Chexiyada kompyuter lingvistikasi yo'nalishi bo'yicha magistrtura bosqichida o‘qish uchun to‘liq moliyalashtiriladigan Computational Linguistics Scholarship grant dasturi

Chexiyaning Charlz universiteti dunyo universitetlari orasida QS Rankingga ko'ra 246-o'rinda turuvchi nufuzli universitet hisoblanadi. Universitet kompyter lingvistikasi yo'nalisida grant asosida o'qish uchun talabalarga Computational Linguistics Scholarship dasturini e'lon qiladi. Ushbu grantga ega bo‘lish uchun Charles universitetining matematika va fizika fakultetining 
Computer Science - Language Technologies and Computational Linguistics magistratura yo'nalishiga ariza topshirish kerak.

Yo'nalishda o'qish uchun esa umumiy talablarga mos keluvchi barcha ariza berishi mumkin. Dastur to‘liq ingliz tilida bo‘lib o‘tadi. Dastur davomiyligi - 2 yil.

Grantga ega bo'lganlar kontrakt to‘lovidan ozod qilinadilar hamda stipendiya bilan ta'minlanadilar.

Dastur bilan batafsil ushbu havola orqali tanishib chiqish mumkin.

Dastur uchun nomzodlar quyidagi talablarga javob berishlari kerak:

• Nomzodlar bakalavr yoki magistr diplomiga ega bo‘lishlari;
• Baklavr bosqichini yakunlash arafasida turgan nomzodlar ham ariza berishi mumkin, buning uchun o'qishni qachon yakunlab, diplomni qo'liga olishi haqidagi hujjatni taqdim etishi lozim;
• Ingliz tilini bilishni tasdiqlovchi IELTS 6.5 yoki TOEFL Paper/Computer/Internet 550/213/80 til sertifikatiga ega bo‘lishlari;
• Computational Linguistics Scholarship grantiga ega bo‘lish uchun nomzodlar Chexiyadagi Charlez universiteti, matematika va fizika fakultetidagi Kompyuter lingvistikasi yo'nalishiga 30-aprelga qadar ariza berishga ulgurishi kerak;
• Nomzodlar boshqa grant yoki stipendiyaga ega bo'lmagan bo‘lishlari kerak.

Dastur maqbullik shartlari bilan ushbu havola orqali  batafsil tanishib chiqish mumkin.

Dasturga qabul qilingan talabalar quyidagi imtiyozlarga ega bo‘ladilar:

• Kontrakt to‘lovidan ozod qilinadi;
• Yiliga 120 000 CZK (taxminan €4 800)stipendiya beriladi.

Dastur imtiyozlari bilan ushbu havola orqali batafsil tanishib chiqish mumkin.

• Dasturga ariza topshirish uchun Student Information System tizimi orqali ro‘yxatdan o‘tiladi.

Ariza  topshirishda quyidagi hujjatlar so‘raladi:

• CV;
• Motivatsion xat;
• Nomzodning chop etilgan ishlar ro‘yxati (agar mavjud bo‘lsa);
• Diplom ilovasi (bakalavrning oxirgi kursida o'qiyotganlar baholarining tarjimasi va o'qishni qachon yakunlashi haqida hujjat taqdim qilishi kerak);
• Grant uchun ariza (arizaning aynan qanday yozilishi bo‘yicha belgilangan shakli mavjud emas);
• Nomzodning ilmiy rahbari yoki ish beruvchisi tomonidan ikkita tavsiyanoma;
• Ushbu hujjatlarning barchasi ingliz tilida yozilgan bo'lishi yoki rasmiy ingliz tiliga tarjima qilingan holda yuklanishi kerak.
• Dastlabki sanalgan 1-4-hujjatlar Student Information System tizimiga PDF shaklida yuklanadi.
• Dastur uchun ariza  cls@ufal.mff.cuni.cz va  admission@mff.cuni.cz elektron manzillariga. Ariza elektron xabar mavzusida “CLS application – your name” shaklida (ya'ni, CLS arizasi va nomzodning ism-familiyasi) yuboriladi.
• Tavsiyanomalar ham tavsiyanoma beruvchi  tomidan cls@ufal.mff.cuni.cz va  admission@mff.cuni.cz elektron manzillariga yuboriladi. Tavsiyanomalar elektron xabar mavzusida  “CLS recommendation – your name” shaklida (ya'ni, CLS tavsiyanoma  va nomzodning ism-familiyasi) yuboriladi.

Dasturga hujjat topshirish bilan batafsil ushbu havola orqali tanishib chiqish mumkin.

Qo‘shimcha ma'lumotlar:

• Natijalar 2025-yil 31-maygacha e'lon qilinadi;
• Tel:+420 951 551 217, +420 951 551 404;
• Email:info@mff.cuni.cz; admission@mff.cuni.cz.