Buyuk Britaniyaning Warwick universitetida PhD darajasida bepul tahsil olish imkoni - Chancellorʼs International Scholarship grant dasturi

Chancellorʼs International Scholarship — Buyuk Britaniyaning Warwick universitetida PhD dasturlarida oʻqiydigan xalqaro va Yevropa Ittifoqi (YI) talabalari uchun taklif etiladigan grant dasturidir.

Grant universitet PhD dasturlarida oʻqish uchun toʻliq hujjat topshirgan talabalar orasidan eng iqtidorli va yuqori salohiyatga ega nomzodlarga taqdim etiladi.

Shuningdek, grant 2025-yil oktyabrdan boshlanadigan istalgan PhD dasturlari uchun amal qiladi va talaba PhD dasturini tamomlagunga qadar grant taqdim etiladi, yaʼni 4 yil.

Grant dasturi talablari va hujjat topshirish jarayoni bilan batafsil ushbu havola orqali bilan tanishib chiqish mumkin

• Istalgan davlat fuqarolari grant uchun nomzod boʻlishi mumkin;
• Nomzod Warwick universiteti PhD dasturlaridan biriga toʻliq hujjat topshirib boʻlgan boʻlishi kerak ( qabul qilingan boʻlishi shart emas).

2024-2025-oʻquv yili uchun quyidagicha grant ajratiladi:

• Talaba oʻqish toʻlovidan toʻliq ozod etiladi;
• UK Research and Innovation(UKRI) stavkalariga muvofiq stipendiya bilan taʼminlanadi — £19,327 (stipendiya miqdori 2025-yil fevralda tasdiqlanishi kutilmoqda);
• Research, Training and Supporting granti — £5,000;
• Sayohat/konferensiyalar uchun yiliga £1,000.

1. Nomzod Warwick universitetining 2022-yil oktyabrdan boshlanadigan PhD/MPhil dasturlaridan biriga hujjat topshirishi kerak ( oxirgi muddat 18.01.2021).
2. Toʻliq hujjatlar taqdim etilgandan soʻng, nomzodga elektron manzili orqali maxsus 7 raqamli ID raqam beriladi va u orqali Chancellorʼs International Scholarship granti uchun hujjat topshirish portaliga kirish imkoniga ega boʻladi.
3. Grant dasturiga onlayn ariza berishda nomzodning motivatsiyasi va salohiyatini bilish uchun toʻldirilishi majburiy boʻlgan 3ta boʻlim mavjud. Ulardan 2 tasiga javob berish uchun soʻz chegarasi 300 soʻzni tashkil etadi va 1 tasiga 500 soʻzdan oshmagan tadqiqot bayonini taqdim etish kerak.
4. Grant uchun kerakli hujjatlar (tavsiyanomalar, transkript va b) oxirgi muddatga qadar toʻliq taqdim etilishi kerak.

Muhim: Hujjat topshirishdan avval universitetning ariza beruvchilarni turli toifaga ajratuvchi mezonlari bilan tanishib chiqish kerak.

Universitet PhD dasturlari talablari, ariza va hujjat topshirish jarayoni boʻyicha batafsil ushbu havola orqali tanishib chiqish mumkin.

Grant dasturi talablari va hujjat topshirish jarayoni bilan batafsil ushbu havola orqali bilan tanishib chiqish mumkin

Grant uchun tanlov natijalari 2022-yil mart oyi oxirida eʼlon qilinadi.

Qoʻshimcha savol va murojaatlar uchun: doctoralcollege@warwick.ac.uk