELTS talabi
    minimum 5

Sohalar

Doʻstlar bilan ulashing

Umumiy maʻlumotlar

“Leaders for Future” butun dunyo boʻylab yetakchi yoshlar uchun Germaniyaning Berlin shahrida amaliyot oʻtash imkoniyatini taqdim etuvchi dastur hisoblanadi. Dastur davomida ishtirokchilar oʻz kasbiy mahoratlarini mustahkamlash, xalqaro muhitda kuchli mutaxassislar bilan ishlash bilan birga koʻplab tanishlar orttirish imkoniga ega bo'ladilar. Dasturda murakkab muammolarga yechim topish, jamoa bilan ishlash kabi shaxsiy va ijtimoiy koʻnikmalarga ega boʻladilar.

Ushbu amaliyot dasturining asosiy maqsadi butun dunyo uchun ijobiy oʻzgarish qila oladigan yetakchi yoshlar tarmogʻini hosil qilishdan iborat.

Maqbullik shartlari

Dasturda qatnashish uchun nomzodlar quyidagi talablarga javob berishi lozim:

  • Nomzod 35 yoshdan katta boʻlmasligi kerak;
  • Ingliz yoki nemis tilini kamida B1 darajada bilishi lozim;
  • Barcha davlat fuqarolari qatnasha oladi;
  • Ishtiyoqi baland, masʼuliyatli va mustaqil fikrga ega boʻlishi kerak.

Talablar haqida batafsil ushbu havola orqali ma'lumot olishingiz mumkin.

Foydali tomonlari

Dastur 3 xil stipendiya dasturini tavsiya qiladi:

  • Full scholarship — toʻliq moliyalashtiriluvchi. Bunda administrativ xarajatlar, dastur uchun maslahat berish, javobgarlik sugʻurtasi va turar joy xarajatlari qoplanadi. Qoʻshimcha har oy choʻntak puli ham beriladi.
  • Partial scholarship-plus — qisman moliyalashtiriluvchi-plus. Bunda administrativ xarajatlar, dastur uchun maslahat berish, javobgarlik sugʻurtasi xarajatlari qoplanadi va qoʻshimcha har oy choʻntak puli ham beriladi. Faqat turar joy ijara narxining 50%i qoplab beriladi.
  • Partial scholarship — qisman moliyalashtiriluvchi. Bunda administrativ xarajatlar, dastur uchun maslahat berish, javobgarlik sugʻurtasi xarajatlari qoplanadi va qoʻshimcha har oy choʻntak puli ham beriladi. Ammo nomzodning oʻzi turar joy xarajatlarini qoplashi lozim.

Hujjat topshirish

Dasturga qabul jarayoni 3 bosqichda amalga oshiriladi:

  • 1-bosqichda Onlayn ariza topshiriladi (1-fevraldan 21-fevralgacha);
  • 2-bosqichda saralanganlarga YOUTUBE orqali maxsus topshiriq beriladi (mart oylari boshida);
  • 3-bosqichda tanlab olingan nomzodlar bilan intervyu oʻtkaziladi (mart oyi oʻrtalarida)

Ariza topshirishda faqat CV kerak boʻladi. CV lar ingliz yoki nemis tilida yozilgan boʻlishi, 1 sahifadan oshmasligi kerak. Namuna uchun ushbu havolaga oʻting.

Qoʻshimcha maʻlumotlar

Bu yilgi yozgi amaliyot dasturi 28-iyundan 22-avgustgacha davom etadi.

Qoʻshimcha savol va murojaatlar uchun: application@copernicusberlin.de

Germaniya
Butun dunyo yetakchi yoshlari uchun Germaniyaning Berlin shahrida 2 oy amaliyot oʻtash imkoniyatini beruvchi "Leaders for Future" amaliyot dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar