Buyuk Britaniyaning Queen Mary University of London oliygohida huquq sohasida doktoranturani о'qish imkoniyati — Intellectual Property PhD — Herchel Smith Scholarships

Buyuk Britaniyaning nufuzli Queen Mary University of London oliygohi tomonidan Intellectual Property (IP) — Intellektual mulk sohasi boʻyicha doktorantura bosqichida taʼlim olishni istovchi barcha talabalar uchun Herchel Smith Scholarships dasturi tashkil etilgan. Dasturda huquq sohasi boʻyicha yetarli bilim va salohiyatga ega boʻlgan barcha davlat fuqarolari ishtirok etishi mumkin.

Dastur 2024-yil sentyabr oyidan boshlanadi va 3 yil davom etadi. Dastur davomida talabalar oʻqish bilan birga tadqiqot qilishlari ham kerak. Tadqiqot mavzulari bilan ushbu havola orqali batafsil tanishish mumkin.

Ishtirokchilar oʻqish kontrakt toʻlovlarini toʻliq moliyalashtiriladi. Bunda talabalar akademik yuqori koʻrsatkichlarini saqlab qolishlari kerak. Shu bilan birga, dastur qatnashchilari yillik stipendiya bilan ham taʼminlanadilar.

Dasturda ishtirok etish uchun nomzodlar quyidagi talablarga javob berishi lozim:

• Dasturda intellektual mulk huquqi boʻyicha 2024-yil sentyabr oʻquv yilidan taʼlim olishni boshlovchi doktorantura talabalari ishtirok etishi mumkin;
• Nomzod huquq sohasi boʻyicha magistrlik darajasiga ega boʻlishi va Intellectual Property kurslariga kirish talablariga toʻliq javob berishi lozim;
• Yuqori akademik koʻrsatkichga ega boʻlishi kerak;
• Ingliz tilini mukammal bilishi lozim. IELTS kamida 7.5 (yoki ekvivalent daraja) talab etiladi;
• Berilgan tadqiqot mavzularidan biri boʻyicha ilmiy izlanish olib borishi shart.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan ishtirokchilar quyidagi imtiyozlarga ega boʻladi:

• Oʻqish kontrakt toʻlovidan ozod qilinadi;
• Yillik £20,500 ($26,152) stipendiya bilan taʼminlanadi.

Dastur manfaatli jihatlari haqida batafsil ushbu havola orqali maʼlumot olish mumkin.

Dasturda ishtirok etish uchun nomzodlar onlayn roʻyxatdan oʻtishlari kerak. Shundan soʻng kerakli hujjatlar taqdim etiladi.

Kerakli hujjatlar:

• CV;
• Bitirgan oliygohi diplomlari va baholari;
• Til bilishini tasdiqlovchi sertifikat. Kamida IELTS 7.5 (Writing — Yozish boʻlimi ham kamida 7.5 boʻlishi kerak) daraja talab etiladi. Til bilish darajasi boʻyicha qoʻshimcha savollar uchun: pgtadmissions@qmul.ac.uk;
• 2 ta tavsiyanoma;
• Tadqiqot rejasi. Bu haqida batafsil ushbu havola orqali maʼlumot olish mumkin;
• 1 sahifadan iborat motivatsion xat.

Dasturga ariza topshirish haqida batafsil ushbu havola orqali maʼlumot olish mumkin.

Ariza topshirish jarayonidan soʻng saralangan nomzodlar intervyu bosqichiga taklif etiladi. Intervyu bosqichidan oʻtgan nomzodlar dasturga qabul qilinadi.

Tadqiqot rahbarlari haqida ushbu havola orqali olish mumkin.

Dastur haqida batafsil rasmiy havola orqali maʼlumot olish mumkin

Qoʻshimcha murojaatlar uchun:
Email: g.skehan@qmul.ac.uk;
Tel: +44 (0)20 7882 8214;
Fax: +44 (0)20 7882 8101