Coca Cola kompaniyasidan bakalavr 3-4-kurs talabalari uchun kasbiy malakalarni rivojlantirishga mo'ljallangan onlayn Yoshlar Akademiyasi
-
20/05/2022 Qabul boshlanishi
-
Bepul Moliyalash turi
-
Oʻzbekiston Davlat
-
29.05.2022 Oxirgi muddat
Umumiy maʻlumotlar
Coca Cola kompaniyasi oʻzining hamkorlari boʻlmish Istanbulda joylashgan Bosfor universiteti (Amerika oliy taʼlim muassasasi), ASYOU (Azarbayjon), IDF (Qozogʻiston) va ZIYO forum (Oʻzbekiston) tashkilotlari bilan birgalikda 2022-yilning yoz mavsumi uchun Yoshlar Akademiyasini tashkil etmoqda.
Akademiya bakalavrning oxirgi ikki kurs talabalarini qamrab olishni koʻzlagan. 6 haftalik onlayn seminarlar davomida marketing, menejment biznes, xodimlar va mijozlar bilan muloqot qilish madaniyati, karyerani boshlash boʻyicha turli darslar berib boriladi.
Dars jadvali hamda oʻtiladigan fanlar bilan bu yerda batafsil tanishish mumkin.
Darslarni muvaffaqiyatli yakunlaganlarga sertifikat hamda Coca Cola kompaniyasida amaliyot oʻtash imkoniyati ham beriladi.
Darslarning boshlanish sanasi: 30-may.
Maqbullik shartlari
- Onlayn kursda hozirda bakalavrning oxirgi ikki kursida tahsil olayotgan talabalar qatnashishi mumkin;
- Ingliz tilini bilish so'raladi (sertifikat majburiy emas);
- Onlayn darslarga muntazam qatnasha olishi kerak;
- Yangi bilimlarni o'zlashtirishga qizuvchanligi yuqori bo'lishi lozim.
Dastur talablari bilan rasmiy manbada batafsil tanishish mumkin.
Foydali tomonlari
- Coca-Cola xodimlari va xalqaro professorlar tomonidan 6 haftalik bepul onlayn veb-seminarlar;
- Ruhlantiruvchi adabiy suhbatlar;
- Chinakam biznes muhitiga tushish;
- Darslarni yakunlaganlik haqida sertifikat;
- Sara qatnashchilar uchun Coca Cola kompaniyasida amaliyot
Va yana koʻplab qiziqarli imkoniyatlar dastur doirasida taqdim etiladi.
Qoʻshimcha maʻlumotlar
Har bir sessiya uchun taklifnoma ishtirokchilarning elektron pochtasiga yuboriladi. Shuning uchun qatnashish istagida boʻlganlardan pochta manzilini aniq yozish soʻraladi.