C5+1 Yoshlar Kengashi tomonidan maktab oʻquvchilari va talabalar uchun Qirgʻizistonning Oʻsh shahrida boʻlib oʻtadigan, xarajatlari qoplanuvchi Cyber Security Championship tanlovi
-
20/11/2021 Qabul boshlanishi
-
Toʻliq Moliyalash turi
-
Qirgʻiziston Davlat
-
04/12/2021 22:59 Oxirgi muddat
Umumiy maʻlumotlar
Cyber Security Championship dasturi C5+1 Youth Council tomonidan tashkil etilgan bo'lib, shu yilning 11-12-dekabr kunlari Qirg'izistonning O'sh shahrida bo'lib o'tadi. Ushbu tadbirda Markaziy Osiyo, jumladan, O'zbekistonning maktab, kollej/akademik litsey o'quvchilari va oliy oʻquv yurt talabalari ishtirok etishi mumkin.
Dastur davomida ishtirokchilar nazariy seminar va amaliy mashgʻulotlar orqali kiberxavfsizlik tushunchalari va kiberjinoyatlardan himoyalanishning innovatsion usullaridan boxabar bo'lishadi. Qolaversa, qatnashchilar kiberxavfsizlik muammolarini hal qilish bo‘yicha o‘zlarining innovatsion g‘oyalarini taqdim etish va o‘z jamiyatida loyihalarini amalga oshirish uchun mikrograntlar yutib olish imkoniyatiga ega bo‘ladilar.
Shu bilan birga, barcha ishtirokchilarning safar xarajatlari qoplanadi va bepul turar joy va oziq-ovqat bilan ta'minlanadilar.
Maqbullik shartlari
Dasturda ishtirok etish uchun nomzodlar quyidagi talablarga javob berishi lozim:
- Dasturda maktabning yuqori sinf oʻquvchilari, kollej/akademik litsey va universitet talabalari ishtirok etishi mumkin;
- Nomzod ingliz tilini yaxshi bilishi va kiberxavfsizlik sohasiga katta qiziqish va bilimga ega boʻlishi lozim.
- Ishtirokchilar Qirgʻizistonga chiqishlari uchun biometrik (qizil) pasportga ega boʻlishlari shart.
Dastur talablari haqida batafsil ushbu havola orqali maʼlumot olish mumkin.
Foydali tomonlari
Dasturga qabul qilingan ishtirokchilar quyidagi imtiyozlarga ega boʻladi:
- Oʻzbekistonlik ishtirokchilarga Namangan yoki Toshkent shahridan Oʻsh shahriga borish-kelish xarajatlari qoplanadi (boshqa viloyatdagilar shu shaharlarga o'zlari kelishlari kerak);
- Hozirda Bishkekda istiqomat qiluvchi Markaziy Osiyo va Afgʻonistondan kelgan ishtirokchilar uchun Bishkekdan Oʻshga borish-kelish xarajatlari moliyalashtiriladi;
- Ikki kun davom etadigan ushbu tadbirda bepul ishtirok etadi va bepul turar joy va oziq-ovqat bilan taʼminlanadi;
- Ishtirokchilar tanlovda kiberxavfsizlikka doir innovatsion gʻoyalarini taqdim etishlari va loyihani amalga oshirish uchun mikrograntlarga ega boʻlishi mumkin.
Dasturning manfaatli tomonlari haqida batafsil ushbu havola orqali maʼlumot olish mumkin.
Qoʻshimcha maʻlumotlar
Dasturda Markaziy Osiyo va Afgʻonistondan jami 36 nafar qatnashchilar ishtirok etishi mumkin.
Qoʻshimcha savol va murojaatlar ushbu havola orqali berilishi mumkin.