Maktab oʻquvchilari uchun professional va hayotiy ko'nikmalarni rivojlantirishga qaratilgan 4 oylik Oxiana Fellowshiр dasturi

Oxiana Fellowshiр dasturi Oʻzbekistondagi yuqori akademik koʻrsatkichga ega, ijtimoiy jihatdan faol yoshlarni qoʻllab-quvvatlash, ularni chet elda oʻqishlari uchun xolisona kerakli maslahatlar berishni maqsad qilgan dastur hisoblanadi.

Qabul qilingan nomzodlar 4 oy davomida onlayn darslarda ishtirok etish orqali har xil loyihalarni yaratish va innovatsion gʻoyalarni amalda qoʻllash uchun yetarli kuch va motivatsiyaga ega boʻladi. Oʻzlarining oldiga shaxsiy reja va maqsadlarini belgilab oladi va ularni amalga oshirish uchun ilk qadamni ushbu jamoa yordami bilan boshlaydi.

Joriy yildan boshlab dasturda qatnashish narxi oyiga 100 AQSh dollari. Ammo, agar nomzod dasturga qabul qilinsa, lekin toʻlovni toʻlay olmasa, 100% bepul qatnashish imkoniga ega.

2020-yilda tashkil etilgan Oxiana Fellowshiр jamoasi shu kunga qadar akademik jihatdan yuqori koʻrsatkichga ega va mehnatsevar yoshlarga nufuzli dasturlar, jumladan, UWC, TechGirls, qolaversa, AQShning yetakchi universitetlariga ariza topshirishda yordam berib kelmoqda.

Ushbu dastur davomida ishtirokchilar muvaffaqiyatli va tajribali Mentorlar, jumladan, AQShning yetakchi universitetlarida toʻliq stipendiya asosida oʻqiyotgan oʻzbekistonliklar bilan suhbat qurish va ulardan maslahat olish imkoniyatini qoʻlga kiritadi.

Dasturda ishtirok etish uchun nomzodlar quyidagi talablarga javob berishi lozim:

• Dasturda Oʻzbekistonda yashovchi 9-sinf maktab o'quvchilari qatnashishi mumkin. 10-sinfda o'qiyotganlarning ham arizasi olinadi, ammo ustunlik 9-sinflarga beriladi. Universitet talabalari va kollej/akademikning oxirgi kursida o'qiyotgan litsey oʻquvchilari ishtirok eta olmaydilar.
• Ingliz tilidan xabardor bo'lish kifoya. IELTS, TOEFL kabi sertifikatlar talab qilinmaydi;
• Mustahkam internet aloqasi kerak. Chunki haftasiga 1-2 soatdan zoomda onlayn darslar tashkil etiladi.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan ishtirokchilar quyidagi imkoniyatlarga ega boʻladi:

• Dasturga qabul qilingan ishtirokchilar ushbu Inkubator aʼzosiga aylanadi va jamoa aʼzolari bilan oʻz loyihalari ustida tadqiqot qilishlari mumkin;
• Muvaffaqiyatli va tajribali mentorlar, jumladan, AQShning yetakchi universitetlarida toʻliq stipendiya asosida oʻqiyotgan oʻzbekistonliklar bilan suhbat qurish va ulardan maslahat olish imkoniyatini qoʻlga kiritadi.
• Yangi hayotiy koʻnikma, bilim va motivatsiyaga ega boʻladi'
• Dasturni muvaffaqiyatli tugatganlarga sertifikat, tashkilotchilardan tavsiyanoma xati beriladi hamda 1:1 formatda o'qishni davom ettirish imkoniyati beriladi.

Dasturning manfaatli jihatlari haqida batafsil ushbu havola orqali maʼlumot olish mumkin.

Dasturga ariza topshirish 2 bosqichdan iborat:

• 1-bosqich. Bunda nomzodlar ushbu havola orqali onlayn ariza shaklini toʻldirishi lozim.
• 2-bosqich. Qisqa roʻyxatga saralangan nomzodlar 15 daqiqa davom etadigan onlayn suhbatdan oʻtadi.

Dasturning umumiy koʻrinishi

• Haftalik seminarlar: Mentorlar haftalik Zoom seminarlarini oʻtkazadilar, ular ishtirokchilarni oʻz loyihalarida qoʻllashlari mumkin boʻlgan yangi tushunchalar va koʻnikmalar bilan tanishtiradi. Ushbu haftalik seminarlarda ishtirok etish majburiydir. Agar ishtirokchi asosli sababsiz 3 dan ortiq sessiyani oʻtkazib yuborsa, uning ishtiroki toʻxtatiladi.
• 1:1 mentorlik: Dastur davomida talabalar yakkama-yakka uchrashuvlar orqali ularga rahbarlik qiladigan mentorlardan maslahat/yordam olishi mumkin. Mentorlar individual loyihalar, shaxsiy murabbiylik boʻyicha maslahatlar bilan yordam berishadi.
• Loyiha tanlovi: (рroject comрetition) Inkubator davomida ishtirokchilar yangi sohalarga oʻsishga undaydigan va ijtimoiy taʼsir koʻrsatadigan shaxsiy loyihani ishlab chiqishlari kutiladi. Loyihani ishlab chiqishning har bir bosqichida ularga murabbiylar va tengdoshlar tomonidan fikr-mulohazalar beriladi va Inkubator tanlovida ball hisoblanadi.

​

Dastur 2024-yil fervaldan may oyigacha davom etadi.

Qoʻshimcha murojaatlar uchun: oxianafellows@gmail.com