DAAD Helmut-Schmidt-Programme 2027 — Germaniyada davlat boshqaruvi magistraturasi uchun toʻliq grant va €992 oylik stipendiya

DAAD tashkiloti tomonidan magistratura bosqichini Germaniyada davom ettirishni xohlovchi rivojlanayotgan davlat fuqarolari uchun Helmut-Schmidt-Programme Masterʼs Scholarships dasturi tashkil etilgan. Dastur 2027-yilning sentabr/oktabr oylarida boshlanadi.

Dasturdan koʻzlangan maqsad rivojlanayotgan davlatlarda boshqaruv tizimi va fuqarolik jamiyati tuzilmalarini rivojlantirishga yordam berishdan iborat. Dastur ijtimoiy boshqaruv, iqtisodiyot, siyosat va huquq sohalariga aloqador quyidagi 7 xil magistrlik kurslarida bepul oʻqish imkoniyatini taqdim etadi:

• Social Protection Systems — Hochschule Bonn-Rhein-Sieg;
• Master of Development and ­Governance — University of Duisburg-Essen.
• Master of Public Policy (MPP) — University of Erfurt, Willy Brandt School of Public Policy;
• Peace and Conflict Studies (PACS) — Otto von Guericke University Magdeburg, Faculty of Humanities, Social Science & Education;
• Master of Management in ­Nonprofit-Organisationen — University of Applied Sciences Osnabrück, Faculty of Business Management and Social Sciences;
• Master of Governance and Public Policy — University of Passau, Faculty of Arts of Humanities;
• Development Studies — University of Passau The Faculty of Arts and Humanities.

Barcha kurslar ingliz tilida olib boriladi. Stipendiyachilar dastur koordinatorlari tomonidan oʻqish davomida qoʻllab-quvvatlanadi, shuningdek maxsus seminar va tarmoq tadbirlarida ishtirok etish imkoniyatiga ega boʻladi.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

Dasturda ishtirok etish uchun talablar:

• Dasturda rivojlanayotgan davlatlar fuqarolari ishtirok etishi mumkin. Oʻzbekiston ushbu davlatlar qatorida mavjud;
• Nomzodlar ijtimoiy va siyosiy fanlar, huquq, iqtisod, davlat siyosati va boshqaruvi kabi sohalarda bakalavr (yoki ekvivalent) darajasiga ega boʻlishi va baholar reytingi yuqori uchdan birida boʻlishi kerak;
• Ingliz va/yoki nemis tilini mukammal bilishi lozim. Sertifikat talab etiladi; til bilish darajasi talabi tanlangan magistrlik kursiga qarab farq qiladi;
• Oʻz davlatining ijtimoiy, siyosiy va iqtisodiy rivojlanishiga hissa qoʻshishga tayyor boʻlishi, shuningdek dasturga aloqador amaliy tajribaga (ish tajribasi, amaliyot yoki jamoat faoliyati) ega boʻlishi lozim;
• Ariza topshirish vaqtida oxirgi oliy maʼlumot diplomi olingunga 6 yildan koʻp vaqt oʻtmagan boʻlishi kerak (2020-yil 1-yanvardan keyin olingan);
• Ariza topshirishdan oldingi 15 oy ichida DAC roʻyxatida koʻrsatilmagan davlatda 15 oydan ortiq yashagan nomzodlar dasturga qabul qilinmaydi;

Dasturga qabul qilingan ishtirokchilar quyidagi imtiyozlarga ega boʻladi:

• Dastur davomida ishtirokchilar Germaniyaning nufuzli 7 oliygohining magistratura kurslaridan birida oʻqish imkoniyatiga ega boʻladi;
• Oʻqish kontrakt toʻlovidan ozod etiladi va oylik 992 yevro miqdoridagi stipendiya beriladi;
• Safar xarajatlari (bir martalik toʻlov) qoplanadi va tibbiy sugʻurta bilan taʼminlanadi;
• Oʻqish va tadqiqot ishlari xarajatlari uchun mablagʻ ajratiladi;
• Ijara xarajatlarini qoplash uchun subsidiya va oila aʼzolari uchun qoʻshimcha toʻlovlar (mos sharoitda) taʼminlanadi;
• Germaniyada oʻqishdan oldin 4 oygacha bepul nemis tili kursi taʼminlanadi (ishtirok etish majburiy);

