Buyuk Britaniyada xarajatlari qoplanadigan 8 haftalik tadqiqot dasturi — ERA Fellowship Winter 2026

Buyuk Britaniyaning Kembrij shahrida xarajatlari toʻliq qoplanadigan 8 haftalik tadqiqot dasturi — ERA Fellowship Winter 2026 taqdim etiladi.

2026-yilgi mavsum uchun uchta yoʻnalish boʻyicha taxminan 30-35 nafar nomzod saralab olinishi rejalashtirilgan.

Dastur davomida ishtirokchilar sunʼiy intellekt tizimlari keltirib chiqaradigan xavflarni kamaytirish uchun texnik va/yoki boshqaruv choralari boʻyicha tadqiqot loyihasini ishlab chiqadilar. Bundan tashqari, qatnashchilar ilgʻor AI kelajagini shakllantiruvchi kuchli tadqiqotchi, tadbirkor va siyosatchilarga aylanish uchun kengroq tarmoqqa kirish imkoniyatiga ega boʻladilar.

Quyidagi tadqiqot loyihalari qabul qilinadi:

1. Technical AI Governance;
2. AI Governance;
3. Technical AI Safety.

Dastur 2026-yil 2-fevraldan 27-martgacha oʻtkazilishi rejalashtirilgan.

Dastur haqida batafsil ushbu havola orqali maʼlumot olish mumkin.

• 18 yosh va undan katta barcha qatnashishi mumkin;
• Dastur sunʼiy intellekt tizimlaridan kelib chiqadigan xavflarni tushunish va kamaytirish ustida ishlayotgan tadqiqotchi va tadbirkorlar uchun moʻljallangan;
• Nomzodning quyidagi mezonlarga javob berishi inobatga olinadi (lekin majburiy emas):
  • Oʻz tadqiqotlarini AI xavfsizligi bilan uygʻunlashtirishni istagan doktorantlar;
  • AI boshqaruvi/xavfsizligiga oʻtishni istagan yaqin sohalardagi (texnik yoki siyosat) faoliyat olib borayotgan mutaxassislar;
  • Texnik va/yoki boshqaruv tadqiqotlari boʻyicha tajribalarini chuqurlashtirishni istagan yosh tadqiqotchilar;
  • AI xavflarini tushunishni yaxshilashni istaganlar.

• Ishtirokchilarga stipendiya beriladi (yiliga 34,125 funt sterlingga teng maosh beriladi, bu esa stipendiya muddatiga mutanosib ravishda hisoblanadi);
• Bepul turar joy bilan taʼminlanadi;
• Ovqatlanish, viza yordami va sayohat xarajatlarini qoplanadi;
• Soha mutaxassislar bilan yaqindan hamkorlik qilish;
• Tadqiqotlarni NeurIPS kabi eng yaxshi jurnal va konferensiyalarda nashr etish imkoniyati;
• Ijtimoiy va boshqa tadbirlar oʻtkaziladi;
• Sunʼiy intellekt xavfsizligi yoki siyosat sohasi uchun zarur koʻnikmalar, tajriba va tarmoqlarni rivojlantirishda yordam beriladi;
• Kerak boʻlganda moliyaviy yordam ham koʻrsatiladi.

Dasturda qatnashishni istaganlar ushbu havola orqali ariza topshirishlari mumkin.

Ariza berishda quyidagilar soʻraladi:

• Shaxsiy maʼlumotlar;
• Nomzodning tajribasi;
• Motivatsion xat;
• Tadqiqot sohasi;
• 2 ta tavsiyanoma;
• Qoʻshimcha maʼlumotlar.

Hujjat topshirish quyidagi bosqichlardan iborat:

1. Yozma ariza berish. Ariza berish jarayonining bu bosqichi asosan qisqa insho savollaridan iborat va taxminan 2 soatga moʻljallangan.
2. 1-bosqichdagi suhbat. Bu bosqichga saralanganlar taklif etiladi (jami ariza topshirganlarning taxminan 20%i);
3. 2-bosqichdagi suhbat. Ushbu suhbat 15 daqiqa davom etadi va nomzodlardan tavsiyanoma taqdim etishlari soʻraladi;
4. Yakuniy saralashdan oʻtganlarga maxsus taklif yuboriladi. Qabul qilingan ishtirokchilar noyabr oyining oʻrtalariga qadar xabardor qilinadi.

Eslatma: Barcha yozma javoblar butunlay nomzodning shaxsiy tajribasi, tushunchalari va mulohazalarini aks ettirishi kerak. Boshqa shaxslar bilan maslahatlashish, matn yaratish yoki takomillashtirish uchun AI vositalaridan foydalanish kabi har qanday tashqi yordam qatʼiyan taqiqlanadi!

• Dasturga hujjat topshirish uchun oxirgi muddat: 3-noyabr, 2025-yil;
• Takroran soʻraladigan savollarga javob bu yerda;
• Email: hello@erafellowship.org.

Quyidagi ijtimoiy tarmoqlar orqali qoʻshimcha maʼlumot olish mumkin:

• Twitter;
• Linkedin.