"Chegarasiz qoʻshiqlar" Xalqaro yozuvchilik tanlovining 19-mavsumi; bosh sovrin - Fransiyaga xarajatlari toʻliq qoplanuvchi 1 haftalik sayohat

"Chegara bilmas qoʻshiqlar" Xalqaro yozuvchilik tanlovi — Fransiyaning Chansons sans Frontières tashkiloti tomonidan tashkil etilgan tanlovning 19-mavsumi eʼlon qilindi. Tanlovda istalgan davlat fuqarosi oʻzi yozgan qoʻshiq matni (sheʼri) bilan ishtirok etishi mumkin.

Tanlovning 19-mavsumi uchun “WHAT IF THE EARTH SANG?” mavzusi tanlangan. Qoʻshiq har bir ishtirokchining ijodkorlik qobiliyati va tasavvuridan kelib chiqqan holda yozilishi mumkin. Qoʻshiq matni fransuz tilida boʻlishi va 15-dekabrgacha onlayn tarzda yuborilishi kerak.

20 yoshdan katta boʻlgan ishtirokchilar orasidan First Prize va Second Prize mukofoti egalari tanlab olinadi.

20 yoshdan kichik boʻlgan ishtirokchilar orasidan 1st va 2nd Young Audience Prize mukofoti egalari tanlab olinadi.

Tanlov shartlari va qoidalari bilan ushbu havola orqali batafsil tanishib chiqish mumkin.

Tanlovda ishtirok etish talablari:

• Barcha davlat fuqarolari ishtirok etishi mumkin;
• Ishtirokchining ona tili fransuz tili boʻlmasligi kerak;
• Har bir ishtirokchi faqat 1 ta qoʻshiq matni bilan ishtirok etishi mumkin;
• Qoʻshiq matni rasmiy saytda taqdim etilgan talab va tavsiyalarga mos kelishi lozim.

Tanlov shartlari va qoidalari bilan ushbu havola orqali batafsil tanishib chiqish mumkin.

Talovda ishtirok etish mutlaqo bepul.

First and Second Prize faqat 20 yoshdan katta ishtirokchilar uchun amal qiladi:

• First Prize — 1 hafta davomida Fransiyaga xarajatlari toʻliq qoplanadigan  sayohat (2 kishilik);
• Second Prize — €500.

1st and 2nd Young Audience Prize 20 yoshdan kichik boʻlgan ishtirokchilar uchun amal qiladi:

• 1st Young Audience Prize — €400;
• 2nd Young Audience Prize — €200.

Tanlovda ishtirok etish uchun onlayn tarzda roʻyxatdan oʻtiladi va fransuz tilidagi qoʻshiq matni yuklanadi.

Roʻyxatdan oʻtish uchun koʻrsatmalar bilan ushbu havola orqali tanishib chiqish mumkin

Qoʻshimcha savol va murojaatlar yuzasidan tanlov tashkilotchilari bilan bogʻlanish uchun: contact@chansons-sans-frontieres.fr