Butunjahon intellektual mulk tashkilotidan oʻz startapiga ega yosh tadbirkorlar uchun WIPO Global Awards 2024 tanlovi
-
15/01/2024 Qabul boshlanishi
-
Mukofot Moliyalash turi
-
Shvetsariya Davlat
-
31/03/2024 04:00 Oxirgi muddat
Umumiy maʻlumotlar
Butunjahon intellektual mulk tashkiloti (WIPO) intellektual mulkni tijorat maqsadlarida foydalanishga qaratilgan startap loyihasiga ega innovatorlar uchun WIPO Global Awards 2024 tanlovi taqdim etadi.
Har yili boʻlib oʻtadigan ushbu tanlov BIMTga aʼzo 193 davlat va turli iqtisodiy sektorlardan boʻlgan nomzodlar uchun tashkil etiladi. Mentorlik dasturi gʻoliblari tijoriy maqsadda IPdan foydalanishni kuchaytirish, yangi tijorat hamkorliklarini topish, moliyaviy manbalardan foydalanish imkoniyatiga ega boʻlishadi. Jami 25 nafar finalchi ichidan 7 nafar gʻolib saralab olinishi rejalashtirilgan.
Tanlov 2024-yil 15-yanvardan 31-martgacha davom etadi.
Maʼlumot uchun: Intellektual mulk (IP) patentlar va tovar belgilaridan tortib sanoat namunalari va mualliflik huquqigacha boʻlgan turli shakllarda jamiyatning iqtisodiy, ijtimoiy va madaniy rivojlanishi uchun juda katta ahamiyatga ega. Birlashgan Millatlar Tashkiloti (BMT) rivojlangan yoki kam rivojlangan mamlakatlardagi iqtisodiyotning katta qismini tashkil qiladigan kichik va oʻrta korxonalarning startap loyihalarini qoʻllab-quvvatlaydi. Aynan ushbu tanlov orqali jamiyatda ijobiy oʻzgarish qilish imkoniyatiga ega loyihalar saralanadi va qanday samarali rivojlanish toʻgʻrisida bilim beriladi.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturda BIMTga aʼzo 193 ta davlat fuqarolari va ularda faoliyat yuritayotgan kichik va oʻrta korxonalar qatnashishi mumkin (Oʻzbekiston roʻyxatda bor);
- Ishtirokchilardan oʻz startap loyihasiga ega boʻlishi talab qilinadi;
- Bir nomzod faqat bir marta ariza topshirishi va quyidagi yoʻnalishlardan faqat birini tanlashi mumkin:
- Small and medium-sized enterprises (Kichik va oʻrta korxonalar);
- Startaplar.
- Nomzodlar BMTning oltita rasmiy tillaridan biri yoki yapon tilini bilishi lozim:
- Arab tili;
- Xitoy tili;
- Ingliz tili;
- Fransuz tili;
- Rus tili;
- Ispan tili.
Barcha kichik va oʻrta korxonalarga qoʻyilgan talablar:
- Korxona roʻyxatdan oʻtgan tadbirkorlik subyekti boʻlishi kerak (Roʻyxatdan oʻtishni tasdiqlovchi hujjat talab qilinadi);
- Xodimlari soni 300 dan ortiq boʻlmasligi va umumiy yillik savdo hajmi 15 million AQSh dollardan oshmasligi lozim;
- Kamida bitta roʻyxatdan oʻtgan IP huquqiga ega boʻlishi kerak;
- Oʻz mahsuloti yoki xizmatlarini kamida bitta davlatga eksport qilayotgan boʻlishi lozim;
- BMTning Barqaror rivojlanish maqsadlarining (SDGs) kamida 3 tasini qamrab olishi kerak.
Startaplarga qoʻyilgan talablar:
- Yuridik faoliyat yuritish muddati uch yildan oshmagan, roʻyxatdan oʻtgan tadbirkorlik subyekti boʻlishi kerak (Roʻyxatdan oʻtishni tasdiqlovchi hujjat talab qilinadi);
- Xodimlari soni 50 kishidan oshmasligi;
- IP huquqlari bilan bogʻliq innovatsion mahsulot yoki xizmatga ega boʻlishi;
- Inkubator, akselerator yoki shunga oʻxshash korxona kabi biznesni qoʻllab-quvvatlovchi tashkilot bilan bogʻlangan boʻlishi (Mansubligini tasdiqlovchi hujjat talab qilinadi);
- Kamida bitta tijorat mijozi bilan hamkorlik qilishini tasdiqlagan va/yoki biznes savdosini yakunlagan va/yoki loyihani taʼminlovchi investorga ega boʻlishi kerak;
- Startap bitta IP huquqini roʻyxatdan oʻtkazish uchun kamida bitta ariza topshirgan va/yoki kamida bitta roʻyxatdan oʻtgan IP huquqining egasi boʻlishi lozim.
Muhim: Oʻtgan yillardagi gʻolib sifatida tanlanmagan nomzodlar va finalchilar yana qayta ariza topshirishlari mumkin. Yuqoridagilar nomzod va startaplarga qoʻyilgan umumiy talablardir. Shuning uchun tanlovning mezon va shartlari haqida batafsil ushbu havola orqali maʼlumot olish kerak.
Foydali tomonlari
- Tanlovda bepul qatnashish mumkin;
- Gʻoliblar startap loyihalarini davom ettirish boʻyicha qimmatli maʼlumotlar beriladigan mentorlik dasturini yutib oladilar;
- Dastur uchun maxsus ishlab chiqilgan kubok beriladi;
- Taqdirlash marosimida va maxsus tadbirlarda ishtirok etish uchun Jenevaga sayohat (BIMT qoidalariga muvofiq moliyalashtiriladi).
Maʼlumot uchun: Kubokning oʻzi ajoyib shisha disk shaklida boʻladi va u gʻolibning mukammalligining ramzi hisoblanadi. Ularning har biri Venetsiyaning Murano orolida tashkilotchilarning oʻz dizayn jamoasi konsepsiyasi asosida 40 yildan ortiq tajribaga ega boʻlgan mohir hunarmandlar tomonidan qoʻlda ishlanadi.
Qoʻshimcha maʻlumotlar
Email: global.awards@wipo.int.
Muhim sanalar:
- Hujjat topshirish uchun oxirgi muddat: 31-mart, 2024-yil (04:00);
- Finalchilar eʼlon qilinadi: 2024-yil may oyining 2-haftasi;
- Gʻoliblar aniqlanadi: 2024-yil may oyining oxiri.
Quyidagi ijtimoiy tarmoqlar orqali qoʻshimcha maʼlumot olish mumkin: