CERN Administrative Program: bakalavr va magistratura bosqichi talabalari uchun Shveysariyaning Jeneva shahrida barcha xarajatlari qoplanadigan amaliyot dasturi

Adminstrative Student Programme 2025-2 dasturi bakalavr va magistratura bosqichi talabalari uchun Shveysariyaning Jeneva shahrida barcha xarajatlari qoplanadigan amaliyot dasturini e’lon qiladi. Amaliyot 2 oydan 12 oygacha davom etadi. Dasturda tarjima, inson resurslari, ilg‘or kotiblik ishi, biznes boshqaruvi, logistika, huquq, moliya, buxgalteriya hisobi, kutubxona va axborot fanlari, muhandislik boshqaruvi, fan kommunikatsiyasi, ta’lim, audiovizual, kommunikatsiya va ommaviy aloqalar, psixologiya, audit va shu kabi sohalarda tahsil olayotgan bakalavr yoki magistratura bosqichi talabalari ishtirok etishlari mumkin. Nomzodlar ingliz yoki fransuz tilini bilishlari lozim. Nomzodlarning barcha xarajatlari dastur ma’muriyati tomonidan qoplanadi, shuningdek, 3452 Shveysariya franki ($3780) miqdorida oylik stipendiya beriladi. 

Dasturga ariza topshirish jarayoni 2025-yil 3-mart, O‘zbekiston vaqti bilan 4-mart soat 03:59 gacha davom etadi. 

Dastur haqida ushbu havola orqali batafsil ma’lumot olish mumkin. 

Dasturda ishtirok etish uchun quyidagi talablar mavjud: 

• Dasturda tarjima, inson resurslari, ilg‘or kotiblik ishi, biznes boshqaruvi, logistika, huquq, moliya, buxgalteriya hisobi, kutubxona va axborot fanlari, muhandislik boshqaruvi, fan kommunikatsiyasi, ta’lim, audiovizual, kommunikatsiya va ommaviy aloqalar, psixologiya, audit va shu kabi sohalarda tahsil olayotgan bakalavr yoki magistratura bosqichi talabalari ishtirok etishlari mumkin;
• Nomzodlar CERN Member or Associate Member State a’zosi bo‘lgan davlat fuqarosi bo‘lishlari lozim. O‘zbekiston fuqarolari ham qatnasha oladi;
• Nomzodlar 2025-yil may oyi, ya’ni keyingi saralash bosqichigacha bakalavr bosqichining kamida 3 semestri (18 oy)ini yakunlagan bo‘lishi kerak;
• Amaliyot davomida talabalar safidan chiqmasligi va talaba sifatida qolishi zarur;
• Ingliz yoki fransuz tilini yaxshi darajada bilishi kerak. 

Eslatma! STEM/injiniring sohasida tahsil olayotgan nomzodlar ushbu dasturga ariza topshira olmaydilar, ularga CERN Technical Student programme dasturi bilan tanishib chiqish maslahat beriladi. 

Dastur talablari haqida ushbu havola orqali batafsil ma’lumot olish mumkin. 

Dasturning quyidagi foydali jihatlari mavjud: 

• 2 oydan 12 oygacha amaliyot davomida o‘qish puli qoplanadi;
• 3452 Shveysariya franki ($3780) miqdorida oylik stipendiya beriladi;
• Yo‘l xarajatlari qoplanadi;
• Nomzodning sharoitidan kelib chiqib (oilasi yoki farzandlari uchun) qo‘shimcha mablag‘ ajratilishi mumkin;
• Sug‘urta xarajatlari ham qoplanadi (lekin bu mablag‘ oylik stipendiyadan ajratib olinadi);
• Bir oyda 2 yarim kunlik dastur hisobidan ta’til beriladi. Adminstrative Student Programme 2025-2 dasturi bakalavr va magistratura bosqichi talabalari uchun Shveysariyaning Jeneva shahrida barcha xarajatlari qoplanadigan amaliyot dasturini e'lon qiladi. 

Dasturga ariza topshirish jarayoni quyidagicha:

• CV- ingliz yoki fransuz tilida va Pdf formatida yuklanishi lozim;
• Akademik transkripsiya, tavsiyanoma kabi qo'shimcha hujjatlarni topshirish ham maslahat beriladi;
• Dasturga 2025-yil 3-mart, O'zbekiston vaqti bilan 4-mart soat 03:59 gacha ariza topshirish kerak;
• Birinchi bosqichdan o'tgan nomzodlar bilan telefon/video qo'ng'iroq orqali intervyu bo'lib o'tadi.

Eslatma! Ushbu dasturda qatnashish uchun nomzod o'qiyotgan universitet ma'muriyati tomonidan ruxsat berilishi va talabalar safida ushlab qolinishi kerak, aks holda, dastur tashqi hujjatlarni rasmiylashtirish ishlariga javob bermaydi. 

Ariza topshirish jarayoni haqida ushbu havola orqali batafsil ma'lumot olish mumkin.

CERNda mavjud bo‘sh ish o‘rinlari haqida ushbu havola orqali ma’lumot olish mumkin. 

Dastur haqida quyidagi ijtimoiy tarmoqlar orqali ham ma’lumot olish mumkin: 

-LinkedIn;

-Facebook;

-Twitter;

-Xing;

-WeChat.