Dasturchilar uchun Google tomonidan Code Jam onlayn musobaqasi. Tanlov gʻoliblariga pul mukofotlari topshiriladi

Dasturchilar uchun Google tomonidan 2003-yildan buyon har yili oʻtkazib kelinayotgan “Google Code Jam” musobaqasi. Tanlov davomida ishtirokchilarga maʼlum bir vaqt belgilanadi va ushbu vaqt davomida ular bosqichma-bosqich algoritmik masalalarni yechishlar soʻraladi. Masalalarni yechish davomida istalgan dasturlash tilidan foydalanishga imkoniyat beriladi.

Roʻyxatdan oʻtish 1-mart kuni 23:59 da boshlanadi va 3-aprel 23:59 gacha davom etadi. 

Tanlovda qatnashish uchun ushbu havola orqali kirish mumkin.

Oldingi yillarda berilgan masalalar va ularga yechimlar, tahlillari haqida bu yerda batafsil keltirib oʻtilgan. Tanlov boshlanishidan avval oʻtgan yillardagi savollar va ularning javoblari bilan tanishib chiqish ushbu tanlov haqida u yerda tushadigan masalalar boʻyicha toʻliq maʼlumot olishga yordam beradi.

• Tanlovda 18 yoshdan katta boʻlgan dasturchilik sohasiga qiziquvchi yoshlar qatnashishlari mumkin;
• Dasturchilarning Google accountlarida oʻz ism-shariflari, telefon nomerlari va qaysi davlatda yashashlari aniq va batafsil keltirib oʻtishlari soʻraladi;
• Shuningdek, roʻyxatdan oʻtgandan soʻng Google tomonidan ushbu tanlovda qatnashishga qonunan ruxsat berilgan davlatda yashash yoki yashamasligi tekshiriladi va nomzodlarga bu haqida xabar beriladi;
• Barcha bosqichilar ingliz tilida amalga oshirilganligi sababli nomzodlardan ingliz tilini bilishlari soʻraladi.

Eslatma: Tanlovda 16 yoshda bo‘lgan dasturchilar ham ishtirok etishlari mumkin, ammo final bosqichida eng kamida 18 yoshlilargina ishtirok eta olishadi.

Tanlov shartlari haqida bu yerda batafsil bilib olish mumkin.

Tanlov 5 bosqichda (Raund) bo‘lib o‘tadi va gʻoliblar quyidagicha taqdirlanadi:

1. 1-raunddan 2-raundga o‘tgan eng yaxshi 1000 ta dasturchi ichiga kirgan nomzodlarga Code Jam futbolkalari beriladi.
2. Code Jam musobaqasida oxirgi 5-bosqichiga yetib kelgan ishtirokchilar quyidagi miqdordagi pul mukofotlari bilan taqdirlanadilar:

• 1-oʻrin — $15 000 dollar
• 2-oʻrin — $2000 dollar
• 3-oʻrin — $1000 dollar
• 4-25-oʻrin — $100 dollar

Tanlov imkoniyatlari haqida batafsil bilish uchun asosiy saytning Rules qismiga kiriladi va u yerdan Prizes qismi tanlanib ustiga bosilsa, tanlov gʻoliblariga beriladigan imkoniyatlar keltirib oʻtilgan.

Eslatma: Algoritmik masalalarni yechish davomida dasturchilar oʻzlari istagan tildan foydalanishlari mumkin.

Tanlovda ishtirok etish bosqichlari:

• Dastlab, nomzodlar Tanlov shartlari va qonunlari haqida batafsil oʻqib chiqishlari soʻraladi. (Maʼlum bir davlat fuqarolariga bu tanlovda qonunan ishtirok etishga ruxsat berilmaydi: Shimoliy Koreya, Kanada va boshqalar.)
• Keyin esa nomzodlar ushbu link orqali oʻzlariga shaxsiy account yaratishlari kerak;
• Shaxsiy account yaratish davomida nomzodlarda nicknamelardan foydalanmaslik, yaʼni oʻz ism-familiyalarini toʻliq rasmiy holatda yozishlari soʻraladi;
• Roʻyxatdan oʻtgandan soʻng har bir bosqich (raund) qaysi vaqtda va qancha muddat davom etishi haqida ushbu link orqali bilib olish mumkin.

Eslatma: Roʻyxatdan oʻtishda qandaydir savollar paydo boʻlsa, ushbu email adresga xabar yuborish mumkin.

Roʻyxatdan oʻtish haqida FAQs boʻlimining Registering qismidan batafsil maʼlumot olish mumkin.

Qoʻshimcha savollar yuzasidan codejam@google.com email manziliga savol yuborish mumkin.

Code Jam musobaqasiga qatnashayotgan boshqa ishtirokchilar bilan ushbu guruh linki orqali tanishish mumkin.

Ijtimoiy tarmoqdagi sahifalari:

• Twitter
• Facebook
• YouTube