Buyuk Britaniyada dunyoning Top 100 talik universitetlar qatoriga kiruvchi Bristol Universitetida bakalavr va magistratura bosqichida o'qish uchun “Think Big” stipendiya dasturi

Bristol Buyuk Britaniyadagi eng mashhur universitetlardan biri boʻlib, QS World University Rankings 2023 da dunyoda 62-oʻrinni egallagan. Tajribali professorlar koʻpligi va yangi tadqiqotlar yaratish boʻyicha yetakchi universitetlardan biri hisoblanadi.

Universitet tomonidan bakalavr va magistratura yoʻnalishlarini kunduzgi bosqichida oʻqishni istaydigan talablar uchun kontrakt toʻlovi qisman moliyalashtiriladi. Unga koʻra bakalavr bosqichi talabalari uchun yiliga 6,500 yevrodan 13,000 yevrogacha moliyaviy yordam beriladi. Magistratura talablari uchun esa, 6,500 yevrodan 26,000 yevrogacha kontrakt toʻlovi uchun yordam beriladi.

Bu yerda Bristol universitetining rasmiy sayti va oʻziga xos muvaffaqiyatlari bilan batafsil tanishib chiqish mumkin.

Umumiy talablar:

• Millati va davlatidan qatʼiy nazar barcha davlat fuqarolari ariza yuborishlari mumkin;
• Bakalavr va magistratura uchun kunduzgi taʼlim turini tanlangandagina stipendiya beriladi;
• Qabul qilingan nomzodlar 2024-yil sentyabr oyidan boshlab Bristolda oʻqishini boshlay olishi kerak.

Bakalavr bosqichi uchun talablar:

• Nomzod Bristol universiteti bakalavr dasturlaridan biriga qabul qilingan bo'lishi kerak
• Millati va davlatidan qatʼiy nazar barcha davlat fuqarolari ariza yuborishlari mumkin;
• Veterinariya, stomatologiya va tibbiyotdan tashqari barcha sohalarga kunduzgi taʼlim dasturi uchun arizalar qabul qilinadi.

Bakalavr bosqichi talablari bilan bu yerda batafsil tanishib chiqish mumkin.

Magistratura bosqichi uchun talablar:

• Nomzod Bristol universiteti magistratura dasturlaridan biriga qabul qilingan bo'lishi kerak
• Millati va davlatidan qatʼiy nazar barcha davlat fuqarolari ariza yuborishlari mumkin;
• Qabul qilingan nomzodlar 2024-yil sentyabr oyidan boshlab oʻqishlarini Bristolda davom ettira olishlari kerak.

Magistratura bosqichi talablari bilan bu yerda batafsil tanishib chiqish mumkin.

• Bakalavr bosqichi kontrakt pulini toʻlash uchun har yili £6,500 dan £13,000 gacha mablagʻ ajratiladi;
• Magistratura bosqichi kontrakt toʻlovini toʻlash uchun har yili £6,500, £13,000 va £26,000 miqdorida mablagʻ ajratiladi.

Stipendiya imkoniyatlari haqida quyida batafsil bilib olish mumkin:

• Bakalavr uchun bu yerda;
• Magistratura uchun bu yerda.

Stipendiyaga hujjat topshirishdan avval universitetning bakalavr yoki magistratura dasturlaridan biriga hujjat topshirish kerak bo'ladi!

• Bakalavrga qanday hujjat topshirish haqida ushbu havoladan
• Magistraturaga qanday hujjat topshirish haqida esa ushbu havoladan to'liq ma'lumot olishingiz mumkin
  (Talablar tanlangan dasturdan kelib chiqib farq qilishi mumkin)

Stipendiyaga hujjat topshirish bo'yicha ma'lumotlar esa quyida berilgan

Soʻraladigan umumiy hujjatlar:

• Fuqarolik pasport yoki ID karta;
• Tanlangan yoʻnalish haqida maʼlumot kiritish so‘raladi (stipendiya olish uchun oldindan kurs nomini va yoʻnalishni tanlash kerak boʻladi);
• Nomzodning ismi;
• Nomzodning doimiy yashaydigan davlati;
• Eng soʻngi taʼlim muassasasi haqida maʼlumot;
• Moliyaviy yordam olish uchun toʻldirgan ariza namunalari haqida batafsil keltirishi kerak.

Arizalarni yuborish davomida har bir bosqich uchun: bakalavr, magistratura uchun 3 ta savol beriladi va savollarga 200 soʻzdan oshmagan holatda javob berish soʻraladi.

Bakalavr bosqichiga topshirayotgan talabalar uchun savollar:

1. Oʻqishdan tashqari faoliyatlari haqida batafsil yozishlari soʻraladi: yutuqlar, sertifikatlar va hokazo.
2. Bristol universitetiga qabul qilinganlaridan soʻng, talabalar hamjamiyatiga qanday hissa qoʻshmoqchiligi haqida yozishlari kerak. Bu yerda kelajak rejalari va tanlangan kursga qanday hissa qoʻshishi haqida yozilishi soʻraladi.
3. Kelajakdagi maqsadlari va aynan tanlangan yoʻnalish va kurs orqali ularni qanday amalga oshirish haqida yozishlari kerak. Aynan nega Bristol universitetini tanlaganligi haqida ham yozish soʻraladi.

Magistratura bosqichi uchun savollar:

1. Stipendiya dasturiga aynan shu nomzodni tanlash uchun sabablar keltirilishi kerak: akademik yutuqlar va shaxsiy xislatlar keltirilishi mumkin.
2. Jamiyatga qoʻshgan eng oxirgi hissalari haqida yozishlari kerak. Bu yerda universitetdagi, jamiyatdagi har qanday hissa haqida yozish mumkin.
3. Bristol universitetida oʻqish nomzodga kelajak karyerasida qanday yordam berishi haqida aniq va faktlari bilan yozilishi soʻraladi.

Hujjat topshirish uchun dastlab ariza shakli toʻldiriladi. Unda shaxsiy maʼlumotlar va savollarga javob beriladi.

Ariza topshirish boʻyicha batafsil qoʻllanma bilan bu yerda tanishish mumkin.

Eslatma: bakalavr dasturiga ariza topshirishning oxirgi muddati 31-yanvar, 2024-yil. Magistratura dasturiga topshirishning oxirgi muddati yo’nalishga qarab farq qiladi. Iloji boricha tezroq topshirish tavsiya etiladi!

Magistratura dasturi uchun grantga hujjat topshirish sanasi bakalavriatnikidan farq qiladi. 

Magistratura granti uchun oxirgi muddat: 2024-yil 29-aprel.

Bakalavr uchun grant dasturiga topshirishning oxirgi muddati 2024-yil 26-fevral.

Qoʻshimcha maʼlumotlar uchun:

• Manzil: University of Bristol,
  Beacon House,
  Queens Road,
  Bristol, BS8 1QU, UK.
  Tel: +44 (0) 117 928 9000
• Ushbu havola orqali bogʻlanish mumkin;
• Bakalavr bosqichi haqida batafsil bu yerdan bilib olish mumkin;
• Magistratura bosqichi haqida bu yerdan bilish mumkin.