Camp Rising Sun — dunyo boʻylab 15-16 yoshdagi bolalar uchun AQShning Nyu York shahrida xarajatlari to’liq qoplanadigan yozgi oromgoh

Camp Rising Sun — dunyo boʻylab barcha mamlakatlardan 15-16 yoshli bolalar uchun AQShning Nyu York shahridagi yozgi lager hisoblanadi.

Dastur toʻliq 4 hafta davom etadi.

Qatnashchilarga oʻzlari bilan olib kelishi kerak boʻlgan narsalar roʻyxati yuboriladi. Bundan tashqari, kiyim-kechak, choyshab, qoʻl soati, yoritgich hamda oila aʼzolariga yoki doʻstlariga xat yozish uchun konvert va shtamplar olib kelish tavsiya etiladi.

Nomzodlar aeroportdan olib ketiladi.

Dasturda qatnashish mutlaqo bepul boʻlib, ehtiyoj boʻlgan taqdirda nomzodlarning sayohat xarajatlari ham qoplanadi.

Dastur haqida batafsil ushbu havola orqali tanishish mumkin.

• Nomzod oromgoh boshlangunga qadar 15-16 yosh (2009-yil 28-avgust va 2011-yil 28-iyun oralig'ida tug'ilgan bo'lishi kerak) boʻlishi lozim;
• Ishtirokchilar toʻliq toʻrt haftalik dasturda shaxsan qatnashishlari kerak;
• Qatnashchilar ingliz tilida soʻzlay olish qobiliyatiga ega boʻlishi lozim;
• Nomzodlar ham aqlan ham jismonan sogʻlom boʻlishlari va dastur boshlangunga qadar COVID-19ga qarish emlanishlari hamda emlanish toʻgʻrisidagi dalolatnomaga ega boʻlishlari kerak.

Eslatma! Yuqori darajada yetuk 14 yoshdagilar uchun dasturda qatnashishga istisnolar bo'lishi mumkin. Buning uchun apply@lajf.org elektron pochta manziliga xat yuborish kerak.

Dastur maqbullik shartlari haqida batafsil ushbu havola orqali tanishish mumkin.

• Dasturda qatnashish mutlaqo bepul;
• Qatnashchilarning barcha xarajatlari toʻliq qoplanadi;
• Nyu Yorkga borish-kelish xarajatlari qoplanadi;
• Ishtirokchilarning ovqat boʻyicha talablari inobatga olinadi.

Dasturga ushbu havola orqali hujjat topshirish mumkin. 

Dasturga maxsus hujjat topshirish portali orqali quyidagi hujjatlar topshirilishi lozim:

• Toʻldirilgan ariza shakli;
• Tavsiyanoma. Ushbu hujjat nomzodning oila aʼzolari tomonidan berilishi mumkin emas. Tavsiyanoma dasturning soʻnggi muddatiga qadar topshirilishi kerak.

Dasturga ariza topshirishning soʻngi muddati: 2025-yil 15-dekabr.

Nomzodlar quyidagi vaqtlardan oʻzlari uchun qulay boʻlgan birini tanlashlari lozim:

• O’gil bolalar — 28-iyundan 25-iyulgacha;
• Qiz bolalar —31-iyuldan 27-avgustgacha

Dasturga qabul qilingan nomzodlar uchun intervyular yanvar/mart oylarida oʻtkaziladi.

Eng koʻp berilgan savollar roʻyxati bilan ushbu havola orqali tanishish mumkin.

Qoʻshimcha savol va murojaatlar uchun: apply@lajf.org yoki savollarni ushbu havola orqali qoldirish mumkin.