• Ishtirokchilar oila aʼzolarini (turmush oʻrtogʻi va farzandlari) oʻzi bilan olib ketishlar mumkin. Dastur bu borada alohida yordam beradi;
• Ijtimoiy himoya (Social Protection) onlayn magistrlik kursida oʻqiydiganlar uchun oyiga €500 stipendiya toʻlanadi. Toʻlov dastur soʻnggida (4-semestrda) toʻlab beriladi.

Dastur imkoniyatlari bilan batafsil ushbu havola orqali tanishish mumkin.

Dasturda ishtirok etish uchun tegishli universitetlarning berilgan 7 ta magistrlik kurslaridan ikkitasiga ariza topshirish imkоni mavjud.

Kerakli hujjatlar:

• Checklist form — hujjatlar topshirilganligini tasdiqlovchi varaqcha (chop etib, qoʻlda imzolanib, skanerlangan holda ilovaga qoʻshiladi);
• Toʻldirilgan DAAD ariza shakli;
• 2 sahifadan oshmagan motivatsion xat (ikkita kursga ariza topshirilsa ham, bitta xat taqdim etiladi; kurslar ustunlik tartibida asoslanishi lozim);
• CV (Europass formatida, sanasi qoʻlda qoʻshilgan holda, teskari xronologik tartibda);
• Oliy maʼlumot diplomi nusxalari (nemis yoki ingliz tilida boʻlmasa, tasdiqlangan tarjimasi bilan);
• Baholash natijalari (transcript) to'liq nusxasi va baho tizimi izohi (kerak boʻlsa, tasdiqlangan tarjimasi bilan);
• Dasturga aloqador amaliy tajribani tasdiqlovchi hujjatlar (ish joyi yoki amaliyot tasdiqnomalari, jamoat faoliyati dalillari);
• Ingliz tili bilimini tasdiqlovchi hujjat;
• Joriy ish joyi yoki (hozirda talaba boʻlsa) universitet oʻqituvchisidan yozma tavsiya xati (rasmiy muhr va imzo bilan).

Muhim:

• Arizalar faqat ingliz yoki nemis tilida universitet o'ziga topshirilishi lozim.
• DAAD manziliga yuborilgan arizalar tegishli magistrlik kurslariga yoʻllanmaydi.
• Ikkitadan ortiq universitetga yoki motivatsion xatda ustunlik tartibi aniq koʻrsatilmagan holda topshirilgan arizalar saralash jarayonidan chiqarib tashlanadi.
• Barcha hujjatlar to'liq boʻlmasa, ariza koʻrib chiqilmaydi.

Muhim sanalar:

• Ariza topshirish muddati: 2026-yil 1-iyun — 31-iyul
• Saralash komissiyasi yigʻilishi: 2026-yil oktabr/noyabr
• Natijalar eʼlon qilinishi: 2026-yil dekabr / 2027-yil yanvar
• Dastur boshlanishi: 2027-yil sentabr/oktabr

Tashkilotchilar bilan bogʻlanish:

• Social Protection, University of Applied Sciences Bonn-Rhein-Sieg — msc-socialprotection@h-brs.de
• Development and Governance, University of Duisburg-Essen — ma-devgov@uni-due.de
• Public Policy, Willy Brandt School of Public Policy at the University of Erfurt — admissions-mpp@uni-erfurt.de
• Peace and Conflict Studies, University of Magdeburg — pacs@ovgu.de
• Management in Nonprofit-Organisations, University of Applied Sciences Osnabrück — ppgg@hs-osnabrueck.de
• Development Studies, University of Passau — information.ppgg@uni-passau.de
• Governance and Public Policy, University of Passau — information.ppgg@uni-passau.de