Buyuk Britaniya tizimida oʻqiganlar uchun xalqaro tanlov — UK Alumni Awards tanlovi

UK Alumni Awards bu Buyuk Britaniya hukumati tomonidan eʼlon qilingan tanlov hisoblanib, ushbu davlatdagi rasmiy muassasa yoki universitetlardan birida tahsil olgan va uni bitirgan ishtirokchilar uchun moʻljallangan. Tanlovda Ilm-fan va barqarorlik, madaniyat va yaratuvchanlik, ijtimoiy ishlar, biznes va innovatsiyalar nominatsiyalari boʻyicha qatnashish mumkin. Bunda nomzod o'qishni tamomlagach shu o'qish orqali nimalarga erishgani (amaliy natijalari) va muvaffaqiyatga erishish hikoyasini taqdim qilishi kerak.

Tanlov ikki bosqichda boʻlib oʻtadi. Birinchi bosqich National Alumni Award boʻlib, ushbu bosqichdan muvaffaqiyatli oʻtgan nomzodlar Global Alumni Award ishtirokchisiga aylanishadi. UK Alumni Awardsga oʻqishni tugatganiga 15 yildan oshmagan va Buyuk Britaniyadagi rasmiy muassasada tahsil olgan yoki Britaniya tizimidagi (Toshkent Xalqaro Vestminister Universiteti, Singapur menejmentini rivojlantirish instituti, TEAM universiteti bitiruvchilari) OTMni biritirgan nomzodlar qatnashishlari mumkin.

Dasturda ishtirok etish orqali nomzodlar xalqaro profillari va professional aloqalarini kengaytirish, shuningdek, Buyuk Britaniyaga bepul sayohat qilib kelish imkoniyatini qoʻlga kiritishadi. Tanlovga qabul jarayoni 1-sentyabrdan 22-oktyabrgacha davom etadi

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Dasturda Buyuk Britaniyadagi taʼlim muassasalaridan birini tamomlagan yoki Britaniya tizimidagi (Toshkent Xalqaro Vestminister Universiteti, Singapur menejmentini rivojlantirish instituti, TEAM universiteti bitiruvchilari) OTMni biritirganlar qatnashishi mumkin;
• Oʻqishni bitirganiga 15 yildan oshmagan boʻlishi lozim;
• Tanlov ishtirokchilari Buyuk Britaniyada rasmiy taʼlim muassasasida tahsil olgan va maʼlum bir daraja (bakalavr, magistratura, doktorantura) olish uchun oʻqigan boʻlishi kerak. Buyuk Britaniyadagi daraja olishga moʻljallanmagan norasmiy kurslarda oʻqigan yoki ilmiy tadqiqot olib borgan nomzodlar dasturga ariza topshira olmaydilar;
• Oliy taʼlim muassasasidan olgan bitiruv diplomi UK ENIC Band Framework standartlariga mos kelishi zarur;
• Tahsil olgan OTMsi Buyuk Britaniya tomonidan rasmiy tan olingan boʻlishi lozim;
• Hozirda British Council yoki Gradcoreda ishlayotgan nomzodlar hamda ularning oila aʼzolari dasturda ishtirok eta olmaydilar.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali tomonlari mavjud:

• Dasturda ishtirok etish orqali xalqaro profillari va professional aloqalarini kengaytirish imkoniyatiga ega boʻlishadi;
• Gʻoliblar Buyuk Britaniyaga bepul sayohat qilib kelish imkoniyatini qoʻlga kiritishadi;
• Matbuot xodimlari va turli mamlakatlardan kelgan ishtirokchilar bilan suhbatlashish, oʻz fikrlarini namoyish etish va karyeralarini rivojlantirishga sazovor boʻlishadi;
• Dasturning ikkinchi bosqichi (Global Alumni Award)da gʻolib boʻlganlar Buyuk Britaniya bilan aloqada boʻlish va oʻsha yerda professional rivojlanish imkoniyatini qoʻlga kiritishadi.

Dasturning foydali tomonlari haqida ushbu havola orqali batafsil maʼlumot olish mumkin.

Dasturga ariza topshirish jarayoni 1-sentyabrdan 22-oktyabrgacha davom etadi. Grant ikki bosqichda boʻlib oʻtadi. Birinchi bosqichi National Alumni Award boʻlib, ushbu bosqichdan muvaffaqiyatli oʻtgan nomzodlar Global Alumni Award ishtirokchisiga aylanishadi.

Dastur ishtirokchilar quyidagi nominatsiyalar boʻyicha baholanadi:

• Ilm-fan va barqarorlik nominatsiyasi. Ushbu nominatsiyada iqlim masalalari, toza energiya, tibbiyot, barqaror shaharlar va jamiyatlar, injenerlik, sanoat va qurilish sohasidagi nomzodlar ishtirok etishlari mumkin;
• Madaniyat va yaratuvchanlik nominatsiyasi. Ushbu nominatsiyada sanʼat, dizayn, media, video, televideniye, musiqa, sport, blogerlik, vlogerlik, youtuberlik va gumanitar sohada faoliyat yuritayotgan nomzodlar ishtirok etishlari mumkin;
• Ijtimoiy ishlar nominatsiyasi. Ushbu nominatsiyada notenglik, kambagʻallik va ochlikni qisqartirish, taʼlim, malakani oshirish, tinchlik va adolatni rivojlantirish sohasidagi nomzodlar ishtirok etishlari mumkin;
• Biznes va innovatsiyalar nominatsiyasi. Ushbu nominatsiyada tadbirkorlik, biznes, texnologiya va moliya sohasida faoliyat yuritayotgan nomzodlar ishtirok etishlari mumkin.

Muhim sanalar:

• 2023-yil 1-sentyabr - Onlayn ariza topshirish barcha davlat fuqarolari uchun ochiladi;
• 2023-yil 22-oktyabr (O'zbekiston vaqti bilan 23-oktabr tongda) - Onlayn ariza topshirish yopiladi;
• 2023-yil noyabr va dekabr - Ishtirokchilar saralanadi;
• 2023-yil dekabrdan 2024-yil martgacha - grantning hududiy gʻoliblari eʼlon qilinadi;
• 2023-yil dekabrdan 2024-yil martgacha - grantning hududiy gʻoliblari taqdirlanadi;
• 2024-yil martdan avgustgacha - grantning global bosqichi boʻlib oʻtadi. Yaʼni Global Awards finalistlari ijtimoiy tarmoqlar orqali eʼlon qilinadi;
• 2024-yil sentyabr - Global Alumni Awards gʻoliblari eʼlon qilinadi.

Ariza shaklini muvaffaqiyatli toʻldirish boʻyicha koʻrsatmalarni ushbu havola orqali topish mumkin.

Alumni Awards dasturining hakamlar hayʼati roʻyxati bilan ushbu havola orqali tanishish mumkin.

Dasturga ariza topshirish jarayonida haqida ushbu havola orqali toʻliq maʼlumot olish mumkin.

Dastur boʻyicha qoʻshimcha savollar tugʻilgan taqdirda ushbu havola orqali javob olish mumkin.

Alumni Awards dasturi gʻoliblari hamda finalistlari haqida ushbu havola orqali maʼlumot olish mumkin.

Alumni Awards dasturining nishonlanish jarayoni haqida ushbu havola orqali maʼlumot olish mumkin.

Dastur haqida qoʻshimcha maʼlumotlarni quyidagi ijtimoiy tarmoqlar orqali ham topish mumkin:

-Instagram;

-Facebook;

-Twitter;

-LinkedIn;

-Youtube;

-Spotify;

-TikTok;

-Weibo.