Buyuk Britaniyaning Edinburg universitetidan magistratura bosqichini deyarli barcha yoʻnalishda onlayn oʻqish uchun toʻliq grant

Edinburgh Global Online Learning Masters Scholarships - Edinburg universiteti (The University of Edinburg) tomonidan 2024-2025 oʻquv yilida magistratura bosqichini oʻqish uchun toʻliq grant dasturi hisoblanadi. 

Edinburg universiteti (The University of Edinburg) Buyuk Britaniyaning Shotlandiya davlatida Edinburg shahrida joylashgan. QS World University Rankingsga koʻra, 2024-yilda dunyo universitetlari orasida 22-oʻrinni olgan.

Oʻqish onlayn va sirtqi taʼlim (part-time) shaklda olib boriladi.  Ushbu grantlar kontrakt pulini toʻliq qoplashga qaratilgan. 

Grantlar quyidagi yoʻnalishdagi kurslarni oʻqish uchun ajratiladi:

• Tibbiyot;
• IT;
• Ekologiya;
• Tarix;
• Informatika/texnologiya;
• Huquq;
• Menejment va dizayn.

Grant ajratishda nomzodning akademik yutuqlari va shaxsiy bayonnomasiga (Personal statement) eʼtibor beriladi. Shuningdek, oldin magistratura oʻqimagan nomzodlarga ustuvorlik beriladi. 

Dasturga ariza topshirishning soʻnggi muddati — 2024-yil 4-iyun, soat 03:59.

Grant dasturi haqida batafsil ushbu havola orqali maʼlumot olish mumkin.  

• Grant 2024-2025-oʻquv yilida Edinburg universitetida magistraturani onlayn taʼlim shaklda boshlay oladigan talabalar uchun ajratiladi;
• Ushbu roʻyxatda mavjud davlat fuqarosi boʻlish kerak; Oʻzbekiston fuqarolari topshira oladi!
• Edinburg universitetida oʻqish uchun taklif xati (Acceptance letter) olgan yoki oʻqiyotgan boʻlish lozim.

Muvofiqlik talablari (Eligibility requirements) haqida batafsil  ushbu havola orqali maʼlumot olish mumkin.

• Oʻqish uchun kontrakt puli toʻliq qoplanadi.

• Grant dasturida qatnashish uchun maxsus ariza shaklini toʻldirish kerak; 
• Ushbu havola orqali maxsus ariza shaklini toʻldirish mumkin; Ariza shakli joylashgan saytga kirish uchun Edinburg universitetida oʻqishini yoki qabul qilinganligini tasdiqlovchi login va parolni (UUN and EASE password) kiritish kerak;

Nomzodlar ariza shaklida quyidagilarni toʻldirishi kerak:

• Qaysi magistrlik kursiga qabul qilinganligi/oʻqiyotganligi;
• Qaysi grant dasturini tanlaganligi;
• Grant dasturi muvofiqlik talablariga (Eligibility requirements) toʻgʻri kelishi haqidagi savollarga javob berish kerak;
• Shaxsiy bayonnoma (Personal statement).

Shaxsiy bayonnoma (Personal statement) quyidagi maʼlumotlarni oʻz ichiga olishi kerak:

• Nima uchun ushbu grant dasturini tanlaganligi va grantning oʻziga xos jihatlari;
• Dasturni muvaffaqiyatli yakunlash nomzodning karyerasi va shaxsiy rivojlanishiga qanday foyda keltirishi;
• Edinburg universiteti magistrlik kurslarida oʻqish nomzodning  mamlakat/mintaqasiga qanday hissa qoʻshishi haqida;

Grant dasturiga ariza topshirish haqida batafsil ushbu havola orqali maʼlumot olish mumkin.

Edinburgh Global Online Learning Masters Scholarships dasturi haqida eng koʻp berilgan savollarga javoblarni (FAQs) ushbu havola orqali oʻqish mumkin.

Barcha ariza topshirganlar 2024-yil iyul oyi oʻrtalarida natijalar haqida xabardor qilinadi.

Dastur bilan bogʻliq qoʻshimcha savol va takliflarni quyidagi telefon raqam va elektron manzilga yuborish mumkin:

+44(0)131 651 4070;

scholarships@ed.ac.uk