Buyuk Britaniyaning Kembrij universitetida to‘liq va qisman moliyalashtiriladigan xalqaro dastur - Global Leadership & Business Certification Cambridge 2025

Buyuk Britaniya, Kembrij universiteti Clare College tomonidan Global Leadership & Business Certification Cambridge 2025 dasturi tashkillashtirilgan bo‘lib, ushbu dastur 2025-yilning 26-30-avgust kunlari bo‘lib o‘tadi. Unda tadbirkorlik sohasiga qiziquvchi 16 yoshdan yuqori bo‘lgan talabalar, mutaxassislar va xodimlar ishtirok etishlari mumkin. Nomzodlardan til sertifikati talab qilinmaydi. Dastur doirasida 20 ishtirokchiga to‘liq, 50 ishtirokchiga qisman grantlar, shuningdek, 80 ishtirokchiga moliyalashtirilmaydigan o‘rinlar taqdim etiladi. Dastur quyidagi mavzular doirasida bo‘lib o‘tadi:

• Scaling New Heights: Reflect, Evaluate, and Move Forward;
• The Struggle with Transformation: Research Findings and Real-World Experiences;
• Global Strategic Leadership and Decision-Making;
• Cross-Cultural Leadership and Communication;
• Innovation, Digital Transformation, and Global Business Operations.

Dasturga arizalarni qabul qilish jarayoni 2025-yil 22-aprelga qadar davom etadi. 

Dastur haqida ushbu havola orqali to‘liq ma’lumot olish mumkin. 

• Nomzodlar 16 yoshdan oshgan bo‘lishlari lozim;
• Dastur yosh va shijoatli tadbirkorlar uchun juda mos keladi;
• Yetakchilik va biznes menejmentiga qiziquvchi talabalar, mutaxassislar va tadbirkorlar ariza topshirishlari mumkin;
• Ijtimoiy rivojlanish sohalari va korxonalarida faoliyat yuritayotgan shaxslar ham qatnashishlari mumkin;
• Dasturga ariza topshirish uchun IELTS yoki TOEFL sertifikatlari talab qilinmaydi.

Dastur talablari haqida ushbu havola orqali batafsil ma’lumot olish mumkin. 

Dastur doirasida 20 ishtirokchiga to‘liq, 50 ishtirokchiga qisman grantlar, shuningdek, 80 ishtirokchiga moliyalashtirilmaydigan o‘rinlar taqdim etiladi va ular quyidagilarni o‘z ichiga oladi: 

To‘liq grantlar: 

• Yo‘l xarajatlari;
• Turar-joy;
• Oziq-ovqat;
• Konferensiya materiallari;
• Sertifikat.

Qisman grantlar: 

• Turar-joy;
• Oziq-ovqat;
• Konferensiya materiallari;
• Sertifikat (sertifikat xarajatlari nomzodlar tomonidan qoplanadi). 

Eslatma! Moliyalashtirilmaydigan o‘rinlarga ham yuqoridagi barcha imkoniyatlar yaratiladi, faqat barcha xarajatlar nomzodlarning o‘zi tomonidan to‘lanadi. Ushbu nomzodlar uchun qatnashish xarajatlari turar-joysiz £599, turar-joy bilan esa £1199 ni tashkil etadi.  

• Dasturga arizalarni qabul qilish jarayoni 2025-yil 22-aprelga qadar davom etadi;
• Ariza topshirishdan avval ushbu havola orqali dastur ma’lumotlari va talablari bilan batafsil tanishib chiqish, undan so‘ng esa ushbu havola orqali ariza topshirish tavsiya etiladi;
• Dasturga ariza topshirish uchun bir martalik badal puli mavjud va u  £30 ($38,7)ni tashkil etadi. 

Muhim sanalar: 

• Ariza topshirish oxirgi sanasi: 2025-yil 22-aprel;
• Natijalar e’loni: 2025-yil 5-may;
• Ishtirokni tasdiqlashning oxirgi sanasi: 2025-yil 15-may;
• Dastur bo‘lib o‘tishi: 2025-yil 26-30-avgust. 

Ma’lumot uchun: 

• Email: info@globalbusinesssymposium.com;
• Whatsapp: +1 (929) 5831675;
• Tel: +1 (929) 583-1675;
• Facebook;
• Instagram;
• LinkedIn.