Buyuk Britaniyaning Edinburg universitetidan magistratura bosqichini nevrologiya yoʻnalishida onlayn oʻqish uchun toʻliq grant
-
01/05/2023 Qabul boshlanishi
-
Bepul ta'lim Moliyalash turi
-
Buyuk Britaniya Davlat
-
21.08.2023 Oxirgi muddat
Umumiy maʻlumotlar
Buyuk Britaniyaning Edinburg universiteti The Anne Rowling Clinic Regenerative Neurology grantini eʼlon qiladi. Edinburg universiteti (The University of Edinburg) Buyuk Britaniyaning Shotlandiya davlatida Edinburg shahrida joylashgan. QS World University Rankingsga koʻra, 2024-yilda dunyo universitetlari orasida 22-oʻrinni olgan.
Anne Rowling klinikasi 2024-2025-oʻquv yilida magistratura bosqichini “Stem Cells and Translational Neurology (Ildiz hujayra va nevropatologiya)” sohasida oʻqimoqchi boʻlganlar uchun 3 kishilik grant eʼlon qiladi. Dastur boʻyicha bir ishtirokchining 60 kredit, ikki ishtirokchining esa 30 kredit kontrakt puli toʻlab beriladi. Darslar onlayn tarzda olib boriladi. Dasturda Oʻzbekiston fuqarolari ham ishtirok etishlari mumkin. Edinburg universitetida oʻqish uchun taklif xati (Acceptance letter) olgan yoki oʻqiyotgan boʻlish lozim. Undan soʻng, ular grantga nomzod sifatida koʻrib chiqiladi. Grant ajratishda nomzodning akademik yutuqlari va shaxsiy bayonnomasiga (Personal statement) eʼtibor beriladi.
Dasturga roʻyxatdan oʻtish jarayoni 2024-yil 21-avgustgacha davom etadi. Grant gʻoliblari 2 hafta oraligʻida, yaʼni 2024-yil 4-sentyabrgacha eʼlon qilinadi.
Dastur haqida ushbu havola orqali batafsil maʼlumot olish mumkin.
Maqbullik shartlari
Dasturda ishtirok etish uchun quyidagi talablar mavjud:
- Dasturda belgilangan davlat fuqarolari, shu jumladan, Oʻzbekiston fuqarolari ham ishtirok etishlari mumkin;
- Grant 2024-2025-oʻquv yilida Edinburg universitetida magistraturani onlayn taʼlim shaklda boshlay oladigan talabalar uchun ajratiladi;
- Grant ajratishda nomzodning akademik yutuqlari va shaxsiy bayonnomasiga (Personal statement) eʼtibor beriladi. Shuningdek, oldin ushbu grantda oʻqimagan nomzodlarga ustuvorlik beriladi;
- Edinburg universitetida oʻqish uchun taklif xati (Acceptance letter) olgan yoki oʻqiyotgan boʻlish lozim.
Dastur talablari haqida ushbu havola orqali batafsil maʼlumot olish mumkin.
Foydali tomonlari
Dasturning quyidagi foydali tomonlari mavjud:
- Dastur boʻyicha bir ishtirokchining 60 kredit kontrakt puli toʻlab beradi;
- Dastur boʻyicha ikki ishtirokchining 30 kredit kontrakt puli qoplab beriladi;
- Ishtirokchilar tibbiyot sohasida oʻz tajribalarini oshirish hamda bepul taʼlim olish imkoniyatini qoʻlga kiritishadi.
Dasturning foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Grant maʼmuriyati dasturda qatnashish uchun yuzaga keladigan bir qator muammolarni bartaraf etishda yordam beradi. Bu jarayon haqida ushbu havola orqali batafsil maʼlumot olish mumkin.
Dasturga ariza topshira oladigan davlatlar roʻyxati bilan ushbu havola orqali batafsil tanishish mumkin.
Dastur boʻyicha qoʻshimcha maʼlumotlarni ushbu havola orqali topish mumkin.
Grant maʼmuriyati hamda moliyaviy qoʻllab quvvatlash markazi bilan quyidagicha bogʻlanish mumkin:
Tel: +44(0)1316514070 ( ish vaqti dushanba-juma soat 10:00-15:00);
Toʻlovlar va talabalarni qoʻllab-quvvatlash markazi bilan quyidagicha bogʻlanish mumkin:
Tel: +44(0)1316502230 ( ish vaqti dushanba-juma soat 10:00-16:00);