Buyuk Britaniyaning Oksford universitetida bakalavr bosqichini toʻliq moliyalashtirilgan holda oʻqish imkoniyatini beruvchi Reach Oxford Scholarship dasturi

Buyuk Britaniyaning eng nufuzli Oksford universitetida bakalavriat bosqichini toʻliq moliyalashtirilgan holda oʻqish imkoniyatini beruvchi Reach Oxford Scholarship dasturi taqdim etiladi. Grant taxminan 2-3 nafar nomzodga berilishi rejalashtirilgan.

Dastur siyosiy yoki moliyaviy sabablarga koʻra yoki tegishli taʼlim muassasalari mavjud boʻlmaganligi sababli oʻz mamlakatlarida ilmiy daraja olish uchun oʻqiy olmaydigan kam daromadli mamlakatlardan kelgan talabalarni ragʻbatlantirishga qaratilgan.

Grant yoʻnalishga qarab 3 yildan 4 yilgacha davom etadi. Shuning uchun ishtirokchilar oʻrtasida saralash kuchli raqobat orqali oʻtkaziladi.

Dastur haqida batafsil ushbu havola orqali tanishib chiqish mumkin.

• Iqtisodiy Hamkorlik va Taraqqiyot Tashkilotining (OECD) Rivojlanishga Yordam Qoʻmitasidan (DAC) rasmiy rivojlanish yordami oladigan mamlakatlar fuqarolari qatnashishi mumkin (Oʻzbekiston roʻyxatda bor);
• Talabgor Oksford universiteti tomonidan oʻqish uchun taklif olishi va yuqori akademik koʻrsatkichlarga ega boʻlishi lozim;
• Oʻqish tugagandan soʻng oʻz mamlakatiga qaytish shart;
• Talabalar dastur davomida oʻzlarining akademik va ijtimoiy faoliyati hamda universitetdagi yutuqlari haqida yillik hisobot topshirishi kutiladi. Sababi keyingi yillarda grantni olish erishilgan ilmiy yutuqlarga bogʻliq.

Muhim: Ilgari bakalavr bosqichida oʻqimagan nomzodlarga ustunlik beriladi. Asosan ushbu dastur siyosiy yoki moliyaviy sabablarga koʻra yoki tegishli taʼlim muassasalari mavjud boʻlmaganligi sababli oʻz mamlakatlarida ilmiy daraja olish uchun oʻqiy olmaydigan kam daromadli mamlakatlardan kelgan talabalarga taklif etiladi.

Dasturda taqdim etiladigan yoʻnalishlar bilan ushbu havola orqali tanishib chiqish mumkin (tibbiyot yoʻnalishi bundan mustasno).

• Oʻqish toʻlovi toʻliq moliyalashtiriladi;
• Yashash xarajatlari uchun grant beriladi;
• Yiliga bir marta vataniga qaytish uchun aviachipta bilan taʼminlanadi.

Eslatma: Hamma universitetlar ham har yili Reach Oxford Scholarship dadturini taklif qila olmaydi. Agar ishtirokchi sxemada ishtirok etmayotgan universitet tomonidan qabul qilingan boʻlsa, bu uning ariza topshirishiga va grant yutishiga toʻsqinlik qilmaydi. Agar Oksford universiteti nomzodning arizasini muvaffaqiyatli deb topsa, nomzodni universitetlar oʻrtasida transfer qilish boʻyicha kelishuvlar amalga oshiriladi.

Dasturga hujjat topshirishdan oldin nomzod UCAS tizimi orqali Oksford universitetining bakalavriat bosqichi uchun 2025-yil 15-oktyabr soat 04:00 dan kechikmasdan ariza topshirishi va kursga qabul qilinishi kerak.

Agar ishtirokchining arizasi muvaffaqiyatli deb topilsa, u 2026-yil 14-yanvardan 4-fevralga qadar dastur uchun onlayn ariza topshiradi.

Eslatma: Nomzod Oxfordʼs Astrophoria Foundation Year Programme dasturida qatnashgandan soʻng, bakalavriat kursini qoʻllab-quvvatlash maqsadida ushbu grant dasturiga ariza topshirishi mumkin. Bunda 2026-yilning oktyabr oyida grant olish uchun 2026-yil yanvar oyida ariza topshirishi kerak.

Muhim: Dastur uchun arizalar faqat bir marta koʻrib chiqiladi!

• Dasturga hujjat topshirish uchun oxirgi muddat: 15-oktyabr, 2025-yil (04:00);
• Saralash 2026-yil mart oyigacha davom etadi va natijalar 2026-yil may oyida eʼlon qilinadi.

Quyidagi ijtimoiy tarmoqlar orqali maʼlumot olish mumkin:

• YouTube;
• Twitter;
• Facebook;
• TikTok;
• Linkedin;
• Instagram.