CEFR yoki Milliy sertifikat imtihonini bepul topshirish imkoniyatini beruvchi WikiAntiKorrupsiya tanlovi

Yevropa Ittifoqi, Korrupsiyaga qarshi kurashish agentligi hamda Yoshlar ishlari agentligi tomonidan yoshlarning huquqiy savodxonligini oshirish hamda xorijiy tillarni oʻrganishini qoʻllab-quvvatlash maqsadida “WikiAntiKorrupsiya” onlayn tanlovi boʻlib oʻtadi.

Dasturning asosiy maqsad va vazifalari:

• Korrupsiyaga qarshi kurashish mavzusiga mazmunli va foydali maqolalar orqali Oʻzbekcha Vikipediyani sifatli maʼlumotlar bilan toʻldirish;
• Internet jahon axborot tarmogʻida korrupsiyaga qarshi kurash, halollik, ochiqlik va qonun ustuvorligi tamoyillarini keng targʻib qilish hamda ushbu yoʻnalishda axborot resurslarini yaratish va ommalashtirish;
• Yoshlarni moddiy qoʻllab-quvvatlash, shu orqali ularning gʻoyalarini hayotga tatbiq etishga koʻmaklashish;
• Gʻolib ishtirokchilarni xorijiy tillarni bilish darajasini belgilovchi milliy hamda umumtaʼlim fanlari boʻyicha milliy sertifikat imtihonida mutlaqo bepul ishtirok etishlarini taʼminlash.

Tanlov yakunida eng yuqori natija koʻrsatgan 30 nafar gʻolibning (test natijalari boʻyicha 25 nafar, targʻibot tanlovi natijalari boʻyicha 5 nafar) Milliy sertifikat yoki CEFR imtihonida ishtirok etish xarajatlari qoplab beriladi.

Tanlov 2026-yilning 11-fevralidan 21-fevraligacha davom etadi.

Dastur haqida batafsil ushbu havola orqali maʼlumot olish mumkin.

• Tanlovda barcha Oʻzbekiston Respublikasi fuqarosi ishtirok etishi mumkin;
• Dasturning boshqa loyihalarida qatnashayotganlar ham “WikiAntiKorrupsiya” loyihasida ishtirok etishi mumkin;
• Telegram bot orqali belgilangan tartibda roʻyxatdan oʻtgan ishtirokchilar bot taqdim qiladigan maxsus havolani doʻstlariga ulashish orqali tanlov targʻiboti boʻyicha maxsus tanlovda qatnashish imkoniyati ham beriladi (har bir taklif qilgan doʻsti uchun 1 referal ball).

• Tanlovda bepul qatnashish mumkin;
• Gʻoliblar xorijiy tillarni bilish darajasini belgilovchi milliy yoki umumtaʼlim fanlari boʻyicha milliy sertifikat imtihonini topshirish uchun bir martalik bepul vaucherga ega boʻladi.

Dasturda ishtirok etishni istaganlar @WikiTanlov_bot orqali roʻyxatdan oʻtib Korrupsiyaga qarshi kurashish mavzusidagi 40 ta test savoliga javob berishi kerak.

Testlar oʻzbekcha Vikipediyada mavjud kitoblarga oid maqolalar yuzasidan tuziladi. Test uchun umumiy 60 daqiqa vaqt beriladi.

Tanlov davomida tashkilotchilar ishtirokchining shaxsini tasdiqlovchi hujjatini koʻrsatishini (onlayn yuborishini) talab qilishi hamda ular bilan videochat yoki telefon orqali qoʻshimcha savol-javob oʻtkazishi mumkin.

Testlar barcha ishtirokchilar uchun faqat 1 kun yaʼni 21-fevral kuni ochiladi.

Eslatma: Tanlov davomida ishtirokchining ikki yoki undan koʻp akkauntlardan ishtirok etayotganligi aniqlansa, tanlovdan chetlatiladi va natijasi bekor qilinadi.

• Tanlov 2026-yil 11-fevraldan 21-fevralgacha davom etadi;
• Natijalar 2026-yil 1-martgacha eʼlon qilinadi;
• Manzil: Oʻzbekiston Respublikasi Toshkent shahri, Shayxontohur tumani Alisher Navoiy koʻchasi, 11A-uy;
• Email: wikimarafon@gmail.com.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• Telegram;
• Instagram.