“Davlat belgisi” DUK tomonidan esdalik tangalari va suviner toʻplamlari dizaynerlari uchun maxsus tanlov

“Davlat belgisi” DUK (Davlat Unitar Korxonasi) tomonidan esdalik tangalari va suviner toʻplamlari dizaynerlari uchun maxsus tanlov taqdim etiladi. Gʻoliblar pul mukofotlari bilan taqdirlanadi hamda mavzuga doir yoʻnalish boʻyicha zarb qilinib, muomalaga chiqarilgan esdalik tangalari va suvenir toʻplamlarining muallifiga qoʻshimcha gonorar beriladi.

Dizayn konsepsiyasi va tematikasi quyidagilardan iborat:

• Tarixiy va muqaddas qadamjolar;
• Xalqimizning qadriyatlari, madaniyati va tarixi;
• Oʻzbekiston Respublikasi milliy valyutasi;
• Buyuk Ipak yoʻli;
• Sport sohasi;
• Tabiat va hayvonot olami;
• Milliy hunarmandchilik;
• Erkin mavzu.

Tanlov quyidagi bosqichlardan iborat:

1-bosqich. Ushbu bosqichda tanlovga kelib tushgan barcha dizayn loyihalari “Davlat belgisi” DUKning Ishchi guruhi mutaxassislari tomonidan oʻrganib chiqiladi va eng yaxshi 30 ta dizayn loyihasi saralab olinib, dizayn mualliflari roʻyxati eʼlon qilinadi.

2-bosqich. Bunda ishchi guruh tanlab olingan 30 ta dizayn loyihalarini Markaziy bankning Komissiyasi muhokamasiga kiritiladi. Komissiya taqdim etilgan dizayn loyihalarini 5 ish kuni mobaynida oʻrganib chiqadi va 15 ta gʻolibni tanlab oladi.

Dastur haqida batafsil ushbu havola orqali maʼlumot olish mumkin.

• Tanlovda tasviriy sanʼat, dizayn, grafika, illyustratsiya, reklama va boshqa turdosh sohaga oid bilim va tajribaga ega boʻlgan barcha ishtirok etishi mumkin;
• Nomzodlar dizayn konsepsiyasi va tematikasiga mos ijodiy ish yaratishlari lozim.

Birinchi bosqich shartlari:

• Dizayn muallif tomonidan chizilgan boʻlishi va boshqa ijodkorlarning avvalgi ishlarini qaytarmasligi kerak;
• Dizayn doira ichida (logotip koʻrinishida) kompyuter grafikasidan foydalanib (CorelDraw, PhotoShop va Illustrator dasturlari) tayyorlanishi yoki A4 formatli qogʻozga qalam bilan tushirilgan boʻlishi hamda ularda tasvirlangan har bir element aniq koʻrinishi lozim;
• Dizayn tanga yoki suvenir toʻplamlari avers (old tomoni) va revers (orqa tomoni) koʻrinishlardan hamda ularning qisqacha tavsifidan iborat boʻlishi talab qilinadi.

Ikkinchi bosqich shartlari:

• Birinchi bosqichda tanlab olingan 30 ta loyiha mualliflari “Davlat belgisi” DUK mutaxassislari bilan birgalikda dizaynlarga yakuniy ishlov berib, elektron fayllar EPS, AI, PDF, CDR tahrir qilinadigan raqamli vektor formatlaridan birida shakllantiriladi;
• Tanlovda gʻolib boʻlgan 15 ta loyihalar boʻyicha mualliflik huquqi mukofot puli toʻlangan vaqtdan boshlab “Davlat belgisi” DUK tasarrufiga oʻtgan hisoblanadi.

• 1-oʻrin uchun – 20 million soʻm;
• 2-oʻrin uchun – 15 million soʻm;
• 3-oʻrin uchun – 10 million soʻm;
• 4-15 oʻrinlar uchun har biriga 3 million soʻmdan mukofot puli beriladi;
• Loyihalar ichidan mavzuga doir yoʻnalish boʻyicha zarb qilinib, muomalaga chiqarilgan esdalik tangalari va suvenir toʻplamlarining muallifiga qoʻshimcha bir marotabalik 10 million soʻm miqdorida gonorar toʻlab beriladi.

Eslatma: Mukofot pullari gʻoliblar eʼlon qilingan kundan 7 ish kuni mobaynida muallifning bank plastik kartasiga toʻlab beriladi.

Tayyorlangan dizaynlar muallifining ismi, familiyasi, manzili, telefon raqami va elektron pochta manzilini koʻrsatgan holda 2024-yil 31-iyul kuni soat 23:00 ga qadar quyidagi manzillarning biri orqali taqdim etilishi lozim:

• designmint@davlatbelgisi.uz elektron manzili;
• +998942101218 Telegram kanali;
• “Davlat belgisi” DUK (100114, Toshkent shahri, Javaxarlal Neru koʻchasi, 3-uy).

• Dasturga hujjat topshirish uchun oxirgi muddat: 31-iyul, 2024-yil (23:00);
• Tel: (55) 503-33-72/(71) 209-03-32.