Create the Future Design — dizayner va muhandislar uchun tanlov. G‘oliblar $25.000 gacha pul mukofoti, xalqaro sertifikat bilan taqdirlanadi

2002-yilda Tech Briefs jurnali noshirlari tomonidan boshlangan yillik Create the Future Design tanlov 2025-yil uchun qabul boshlanganini e’lon qiladi. Yillik tadbir dunyo bo‘ylab 100 dan ortiq mamlakatlardagi muhandislar, tadbirkorlar va talabalarning 15,000 dan ortiq mahsulotlarini loyihalashtirish g‘oyalarini jalb qiladi.

Tanlov quyidagi sohalardagi dizaynerlik va muhandislik ishlarini qabul qiladi:

• Aerokosmik & Mudofaa - aerokosmik, aviatsiya yoki mudofaa bozorlarida qo‘llaniladigan yangi mahsulotlar.
• Avtomobil / Transport - odamlar va yuklarni bir joydan ikkinchi joyga ko‘chirishga imkon beradigan mahsulotlar.
• Iste’mol tovarlari dizayni - ish joyida, uyda yoki sayohat paytida yashash sifatini oshiradigan mahsulotlar.
• Elektronikalar / Sensorlar / IoT - elektron komponentlar, boshqaruv va tizimlardagi yutuqlarga tayanadigan hisoblash, aloqa, tushunish, test va boshqa sohalarni yaxshilaydigan mahsulotlar; o‘zaro bir-biriga bog‘liq dunyoni yaratadigan mahsulotlar - narsalar interneti (IoT) va narsalarning sanoat interneti (IIoT)
• Ishlab chiqarish / robototexnika / avtomatlashtirish - ish, ishlab chiqarish va ilmiy-tadqiqot ishlarini tezlashtiradigan, yaxshilaydigan yoki avtomatlashtiradigan mahsulotlar (ilmiy-tadqiqot).
• Tibbiyot - sog‘liqni saqlash samaradorligini va yashash sifatini yaxshilaydigan mahsulotlar.
• Barqaror texnologiyalar/kelajak quvvati - qayta tiklanmaydigan quvvat manbalariga bog‘liqligini kamaytiradigan "yashil" mahsulotlar, shuningdek, ekologik toza materiallar yoki ishlab chiqarish jarayonlaridan foydalangan holda boshqa maqsadlarga mo‘ljallangan mahsulotlar.

Tanlovga ushbu 7 kategоriyaning biriga mos tushuvchi muhandislik va dizayn loyihalari bilan qatnashish mumkin:

1. Aerokosmik & Mudofaa;
2. Avtomobil/Transport;
3. Elektronika;
4. Energiya, Quvvat & Harakatga keltirish;
5. Ishlab chiqarish va materiallar;
6. Tibbiyоt;
7. Robototexnika va avtomatlashtirish.

• Qurilmaning kamida bitta rasmini yuborish;
• Qurilma haqida ingliz tilida (500 ta so'z gacha) texnik referat shaklida tavsif berish;
• Tavsif qurilmani qanday ishlashini, uni qanday yangilik ish qila olishini, qanday ishlab chiqarilishini va qayerda qo'llanilishini qamrab olishi;
• Kamida bitta (lekin uchtadan ko'p bo'lmagan) ko'rgazmali qurollar (illustratsiya) bilan yuklash;
• Fayl PDF (bitta sahifali), GIF, JPEG, PNG shakllarda bo‘lishi;
• Fayl hajmi har bir rasm uchun 2 MB ostida saqlanishi.

Ishlar quyidagi mezonlar bo'yicha baholanadi:

• Innovatsiya ( ballning 50%i ) - loyihaning yangiligi nimada? Bu zamonaviy san'at darajasidan ancha yuqori darajada rivojlanganlikni aks ettira oladimi?
• Amalga oshirish mumkinligi (25%) - amalga oshirish qanchalik oson bo'la oladi? Uni ishlab chiqarish iqtisodiy jihatdan samara beradimi? Ishlab ketishi isbotlanganmi?
• Savdoga layoqatlilik (25%) - g'oyaning amaliy qo'llanmalari bormi? Uni ishlatish uchun aniq belgilangan, muhim bozor mavjudmi?

• Bosh mukofot: COMSOL va Mouser Electronics tomonidan taqdim etilgan $25,000 рul mukоfоti - 1 ta
• Birinchi o‘rin: HP va NVIDIA tomonidan taqdim etilgan noutbuk yoki planshet - 7 ta
• Eng mashhur loyiha: texnologik to‘plamlar (tech kit) - 10 ta
• Sertifikatlar: eng yuqori ball to‘plagan 100 ta loyiha (hakamlarning baholari asosida) qanchalik ifodalanganliklariga mos ravishda sertifikat olishadi.

Dasturda qatnashish uchun quyidagi 3 bоsqichni bajarish kerak:

1. Ushbu havola orqali ro‘yxatdan o‘tish;
2. Yuborilgan elektron pochta xabariga javob yozib, ro‘yxatdan o‘tganligingizni tasdiqlash;
3. Arizani to‘ldirish.

• Illustratsiyasiz yuborilgan arizalar avtomatik ravishda diskvalifikatsiya qilinadi;
• G‘oliblar jonli onlayn eshittirish orqali (Webcast) TBA sanasi va vaqti davomida e’lon qilinadi.